¹ Ndo berya ria kobe diadi contoh faro Allah nda riari romkun-rumkun besuar ma bebe afa bensi. ² Bekenem ndo sasuar dia rimnis Mansren isuarkon mbo fiarsren kraf ainia ma be diadi parsaser ndo forpod Allah. ³ Dawer ndo suaruser wos kofaya ma femnis bania dia diakane dawer. ⁴ Wifrau mbo wabre trimakasih ma som sandik.. ⁵ Ndo wos kofaya ko sua ruser mu bebnis bania nari nau bo kos bai warisan bero Kristus kuker Allah bah. ⁶ Dawer ras kiam e konaogar awer snongu se kon mba wos noba. ⁷ Kaku ndo feriaria nari besbai fras faro romkun romkun be bangarsya dawer fesyefer awesi mba simnisba. ⁸ Ndo bepondiapa fnufrdia bape yanbu kan bero beyardia ma kokorbe rumkua bero beyar mansren. ⁹ Foo bebie fero beyardia nakiam nabie ma kaku pa. ¹⁰ Snogu se kon kobe ferari prenta mansreo ainia ndo dunia de bwari ma nanggih. ¹¹ Bawer mbo bedua rek mbo beso awersi ndo fararur bero fnufrdia ma febefon mbape beka perca mba namnis ba fararur berarsine nia mba na mbah susa ma bafieba. ¹² Nda riria romna kawasa siasifararurniamu kuker fasisnya. ¹³ Nari ne mamuai faro si ma bebornia kiam na nfas fasna farosi. ¹⁴ Farosi mbo ne diadi ndarirei mko res mbo se befanerur nia bienef woresdo snongu bemar ku ker Mansren na wayar faro si. ¹⁵ Nda riria feman werele kuker bemnis kuker mkon bekenem dawer mkomnis awer snobgu bekakarsya awer mbo dia di kabe mkobe snongu bebie. ¹⁶ Bwe ator ras bebie nane o nabie kaku snar nanemu ras besam nabri. ¹⁷ Ndo feriaria dawer mbo bwe snongu be findofa awer mbo befur nabie romna befnis faro Mansren. ¹⁸ Dawer finem suan awer snar riyan rinemu rimnisba nda riria wifrau ma waso rurdia mbo rfaya faro yoser. ¹⁹ Ma min-miosyafe ndo masmur kidung pujian kuker nyanyian rohani fedisenkwar kuker befararur somsandik faro Mansren kuker sne besipe. ²⁰ Som sandik o nabuor kaku faro Allah kma ndo rosnob Mansren Yesus. ²¹ Kunem faro snongu sei pa ndo wamkak faro Mansren. ²² Bun auria kyunem faro au snoman rimnis faro Mansren. ²³ Snoman dia au rfun faro bun auria rumnis Mansren bye rfuo faro jemaat ndo kraf ainia mbo manggundi bye jadi Mansren ma Juruselamat bero naggih. ²⁴ Nda riria jemaat rkunem faro Mansren ma rimnis buo dia nari kunem faro suamdi ndo romna pa. ²⁵ Snoman-snoman kunem faro bun auria rumnis Mansren isuar jemaat airia mbo fiarsren kraf ainia faro jemaat. ²⁶ Ndo befarsren kawasa kuker beso sapu dofen bekyum ndo war kuker refo. ²⁷ Ndo berya ria Mansren fiarsren jemaat ndo kraf ainia ma sasuar airia re diadi rono ne noda mbo napprurefba mbo namnisnia faro jemaat mbo risren. ²⁸ Ndo beryarso snoman-snoman nari mko suar bun amkonsia rimnis wasuar mangumdi audia. ²⁹ Snar snonggu os nari kior yaye kraf manggundi ainiaba mbo nari idiaka mangundi kraf aina rimnus kuker Mansren ifararur maro jemaat. ³⁰ Ndo kon so snogu bebar soro kraf dia si kob. ³¹ Nda riria snoman snoman sya nari wabubur kmami ma snami sun mbo bue yoser kuker bun buk auria insandia mube yoser kuker kraf amunia besiper. ³² Suaruser rini ribun ma ribre fasne nari atur febnis ndo Mansren kuker jemaat airia. ³³ Babpe manau yoser manggundi Au wasuar bun auria rimnis wasuar manggundi au ria mbo bun au ria so kunem faro snoman airia so ma bie syowi rimnis iswar mangundi faru e ria.