Kenem Be, Ba, Bio Bero Romau Masyeren Ya ¹ Re mokomu mekiber kuker Romau Masyeren ya kwar, re mokoseref romna Romau Masyeren ya byefakwar bo asonari kionso kamari Masyeren ya rabar bara kaku rya ² Re asonarimu moko swaruser romna bero Ranek naya, Bo man ro bero kanggon sop rine nari. ³ Wa marmar mekeriamu Romau Masyeren ya biadi kuker kanggon kerene mekeria refo fa kamari Masyeren. ⁴ .Raria re kanggon kerene mu, Romau Masyeren ya isya kuker kon, Saro ras fyafanai ryae kosya kukeri. ⁵ Re asonarimu mun rari bebyeba bero au na, befafaser,benafaryak,rari be bieba, rari Bewarwer,bebar mokon fa mokokunem korwar. ⁶ Warwer beria nane nabe fataro Masyeren ya imosor kon rya. ⁷ Fornaya mokono makabe Beria naneso ⁸ Ape asonarimu.mokokapernatar.Masasor,bekadodo,bekoryaye nonggaku, Bur namekir sabapar meriri. ⁹ . Mwan nuananggar werri bo kwaper rari bebieba nane kwar. ¹⁰ . Souren rari babio saro ras be ras e fuafana kenem Masyeren biau kon ya fiafana fa kon rya. ¹¹ . Reraria re asonarimu nonggaku Yunani ke, Yahudi ke, Sesunat ke, Sesunat ba ke, Nonggaku Barbar ke, Skitke,Womenke,ape beria nanetar Romau Masyeren ya ryo riona. ( Kanggon Be Babio Kuker Min Bwesia) ¹² Re, Masyeren ya Kyifir au kwar, Nonggaku Beseren, Iswar, re sworen saswar rya,bie ababen, nia Syowi,Biarasuser,kiara user. ¹³ Kiara munna Bemenisfa nonggaku Besei,Bo fiadur nonggaku musi be mosor si rari Masyeren ya ipyon sasar buenia rya, reraria re wakepios min buetia sasar biena. ¹⁴ Ro beria nanetar,Saswar rya ribeyabekna tar rya ¹⁵ Rerariare Babe Yosyer bero Romau Masyeren ya rya refarai kenem bueria, risof refataro soraufa bue Yosyer kuker karaf buena, re bue farsaser. ¹⁶ Yorsaro wos Romau Masyeren ya rifo kuker au, saro fuarkor nonggaku sine kuker min sesia serouw sadadik bebar syomfa Masyeren Allah ya. ¹⁷ Romna mokobena, mokosanna, mokofararurna, mokobena, Romau Masyeren ya sonori bo mokobe syombe Masyeren Allah kamaia kuker sono Romau Masyeren ya. (Kanggon Be Babio Kuker Min Bwesia) ¹⁸ . Bun Befarbuk mokoya mokokunem Noman mokobuksya rari Masyeren ya Ibere rya. ¹⁹ . Noman befarbuk mokoya, mokoswar swa mekesia Bo man wasiamiri. ²⁰ . Romau mokoya mokomanaf kama, sana mekesia Saro Masyeren ya iswar mokon. ²¹ . Kama mokoya Bur meke Romau Siafa Simosor ri : Women mokoya mokomananaf. ²² . Nonggaku Befanau ya,Buena fararur naya kuker sene besiper ba wamakak Masyeren yare. ²³ . Romna bwena, bwena kuker senebesiper rari be Masyeren ya man rarifa Nonggaku Syari. ²⁴ . Ba mokofir Masyeren ya riso bie babieba riafa re Babiak Be au ubaran Wos Byerya. ²⁵ . Re nonggaku mundi Bebe Sasar Yae naiswaber abiber bebyebaria kuker romna biena, Re os asi pyeri bur Rian Rineba.