¹ Romkun-romkun mkommaf kma ma sna amkon sia ro Mansren mba ro rinemu ro bebie riria. ² Bwe syowi kmami ma snami sun. "Rine Farkakor werandak faro koa kuker fakako. ³ Insa kenem auria ribie ma kwon o nakwan ro dunia ate de. ⁴ Ama-ama mkowe sne wesam faro romkun ankom sia awer ambe ima mau sia simsor,mbape mkovakwaksi ro bebie ria ma farkakor Mansren. ⁵ Yonggos-yongngos ankowe siowi tuan wero dunia de kuker mokumem ma mkomkak,ma kuker sne wasiper farari faro Kristus. ⁶ Wamnis awer snonggu wefarkor fararus snonggu wemam pa ma wemar rosmen snonggu awer mbape mawime women Mansren wefararur farari Allah ndo snemri. ⁷ Warfararur kuker sne wesiper faro Mansren mbo wafararur faro snonggu bese awer. ⁸ Snar,mkovir yonggmyos airiake rowa snonggu wiores so manggundi,mbo ifararur pararur wewie,Mansren ina wie wawie dia faroi. ⁹ Tuan-tuan,mkowe raria faro women au sia. imkonium vrer auwer mba mkofir tuan amkon dia tuan asiria mkon kian mkoro nanggi,ma i so mu ryir saswar diawa. ¹⁰ Nderiria rraria pok faro Mansren ma ro pok airia. ¹¹ Mkokin robebuori panda Mansren ainia insa mkores o mkopok bur sarares iblis dia. ¹² Mba perjuangan akon dia arus kowesnar kraf ma rik,mbape kowesnas pemerintah-pemerintah,penguasa-penguasa,papok do dunia,vruseb rine mbape kowesnar papok rur werama re wekakar wero ranek. ¹³ Ndariria mkokim reweburi panda Allah ainiakiam msa mkoswawer pok wewe yor ndo ras wekakor dua riama raa,mdo ros duaria mkores o mkopok. ¹⁴ Nariria,mkores omkopok,mbu mkoyawek kawawirai amkomsia mbo mkosansun mkon do sansun Zirah keadilan. ¹⁵ Mbo wores o wapok do wos injil wewie faro. ¹⁶ Do rowebuari mawauriafa kiam,buar kakiar auria fa ukfar for warama ro rur wewiabaria. ¹⁷ Buar ferompet wewie auria ma ro mamum kakiar auri riria refo Mansren Allah. ¹⁸ Bue nadi ro ras kiam ao rur wesren aia mna naai fararior,mdo nadi auria,wadiaka fararior au ria kuker sne wesiper mbo nadi fararior faro snanggu wesren. ¹⁹ Bue nadi ma ro aya so insane aya so,awas swari ma afaya ria wos apaya mia maswawar fararyoe maro ya,insa aya so yamuai ba mbo yabre wos inju. ²⁰ Snar Injil dia ri,ri wepapiau ya so ria. Bue nadi ma ro aya so insa ayaso yakbre wos de farari rraruarpom. ²¹ Takhikus,srar wena kakiar kuker aya ria au ndo saswar ma fararur de bue sasor ba ro Mansren,ina ibre fasna varo au robebuori faro insa au se vuir ndariria maro aya so ma romuma awenia. ²² Yawan i faro au insa au so wapur wos ainggon de ma i so wiar snembri. ²³ Babie fa ro srar wena kakiar yeser sia mkon,ma saswar faro Allah kana wero nanggi ana Mansren Yesus Kristus. ²⁴ Fuarsren rrous mkon kiam ana mkosuar Mansren akan dia,Kristus Yesus,kuker saswar dia fioro isof do fioro.