(Kawasa Bwe Syae Sibye Kuker Kar kyar Sena) ¹ Rarso Fa Mokon, kawasa-kawasa Galatia we fir bwa mokone! Sei bwiau yaye mokon na? Kok bwa ro woropon moko makasena Yesus Kristus sesafi ai aprop ya ro woropon kawasa we buor? ² Ryan yesier Yamari Sen ifuken fa au rine, nari moko swawer rur snar mokowar user farkor Taurat, ro bwa snar mokomanaf kuker karkyar? ³ Re rari moko fir bwa tar? Asonari moko randak rur rya, rarso asonarimu moko mayar mokoku syun ri kuker karaf? ⁴ Bwa bye yos fa mokon bwa, far bwe wa bwe fyarfer mokon naya rirya ryan bwiau ro bwa? ⁵ Re, barso bye rur rine ma au kuker fararur Mujizat ma mokon snar moko baran farkor Taurat, ro bwa moko mananaf kuker karkyar? ⁶ Rari Abraham ikyar fa Masyeren kamaya ria, isof rian bwe rya rine re karkor bweti bwe bwa byeria. ⁷ Snar, saro bwefir kawasa-kawasa bwekyar bwerya sine si sor bwe romau Abraham. ⁸ Refo rine, re rapon bwe rya naya kuar, re nari Masyeren ya bye, kawasa-kawasa Yahudi bwa syafa sekaku karkyar sena, rarakya, bwaye bwerya rine fa Abraham kuker fararu, "Kawasa iwara tar nari isua bwer dame ria au." ⁹ Re kawasa bwekyar syae nari dame ria risya kuker Abraham, nonggaku bwekyar bwe rya ya. ¹⁰ Kawasa bwe saf fararur farkor Taurat sero rawar faras rya, Snar ri sya refas. " Nonggaku seibwe kunem fa irobwe bwori bwe pas farkor Taurat ma bwe bwe fararina wa subwer faras". ¹¹ Re, saro rebwair fa kofir Snar nonggaku yo isyafa bwe kaku woropon Masyeren ya Snar farkor Taurat, "re kawasa bwe kaku syae sibye kuker karkyar sena". ¹² Wape, farkor Taurat ria ri bworo pok karkyar ria rari, nonggaku bwebwe farari farkor Taurat ria nari syisay kuker ri". ¹³ Romau Masyeren ya riama ipyos bwa byewa faras wero farkor Taurat ma ribwor ma re faras bwe kon, Snar risya refas, " Wa suawer faras bwe saf ai aprop!" ¹⁴ Kuker romau Mayeren ya, dame bwero Abraham siwere wair rifa kaiwasa kawasa ro wodi bur Yahudi, kuker karkyar ko sua wer rur bwe bye wero fafaru ria. (Fafaru Masyeren Ma Farkakor Taurat) ¹⁵ Min esya mokon, ya bwe yabwere bwair ro kanggon ras bweras, re rari fafaru we muk, re sasan nonggaku, kuker nonggaku, osyafa nonggaku yos kyor robwa ower ro fafaru riwa. ¹⁶ Asonari mu, fafaru bwero Masyeren fa Abraham kuker kanggon kopu bwesya. ''Masyeren ya isan bwa kopu bwe bwor ma kopu kesya, re war bweryarine re fafana nenggaku yesier, iryei romau Masyeren. ¹⁷ Re ya bwo wo, farkor Taurat we asna misna suervutingdi fiak samfur di kior, ro fawar wepon rine asi wekokar fafaru bwe muk Masyeren ya. Re fafanu rine mu asi ko keper ri bur bwa. ¹⁸ Saro robenarime repok farkor Taurat, e nari robwena riwa asi repok fa fafaru kia bwa, wape, Masyeren ya bwa sye rine bye rifa Abraham kuker fafaru. ¹⁹ Re rerarsori farkor Taurat ria risya ria? Taurat rine rerama snar bwa bye bwa bye bwa nane, isof kopu sya serama rari fafaru rine bwe bwe rirya. Re farkakor Taurat rine risyur kuker romau warasar Masyeren ya ma romau yesier bye tia. Wape romau Masyeren ine riama fiarwe nonggaku yasier os bwa. ²⁰ Wape Masyeren komu bye yesier. (Bwe fako wero farkakor Taurat) ²¹ Re raryae, nari farkakor Taurat rine rekar yaye kuker fafaru Masyeren ya ria? Wape robwa! Snar, far kakor Taurat rine rerama rewar bwa bye ma kanggon rine rebwar bwekaku, re reryapa rero farkakor Taurat ria. ²² Wape, reforia resun we bwuori ya tar ma kawasa bwe we berin saro fafru ro karkyar ro rio Yesus Kristus re rafa nonggaku seisi bwekyari. ²³ Ro woropon karkyar ria reramawa, imim nonggaku kone koro far byewa ro wauw farkakor Taurat, risya pao far bye ria isof karkyar bwerama ria refas wair. ²⁴ Re rerarya, farkakor Taurat riamu rerama reminkon isof romau Masyeren ya riama saro ko suawer bwabye ria kuker karkyar kenya. ²⁵ Asonarimu, karkyarria rerakwarma, faduru kuker farkakor Taurat ria fa re minya bwa. ²⁶ Ro sono Yesus Kristus, kontar ramau-romau Masyeren si kon kuker karkyar kenya. ²⁷ Mokontar bwe suawer masi ro ryo Kristus mo soren Kristus ya. ²⁸ Oisyafa nonggaku Yahudiwa robwa nonggaku Yunani wa, women ro bwa nonggaku byores manggun, noman ke-wun ke Snar mokontar mu mokowe yesier Yesus Kristus. ²⁹ Re mokonmu Masyeren ya ro byesi mokon, remo konmu kopu-kopu Abraham ma wena bwa bye kuker fafaru.