Pasal 2
1
Snar, yabobo saro mokofir farari kawer erya, Romna ibe fa mokon kuker bero laodikia, kuker nonggaku bebwor yaswaber baimimsya.
2
Yabere rinemu saro moko swaber Romna be bye Allah kama ketya manggundi.
3
Rotie, Nefo Robworiya rirya pande rya.
4
Yabere berya nane saro mokoswaropen nae bur nonggakuno serama serkon senanggar mokonri.
5
Snar, nonggaku karaf yane yasya so mokonba bape nari rur beseren rya refadur kon. ( Waso Pa Masyeren Yesus)
6
. Re, mokona kwar masyerem Yesus, mokobyepa rabar byeri.
7
. Bwe fires bo ubawen manggun meryau rari wos bebye rya re farkor au rya,
8
. Mwansaro bur nonggaku yos iyabek au kuker Romna bero ator nonggaku bero soprine.
9
. Snar ro ryorio rabar karaf rya ribye.
10
. Meke robufa rabar prental rya.
11
. Sekaruk karaf mekena,rabar munna bebe sasar.
12
. Mekobemasi sono byerya, mokomar, bape mokores kuker pok bero Allah.
13
. Fornawara mokomar kuker sasar mokobe naya, bape Allah ya bye mokon fa moko bye, bo kyokef sasar naya.
14
. Imar bo syaf ai apropya fa kyaruk robebwori ya.
15
. Bo bye kawasa bero rabar prental besayori syafa simwai. ( Bur Waso Asuser Nonggaku Ro)
16
Ras, Ras bebwa naya, mwan ryari nonggaku yos Tan-Timem bae bye sasar rya be auri.
17
Ape robwori mari berama berya naya Tarmu nero Masyeren ya.
18
. Nonggaku yos bur bye mararesi kuker swaruser byerya ro.
19
. Snar os, Bwerarya e waboro robu bepok, Fa ufarai karaf iwara Snar, Robwari bero karaf kenene Nas Na syur kopu ya sono byerya.
20
. Mokomar, moko bye kuker Masyeren yae bur mokofanam fa robwori berari
21
. Mokofafnaro, makan naro, mokokin naro.
22
. Snar Robwori nonggaku koya kau naya nari nesun farbyeba rya.
23
. Kosayor na nabye fadadur kwarubi bebye bape natar nekaku ba.