¹ Jeke ɤ̃i-ɤ̃a jatbüg-ɤ̃ig naa Manasés jühoɤ̃at ká nitic (hoo ma fi José tüi jupor win) Maquir jaa maɤ̃i hoo, Manasés tüiju pör taá jaɤ̃ig shöom hoo maɤ̃ivi Galaad. Ijiin pöoi Maquir Jüirug höot Catcacui hug Galaad y Basán niti teeja pöi, Maquir maaɤ̃i Böon iwairüg jöm kapütogbat. ² Ja niti pei ishorig pöon Manasés jühoɤ̃at jat pöoi büg jajüinug hoɤ̃at, Manasés jüinughot maɤ̃ijei, Abiezer, Helec, Asriel, Siquem, Hefer, Semida, maɤ̃ipöi Naat mutmaɤ̃ijei hot maɤ̃a Manasés jüinug höotjin José vaa, jatcúm diinug ɤ̃i pöi jajüinug höɤ̃at. ³ Dumat zelofehad Hefer tɤ̃ɤ̃i Galaad tɤ̃ɤ̃i , Maquir tɤ̃ɤ̃i, Manasés tɤ̃ɤ̃i, kawahot bóirutmaɤ̃i Jaɤ̃owot maɤ̃iɤ̃a iriq höot jaɤ̃ówot tám maɤ̃i jeeí Malaa, Noa, Hogla, Milka, Tirsa, Maɤ̃ipöi. ⁴ Jot detpat nug Eleazar duka sacerdote ma hoo, Josué , majei nun va ma pöi kamug jöt ikuɤ̃at "ojeeɤ̃a Tamug bihöi Moisés at böoi biu büg nat biju nug hoɤ̃at tümjani naat bipetwat jet" Jekeya dumat höoɤ̃a ibiuvi hönug naajahá bitjakuipönt bihöyak böija pör bug-ɤ̃a jöot detpaɤ̃at naa pei bipin tumjanema cahí pewai jet. ⁵ Dabatcaú catogɤ̃i niti höot it cabug höot Manasés at jöm Galaad tee Basán pöoi dúm iyauɤ̃ig Jordán bátjoca yau. ⁶ Manasés ɤ̃ovöot ɤ̃at jatwauhöt jattüm niti wöijin katüihöot jeet. Galaad niti jei jatwú hö büg Manasés jühoɤ̃at jöt niti hüihoɤ̃at. ^{7 8} Manasés niti juiwögmáɤ̃i Aser ɤ̃at Jöon yaú Micmetat tayaú, jön maɤ̃i yaú jaɤ̃i ñamatyogkat Siquem dikatyaú. Oshöm, ja batjoka jaɤ̃igmaɤ̃i inag jet tapüa shɤ̃g. (Tapúa niti majei Manasés pin maa tapúa ñan majei Manasés batjogye, Efrain jöhot pin da hoo). ⁹ Yabaratdajayu Jarog Caná may tejá nat muñanshuwaihot ponatdajarö rtmai Manasés ñoan hot tee, Efraín pinit höot Manasés batjoka jei jakoja pöi arroyo maai juɤ̃eja, oyat juibeg damat teeja. ¹⁰ Naa niti bipöna iɤ̃ig Efraín púu maɤ̃iɤ̃a hoo, naama niti bijupöt taa iɤ̃iq Manasés piin; Damat maɤ̃i jei hoomaɤ̃a kayabaat nañat bijupöɤ̃at Aser ɤ̃at jaishipöɤ̃eo, nañat ñamat yökat jei, Isacar piin. ¹¹ Oje pöi Isacar hú Aserhu tumjani pöi. Manasés pinit muñantüi Bet Séan vöijin jahoɤ̃otpoi, Ibleam jahoɤ̃otpoi, dor hú irighöt vöijin kahoɤ̃ot, Endor hú iɤ̃ighot vöijin kahoɤ̃ot, Tanaac hú iñighot vöipin kahoɤ̃ot Meguido hpu iɤ̃ighot vöijin kahoɤ̃ot (Náfet jeei hooɤ̃at capöyú naat muñanshawaihot) ¹² Oyat Manasés jühot jei böi kashanwanhöt capina höt muñanshuwaihot oyat Cananeos höt Jug-maju naa niti tee. ¹³ Obat maɤ̃i nat epin hötɤ̃at cacaɤ̃ug maɤ̃i oje iwaiɤ̃ug hot ni Jöom Israel tepin höt, Cananeos höt beepkacui jijoqjet, oyat catcasham hütdi wöoijin. ¹⁴ Oyat José jüjoɤ̃at kamug Josué hat jeque: "¿Boiɤ̃ig shöom jamabüg biɤ̃at naa niti itüm, oyat Jashitüm oyat jajühorat, bitühüi baghujeit, wüeojon bithú bihöi ijeijamin hög?", ¹⁵ Josué múg kaɤ̃at; "ñam jaɤ̃ighú itɤ̃m ñaan iyiq epinhöot, yaanug ñamvi Jug-ɤ̃eteja onda jakötjee niti ñamdavi jashi höot Ferezeos niti tee ojepöi refaias pün jayau min hüg naa oshöim jakúm shüm naa Efraín timbig-ɤ̃ee jakúm shüm dii ñaan. ¹⁶ José jöhat mug-ɤ̃i: "Naa jugɤ̃ee Jeei jashan jeilot da biɤ̃at wöijin nat Cananeos hoet pöi iɤ̃ighot katimbig ɤ̃eetee, ka carro hot naat tee mupötohhot, jükön hot, wöijin iɤ̃ig hot, Bet Seán tee wöi, jahoɤ̃ot hoje pöoi jöt iɤ̃ig höot Jezreel Yehú tee." ¹⁷ Oyat Josué müg José höt teepin oɤ̃át, Efraín Manasés at pöi: "Mamjei muñaan iiyig, epin höt baag oyat cawai ɤ̃uyubaag. Jamashanket höt da itɤ̃m pei-niti jama waú höt ú it büg pɤ̃mmán. ¹⁸ Jug ɤ̃eeg jöi mapin yara pöi vi hoo jug ɤ̃eeg böon oikom jamaaɤ̃ogya oyat jei jamau wau höt ya naa niti iyaujet Cananeos kou höt jei kat mau köt nug ya yavaja, jaɤ̃igshi com kug ka carros hot müpötoyu ñawanhot jökunhöt kawaiɤ̃ug shicom kug.