¹ Bulus nan Silas nan Timoty a wame ano tarse Yeso ano ageme se ŋara Tasalonika a yima Ədǝshǝri Aco nan Yeso unu kasa. ² Inra taye tõ ogwene cikǝ a yimǝ hǝyi, nan u cikǝ mǝlo ǝsura Ədǝshǝri, Aco wodo nan Yeso unu kasa, ³ Woro nen gusan Ədǝshǝri kukwan kuyu ca baka iŋi ano wǝnǝ. Baka nan nane ze eze kima, u yiya birwa bi ŋi vǝtǝ anu gaŋka. Konzen, tibarsa tǝ puŋa haŋi vǝtǝ anu. ⁴ Woro nan a te hado e zen iruwa i pǝu baka iŋi Akurǝ Ədǝshǝri. Kuyyu ca woro ra biyǝ u mutana u huŋi nan u yiya-birwa bigiya a nyimi zale m kwai magemse ŋira mutana anu. ⁵ I giya enze i-sana u biyǝ nlen ma Ədǝshǝri mä gaŋgaŋ. Imu mura aza umutǝtǝ ugiya enze umura opetǝ akura Ədǝshǝri. ⁶ Imu rusu birwar benze Ədǝshǝri sǝ chiŋarǝ anu chiŋaruŋi, atiyǝ u ra Ogomo Yeso orepo nan ti-maleika inagatǝ haŋe, ⁷ massǝ we anu chiŋruŋi nanna. ⁸ Anagemse gŋa tǝ ru Ədǝshǝri ni nan anu nyamene u kuna nlen ma Yeso Aco, gŋa să shi ikpai suŋ. ⁹ Ŋa sa shi ma kpai mame nan uwǝnǝ pew voto nan aji a Aco, nan uyisiza agata me. ¹⁰ Atiyǝ urawo me anu garan me sa yisiza me nan ucankozo, baka uyiya birwa beŋe a me. Se nlen mado mati mura aro pete iŋi. ¹¹ Baka igiya ze kuyatiyya woro remmozo aza haŋi. Oremmo da Adǝshǝri kaye ŋi aza uyiyabirwa bigiya. Woro ra remmo, da ma binja ape iwuma, nan ituma uyiyabirwa nan agatame. ¹² Ira remmo a tegogoro tigiya, baka da riji ra Adǝshǝri rimura uyisiza iŋi. Ira remmo konzen da yisiza ŋi, nan ugwene uwa Adǝshǝri, nan uwa Aco, Yeso unu kassa.