¹ Oprnat cayug nat levita ot jijuyac ot, jalicánaa sacerdote Eleazar, Josué nunwá lica poi, oi pri calicá nat Israelot jri juyac ot dica. ² Camog calat, nití tee: "bi-ri-yat, jacuiri Moises, jatbrgjeeri na ,moyăn birig-jeeri, oi pri naa nití jabac-uri naa yee bijiwirat". ³ Osrmda jat bre li nat Israelitaolat canití nat levita-olat, oje jamog srmă-di naa bi-ri. ⁴ Ojera pri capín nat coatita ot: dut, Sacerdoteot Aarón jrinog-ot, levitaot, trece catog moyăn ot itcalirbrgot calat nat Judá olat, oipri nat Simeón olat, oi pri nat Benjamín olat. ⁵ Oipri dut caotita-ot peiotjin, die catog moyăn ot, jtca-lirbrg ot calat nat Efraín olat, oipri nat Dan-olat, Manasés ot pei otjín pri. ⁶ Oje pri dut Gerson jjri nog-olat trece catog moyăn ot it calirbrg ot jan, nat Isacar-olat, Aser pri, Neftalí pri, Manasés pei otjin, Basán ú. ⁷ Oje pri nat Marari jri nog ot, doce catog moyănot it cabrg ot calat nat Ruben olat, Gad-ot pri, oi pri nat Zabulón ot. ⁸ Israelitaolat Jabrcli calat nat levita olat, nat moyăn-ot, oje pri du niti, ojé jamojaniri bi-ri Moises at. ⁹ Ot dut Judá ot, Simeón ot pri, jat brgli calat naa nití tăm dig-ot. ¹⁰ Ot dut moyãn ot it cabrgprnot Aarón jrinogolat Goatita ot tee irig ot, Levi jrinog ot pri, ot jalig srm jimin yrg rt. ¹¹ Israelita olat jabrgli calat, Quiriat (Anac i-ra naa Arba) oowi naa Hebrón, Judá nawa yee mau-u. ¹² Oyat dut nitiot, iri payeg ot di mayãn mawa, oat da jat br-at di Caleb-at, Jefone wá. ¹³ Aarón jri nuc olat, jat brg Calat Hebrón, jaji yeejulejet; omda cajãndi prn nat mori-rt, oje pri Libna jají yeejulejet. ¹⁴ Ojepri jatir jaji yee julejet, estemoa pri, ¹⁵ Jat brg pri Holón, jaji yee-julejet, Debir pri jaji yee-julejet. ¹⁶ Ain pri, juta, bet semes caji yee-julejet nueve catog-ri moyãn ot it cabrg otdi calat. ¹⁷ Benjamín-olat jat brgli Gabaón, jaji yee-julejet, Geba, jaji yee-julejet pri. ¹⁸ Anatot pri, jaji yee-julejet; Almón pri wrijin iripayegot jamáwa icaunag-ot moyãn ot. ¹⁹ Trece catog wrijin moyãn ot it cabrg prnot Aarónat wrijín caji yee-julejet. ²⁰ Oje pri Coat jr-olat, ot levita ot Coat jrot jet irig ot, jat brgli calat moyãn ot, Efrain jrot pinitjin. ²¹ Catcabrgli Calat Siquem, jaji yejulejet, Efraín jugle tee iric, moyãn cajã̃n diprndu nat mo-ri-rt; Gezer pri jaji yejulejet. ²² Kibsaim jají yejulejet, oipri Bet Horón jaji yejulejet, cacaonog moyãn ot wrijin. ²³ Dan jrinog-olat, coat jr-olat, jat brg calat El teque jaji yejulejet. ²⁴ Ajalón, cajiyejulejet, oi pri Gat Rimón jaji yejulejet jacaonog moyãn ot wrijin. ²⁵ Manasés petjin coat jrinog ot jin jatbrc calat taanac jajiyejulejet, oi pri Gat Rimón jaji yejulejet, icao-ot mayãn ot. ²⁶ dié catogli moyãn ot itcabrg odi calat nat coalita olat, wrijin pri caji- yejulejet pri. ²⁷ Manasés pet jin olat, Gerson jrot pri, ot di pri brt levita ot jri nog ot jin pri, jat brg calat Golán, Balsán u irid, oje pri Beestera jaji-yejulejet, cacao, moyãn ot wrijin. ²⁸ Gersón jr-olat, jat brg calat pri, cisón, isacar jrot pin jin, jajiyejule jet pri, daberat pri, jaji yejule jet, ²⁹ Jamuth jaji yejulejet, oi pri En-ganim jaji yejule jet, cacaonog moyãn ot. ³⁰ Aser jr olat, jat brg calat Miseal jaji yejulejet, Abdón jaji yejulejet. ³¹ Helcat jai yejulet, Rehob pri jaji yejulet, cacaonog moyãn ot wrijin. ³² Neftali jr olat, jat brg calat, Gersón jrinog olat, cedes galilea tee jaji yejulejet, moyãn cajãn diprn, dut mo-ri-rt, tlamot-dor jaji yejulejet, oi pri Catán jaji yejulejet, capri catog moyãn ot. ³³ Trece catogli wrijin moyãn-ot capinit nat Gersón jrinug-ot, cají yeú jet. ³⁴ Levita pei-otjin-olat, Merari jr-olat, jat brg calat Zabulón jrot pinit jin: Jocneam, jaji yejulejet, carta, jaji yejulejet, ³⁵ Dima, jaji yejulejet oipri Naalal jaji yejulejet, cacaunog, ot dut moyãnot. ³⁶ Merari jrinog-olat jat brg calat Rubén jrot pinjin: Beser, jaji yejulejet, Jahaza jaji yejulejet, ³⁷ Cademot, jaji yejulejet, oipri Mefaat, jaji yejulejet, cacaonog catog moyãn-ot. ³⁸ Gat jr-olat, jat brg capiná Ramot, Galaad tee, jaji yejule jet, onaa moyãn cajãn diprn, nat mo-ri-rt, ojé pri Mahanaim jaji-yejulejet. ³⁹ Merari jri-nug-olat jat brg capiná Hesbón, jajiyejulejet, oi pri jazer jaji-yejulejet. Cacaonog nat moyãn-ot. ⁴⁰ Wrijin ot nat moyãn ot, Merari, jrinog pinit jindi, Levi jrot, doce (12) catog ot dut moyãn ot itca brg-otdi calat. ⁴¹ Cayãn otdi nat levita-ot, jat brg li calat, capin jindi nat Israelot, cuarenta y ocho (48) catogli nat moyãn-ot, caji yejulejet. ⁴² Nat moyãn ot, caligli caji yejule jet, ojera caliri wrijin nat moyãn ot. ⁴³ Osrmda jad brgli calat nat Israelorat bi-riyat, na niti on jamog prn di calat omda caminyu jamo, caligjee. ⁴⁴ Omda cadjalir, jijã caligjeeri, oje jamojaniri naa bi-ri-calat nat carom-otjin olat caijajeuli cabalot srt. jat sandi-rt di cabalolat cajaibeb dig. ⁴⁵ Jat win rbrgli wrijin, on jamog prndi calat, naa biriyat, brirut di itrm itsan min-rbriri calat.