¹ Ya wowo, ro kanggon rine karkyar bero romau-romau ro wa wou rine fa romau romau, ol syafa i menis kuker women rurso wero ti nari wekin warisan ria naya. ² Ryo rawar wauw pok fevarnggin kukeri rum rirya riori isof ras we fawar kamari kyaruk fati rya. ³ Re rarya kuker kon, ro wewe romau ryae wewe women bwe rur bye byewarya roh kenem sop rime. ⁴ Wape, ras bwe fawar rya rimenis Allah ya iwan romau bye tya, ro awawen wun riama farkakor Taurat ria fa kon. ⁵ Saro byar seisi wero rawar wauw farkakor Taurat rya saro kono ko suaber wawouw rari romau sya. ⁶ Snar mokomu romau byesi mokon, Allah ya iwanrur isren romau ranek byetya ma kenem kenyama kor " Abba, may. ⁷ Re asonarimu mokonmu komensi mokon bwa bwo romau. Re romau si moko Allah ya fyasos wawouw bwe mokon ro Kristus. (Bwueya Fa Man Iwe Women Werero) ⁸ Fordiwara, mokofir Allah ya bwa, mokonmu women simokon ro rya-rya bero wodibur Allah ya. ⁹ Ro asonari, mokofir Allah ya ro bwa Allah ya firmokon, re rarsos wero asi mekiwer we be rurbwe bye bya wero pok robwa bwaurowa? Moko mayar meke women wer? ¹⁰ Moko baran fanyak ro ras-ras, sebaibwe sebai, for bwe for, akna misna bwe akna misna! ¹¹ Ya makaku man kandera erya ibwe fa auria rero pa rar syari. ¹² Yor be au min esia mokon, moko menis kuker ya snar yao yamenis kuker mokon mokomu meke berin seref ya bwa. ¹³ Mokofir , randak ya bere wos bwe bye rine fa mokon, snar karaf ena, nasyonek werya ryari yamanasen ria. ¹⁴ Rarsos-rarsos wero yamanasem karaf ena nerari karkyur bwe au, moko koryayeya bwa ro bwa moko bwere dyar ya bwa. Rerarya kuker, moko syomya rari yamu nonggaku bwe-we warafur Allah ya, rari yamu rupa rari Yesus Kristus manggundi. ¹⁵ Rarso kuker bwa bye moko manasem asonari rya? Snar, nari yasan bwetar mokon pon, robwa kwaf Eser makamena ma bwenamaya mokomayar. ¹⁶ Rarso asonari yamu mokomarisen ya bwa snar i pafana bwa bye riafa mokon? ¹⁷ Nonggaku-nonggaku bwerya sia seseref ryanbwe su ke swa bwer au, wape kuker swaruser bwe bye bwa. Si wowo sekefer mokon kuker karkyar moko seref si. ¹⁸ Rerarya nabwe, rari komayar kobwe farari ryan-ryan bwe bye, ro bwa for ya sya kuker au. ¹⁹ Romau-romauesya, sono mokon, yamarisen ikadaf warek sasyonek awawen isof Kristus Riama mokon. ²⁰ Ya kyar, yasya kuker au asonari ma i farwe seridi snar ya bworo swaruser yura seref au. (Hagar Kuker Sara Swue Faya) ²¹ Moko bwere maya, nonggaku we marisen bwe bye farkakor Taurat, ro bwa moko manaf farkor Taurat ria ke ro bwa? ²² Snar risya refas, Abraham nya romau noman suru, min ya sananmu won women rirya wo min ya sanarimu wun merdeka. ²³ Wape romau, wero kun women yamu taweni ni kuker karaf, wo romau wero wun merdeka yamu taweni kuker fafaru. ²⁴ Moko sayor fafaya rine saro rimenis refafana snarwun suru sune wun fafaru surya, yesier yamu fafaru bwero riane bwun sinai ma tawen romau-romau women irya Hagar. ²⁵ Asonarimu, Hagar fyafana farari ryanebwon sinai rero sop Arab, rimenis kuker Yeerusalem asonarimusnar kanggon bwa bye yos fa women sine kuker romau-romau sesya. ²⁶ Ower, Yerusalem re ro bwo ryamu wun wewe merdeka ma sana ketya irya. ²⁷ Snar risya refa "Wamarisenpa, fa wun bya wen bwa, bwe serir ma wor fa min we ma nasem awawen syawa. Snar si bwor romau wero wemawor we sei wun bwena noman sya." ²⁸ Min esya mokon mokonu romau-romau fafane wero Ishak. ²⁹ Ro ras bwerya riae, romau werama kuker karaf fe nari soko fau romau werama kuker rur, rari asonari rine. ³⁰ Wa pe, romna refo ria wereye? "Mokoyauw women wun suerya ya kuker romau bye tya snar romau women werya ya asi isuawer ro bwa kuker wun wewe merdeka ya. ³¹ Re rerarya, min esya mokon, konmu man mokowowo romau-romau wero wun women meri, wape wero wun merdeka ine.