¹ Silo-uli cajuibé nat Israel-couot. Omdi cajuicog-ot camínrli cajuiberipɤ̃na oyem jacabepdi caniti cashɤ̃molei. ² Siete catogli-ju Israelot-tee niti cashan bɤ̃i-ot. ³ Jamogli Josué Israel-cou-olat: ¿Brjé jashipatjeitó jeyashitéi yalúg.jée naa niti jáa Biɤ̃yat, calómtjin jɤ̃i Dios, jadbɤ̃gmali? ⁴ Ipɤ̃yrnug-jetya ,mot cadcaú cajɤ̃-otteat, oyem cat-ashibɤ̃nogya. Cashiyɤ̃rgya oyem jadshirubogya niti jumat noma oyem. Jajɤ̃icashinagya id-dúbogprn idbɤ̃gprn jáa calat, oyem caushipɤ̃tya shíi alica. ⁵ Siete itóg-jetya catecashijóu. Judá omdajashiriyawi mp,a oyem José jumala jashimiriya ja-otteja ja-niti jáa. ⁶ Jajɤ̃iyashinagya siete itog-jet ya niti oyem jayashiɤ̃yubrgya-an jɤ̃iyanagpɤ̃n alicá. Amda jashibɤ̃m yan yanóg-jei-jee nam Biɤ̃i Dio-at. ⁷ Levita-ot bɤ̃irud-da capín yateé, oshrm bijɤ̃i pinajaligshrm. Gad, Rubén oyem ja-jámai naa Manasés jatwaurg capín, jayáwalig Jordán shrt. ⁸ Ojerimi cajuimiglig nat mot oyem canogli. Josué-li cacúyo jat-nagjee ca-niti jáa, camog: yaunog jumatda yauyú oyat yashi yúg noma oyem jɤ̃iyaunag ja-jaá oyem yaúcupɤ̃t alicia. Amdawi ishiyat biɤ̃ijet silo-at. ⁹ Canugli moy oyem cabolauli júmat noma canog-jee oyem jajɤ̃icanagli itɤ̃m papera úu cañan-ot siete itog-jet, cadca-cánogli moyan-ot irig-otdi jám-u. Oshrmdi caúcaprtɤ̃brgli Josué-at Silo teja. ¹⁰ Oshrmdi Josué-at cabrg calat canog-jee ijeijet silo-ja biɤ̃i ubata. Oyemdi Josué-at jatejóu Israel-niti epin-olat, cajaitojanili niyi jabɤ̃te calat. ¹¹ Niti id-dirbɤ̃gprndi Benjamín jɤ̃-olat jadbɤ̃gli cajaitojani cajɤ̃inog-olat. Caniti idbɤ̃gprn omda jalilí Judá jɤ̃inog-ot tee oyem José jɤ̃inog-ot tee pɤ̃i. ¹² Bijeo mawa, oiri jajuiwɤ̃r jatejouyu Jordán. Oiriwi jatejouyu noglig Jericó mauye, oyemdi wen-ot jewateyeli jajón nan yamat duca, Omdi jaminyu Bet-avén yeuú. ¹³ Oirishɤ̃i catau iyaujet noma caminog-jee Luz-ta o Betel-ta. Oshrmdi capatjéitau Atarot-Adar-ta, jugle-teye Bet-Horón noma. Oshrmdi cajáunog bɤ̃yeja: yamat yɤ̃g mavat catáu nomapatjei, Bet-Horón júgle digbrye. ¹⁴ Quiriat-Baal reri camauyú cataulig. (Ojamoyu pɤ̃i Quiriat-Jearim), itɤ̃m moyan Judá jɤ̃-ot pin. Oiriwi janó jatejouyu yamat yɤ̃g mauye. ¹⁵ Óiri jajuiwɤ̃ japɤ̃na ijeijet Quiriat-Jearim mat. Oiriwí janó Efrón-na, onyau Neftoa wrg-tɤ̃i-ot úja. ¹⁶ Oiriwi jatáu jugle coye oiri jajuiberi Ben-Hinom-ye, iligli jajupɤ̃t-ta Refaim yeuú- Oshrm jatáu Hinom yeúja, Jebuseo-ot pɤ̃na jamauye, oiriwi catáu En-Rogel-Ta, ¹⁷ Cajúndi cajuprt-ta, ishalaligjet En-Semes-ja, oyem cangli Geliot-ta Adumín-di iríg cajúndi-pɤ̃nye. Oshrm catauli Bohán ja-jajá, Rubén wáa. ¹⁸ Jajúndi Bet-arabá juma oyem jatauli shɤ̃i Arabá-ja. ¹⁹ Bet-hogla juprlátdi jaot-jaye jawú mowúlipɤ̃n, Jordán prnát jamauye. Oili jamauyu mowuyu japɤ̃nat. ²⁰ Yamat yɤ̃-olat, ojeri jadbɤ̃teglig cajɤ̃inog-olat, jadcɤ̃tdi patjei jadcɤ̃tdi wrijín jamau-olat. ²¹ Dumat nat moyan-ot Benjamín jɤ̃-ot pínit, ojeri cajɤ̃i-noglig; Jericó, Bet Hogla, Emes casis, ²² Bet Arabá, Zemaraim, Betel, ²³ Avim, Pará, Ofra, ²⁴ Quefar Haamoni, Ofni oyem Geba. Doce (12) catogli moyan-ot, omdi pɤ̃i cali moyán ishɤ̃mnog-ot- ²⁵ Od-dipɤ̃i irig-ot moyan-ot Gabaón teat-win-ot, Ramá, Beerot, ²⁶ Mizpa, Cafira, Mozah, ²⁷ Requem, Irpeel, Tarala, ²⁸ Zela, Elef, Jebús, (Oowi Jerusalén), Guibea oyem Quiriat. Catorce catógli moyan-ot, omdi capɤ̃iri nat ishɤ̃m-no-got. Ooli iddiɤ̃g Benjamín-nat jajɤ̃inog-olat