¹ Obatdi Josué at caá nat rubenita-at, gaolitas pri oyem cajámai nat Manasés jrinogot. ² Jamog: jayaminrgla wrijin Moiseat biɤ̃i waat jacuyu. Ayerug jajui wrijin naa otamogprndi yan. ³ Catyashannamnot da yapetwat wryu shitojani dumatpatjei. Jayaminrg bitjacuirig naa Biɤ̃yat. ⁴ Dumat jaddirg jijabiliglig biɤ̃yat bipetwatjet, ijei ijapin. Oshym yaucuprt yaoteja, ot-nat biryat ibrgprnotdi Moiseat Jordan yabalat. ⁵ Ooshrm jaimaujeo naa mabep naa pɤ̃i Moiseat Dios ibebrɤ̃m jatcuirig, ayibiruyu biri, jaboyu drg-otye, jamawao matcuidouni, aprnmaucrt oyem jayimaulug mayiteat wrijin majuyujet. ⁶ Oyat Josué-at jaibendiciarg oyem canog wrijin düprt caólot-teja ⁷ Dumat, cajámai-ot Manasés jɤ̃ot, Moiseat nitibrglicalat Basaná, oyat jajámai jabrg niti, Josué-at jabrg niti tɤ̃mjani japetwajet yamatducat jordan. Josué-at cacuinog caóloy-teja, caijabendiciarg. ⁸ Jamóg: yaúcuprtshɤ̃i yaólot-teja, palata-jet vaca-at jet, palatajet, orojet, broncejet, hierrojet oyem ibagot yúolot. catemaujou naa mawoo wrijin mabalot-jet oyem mapetwatjet. ⁹ Oshrm Rubén jɤ̃inogot, Gad jɤ̃inogot, Gad jɤ̃inogot oyem cajámai Manasés jɤ̃-ot auprt caottja, jaddiɤ̃g Israel silo-ja, naa irig Canaán tée. Canog Galaad-ta, caniti bigshuleja, capindiwi brn, jatminrgshrm Biɤ̃yat cacuirig, Moisés dap-uye. ¹⁰ Cayubatdi Jordana Canaan nititée irig, rubenita-ot oyem Gadita-ot oyem cajamai jajɤ̃ot Manasés jatminrg itɤ̃m ebucaɤ̃irliprn ofrenda cabugjee Biɤ̃yat Jordán mauú, iyig ebucaɤ̃iliprn oyem inútdig. ¹¹ Israellolat jajúi jajáa náa, oyem jamog: ¡Jayaulug! Rubén yan, Gad oyem cajamai Manasés jɤ̃tot jatminrg itɤ̃m ebucaɤ̃iliprn jairúgye naa niti Canaán, nan Galaad-ta, inagjet naa Jordán shrt, nai caligyeli nat Israelot. ¹² Israel-cuóulat jajúi naa, cajuibeyu Israel-cóu-ot silo-ja ajónjee oyem caprtog-jee caubat-ta. ¹³ Oyem Israelot cacui epin-ot Rubénita-olat, gadita-olat pɤ̃i oyem cajamai-ot Manasés jɤ̃-ot, Galaad niti jáa. Catcapɤ̃ilaɤ̃nog FInees Eleazar wáa, sacerdote. ¹⁴ Jajet diez catog ebujɤ̃iewairig-ot, itrmnogjet nat quepadat Israel cóu-ot, oyem itɤ̃mnogjet oddi cajɤ̃ijuyag-ot naa Israel tée. ¹⁵ Oyem caminyug Rubén yanteja, Gad oyem cajamai Manasés jɤ̃-ot, Galaad niti jáa oyem Camog: ¹⁶ Wrijin mojuiberiprn biɤ̃i jamug naa: ¿Bɤ̃irig naa ieb iyaminrg Israel jri-Dios-at, yayawawugshrm Biɤ̃i shrt naa Wryu-tée, iyaminrgshrm naa wryu-tee iebyaminrgshrm Biɤ̃i-ubat-ta? ¹⁷ ¿Oshandit-te bipecado-at Wrijin birat? ɤ̃iju bibishanjujercon jashrt. onaiebshrm jaminyug itrm iep ¹⁸ ¿Jajuiberiprn-u naa Biɤ̃i naa wryu tée? Binrm-u Biɤ̃i-ubat-ta, shirúu, bɤ̃lem janɤ̃m wrijin cajuibeliprin Israel-tée. ¹⁹ Jaép-u naa niti jáa jalig, oshrm yauwug niti jáa jalica jajuiberiprin naa biɤ̃i jayawaurgjee itɤ̃m iribrgyan bitée. Yauprinɤ̃m biɤ̃i ubat-ta, biubat-tacugprijin yamat jashrt naa Biɤ̃i. ²⁰ ¿Oshrm Acan zera wáa jatminrgli naa Biɤ̃i Wrijin itdirbrgshrmdi Biɤ̃yat? ¿Jashandrtdi janɤ̃myu Israel jaá? Jere bon jashanɤ̃iri ieb idminrgshrm. ²¹ Oshrm Rubén jɤ̃ot, Gad, oyem pɤ̃i cajamai nat Manasés jr-ót cayerog cawaurgli cajɤ̃ijuyag-ot naa Israel: ²² ¡BIɤ̃I DIOS WRIJIN IWAIRIG! ¡BIɤ̃I DIOS, WRIJIN IWAIRIG! ¡Japishijawag jaddirg japishijawag lig Israelat! Monrmyu tee jalígu o jabishanminrt jaúbat-ta naa Biɤ̃i, yau bidjashiuliprn naa wryu tee. ²³ Jatminrgshrm ofrenda cabrliprn Biɤ̃yat cadcayaurgg jée Biɤ̃i shrt. Jabiminɤ̃gu jere ofrenda bibrliprn Biɤ̃yat, Ofrenda bitáiriprn, mojíjairipɤ̃n, oshrm Biɤ̃yat birirg jamibibrglig cashrm. ²⁴ ¡ɤ̃I! jabiminrgli biómshrm naa wryu tee camínyrgshrm nat bitɤ̃iot cashimogyashri bittɤ̃iolat: ¿ Bririg iyashirug naa Israel jriwairigjet? ²⁵ Biɤ̃yat alitg jadminrg Jordán bitejasheujee oyem yampri. Yampri Rubén yancouot oyem Gad yancouot pri, bririgshandit oyem Gad yancouot pri, bririgshandit idshirug Biɤ̃i shrt. Oshrm yatɤ̃i-ot jadshirirgya ijei cabrglig naa Biɤ̃yat. ²⁶ Oshrmda bimog, jabiuminrg naa jijamoliliprn, ofrenda bitairiprna shandid iípri ebuiírliprna. ²⁷ Oshrm ɤ̃jet bimogjee bitée oyem yampɤ̃i, oyem nat iyugot biprnat, jaminrt BIɤ̃YAT bicuirouni biɤ̃i juprt-ta, biofrenda iyrgprnjet oyem idbitáiprnotjet oyem biofrenda bigɤ̃iligjet, bitriot mogshrtya brt bitɤ̃iolat naa wryu iyuntee Bririgshanditya idshirugya biɤ̃ijet. ²⁸ Oshrmda bimog: Oje camoguli birat o nat bijrinogolat naa wryu iyunshrm shɤ̃i, bimogli: ¡Jayaulug! Itrm jayaala tep naa aliliprn naa bɤ̃i, idminrgprndi nat bilómolat, ofrenda bitairiprnashandit, jripri ibiɤ̃iliprn, oshrm jɤ̃r wineirig bitee oyem yatée pri. ²⁹ Iyau bishrt binɤ̃m jaubat-ta naa biɤ̃i, oyem shirúu jabilirg binoglig japrna jabiminrg itɤ̃m jijabiriliprn ofrenda bitaijee, ofrenda ibrlipɤ̃n Biɤ̃i pinshrt jalica naa cajuiberiprn. ³⁰ Bɤ̃rlou sacerdote Finees nat pri inutdigot jayantee, nat, cajriruyagot nat jɤ̃inogot Israelot irigotdi jajet, jatjuiri cayerug Rubén yancouolat, Gad oyem Manasés camog, yajei jabíguu naa Biɤ̃i. ³¹ Finees, Eleazar waa sacerdote, samog, Rubén yancouolat, Gad oyem Manasés pɤ̃i: Japishibiwagla jaliglig shirúu bijet Biɤ̃i, brloushandit jaepyalu Biɤ̃i Dumat, yam catyaóg Israel yanshrt Biɤ̃i lapshrt. ³² Oshrm Finees, Eleazar wáa sacerdote oyem nat inutdigot caúprt cashrt nat Rubenita-ot oyem gaditas shrt, Galaat niti balat, cauprtd Canaán niti jaá, Israel yanteja oyem jadryug moyerug ijei calat, ³³ Ijeri dúu moyerug idɤ̃yug cabíguu nat Israel cou-ot. Ijei cabrgli nat Israel cou-ot. Ijei cabrgli nat Israel couo-lat bijɤ̃i Dio-at oyem cashanshriyatdi jajáa naa moprtoyu Rubenita ubat-ta oyem Gadita-ot pɤ̃i jad-beɤ̃gjee caniti caliprn. ³⁴ Rubenita-ot Gadita-ot pɤ̃i jatamcargli naa ijeicabrliprn "Testigo", oyem camogli: "Ola rjet imog bijewalee, BIɤ̃I dowi DIOS.