¹ Jacáuye wig itcuirig ebujřiwairigca jaliglig Darío, seisjatogyeri jrrbřt, calugmandugbatadi wrju naa jrrbřt, obatdi jayerug-yuli Biři jalap-uye Hageo, jaipin-ni Diosyerug, naa ebucuyatdi Judá-tee, Zorobabel Salatiel waá, oyat Sacerdoteot jřiwairicat, Josué Jehosadac waá jamog: ² Biři shotdawaot jřiwairig-mog naa: camog epin-ot: Jabigyeshanjulitju birat jayuglig o jatmin-rglig jaot Biřyat. ³ Oyemda jayerug-yúu Biři Hageo lap-uye naa jaipin-ni Diosyerug, jamog: ⁴ ¿ Jabigyeatda yamat yajuglig yaolot juiduligpřn-ottee, jaligshicom naa móo ishanshiijeyiat? ⁵ Oshrmda dumat jamog Biři shotdawaot jřiwairig naa: ¡yabigyaushag ijeijet yalrg-otshrm!. ⁶ ¡Yam ibagla iyajřm mojřmcabig, ooshrt catepyaiyái cacabot; yamdacawot, ooshrt břitepdut ibag-jet; yamdacawocot, jayashantepcrt-řt yawondig. yam yuiotda iyayui, ooshrt břiyashancrt-rt yayacai-řglig yalei-olat, oyat iyabepmí ootepwi iyaliřca itřm wag-ot juitún awi-otjet!. ⁷ Biři shotdawaot jřiwairig jamog naa: ¡yabigyaushag ijeijet yalrg-otshrm!. ⁸ ¡yaujó jugle-ja, yau-řyug oyat jayaumin-rbř-aot; oyemda ajíishijáiya, oyat am omda aashitat-řya! jamog Biři. ⁹ ¡yam jayajei eberig-jet, oyat jayaulug! yam jayaiyái iya-řyug moleja, oyat amdí janama japřnog !¿Břirigshrm?, jamog Biři shotdawaot jřiwairig. Ooshrm aót jairug jaepdig, ooshrm itřm-nogjet yam ebuyabem yalei ottee. ¹⁰ Yashrm yam oshrmda nat wrjuot jatwau-řg wau oyat niti-at jawau.řg jacam-ot. ¹¹ ¡ Amda jaája itřm ijřuyu niti jaa oyat júg-leotjaa, mojřmcabig jaa oyat mowog jujú jaa, aceitejaa oyat mojřmca nitijaa, mootjaa oyat jřr-lug-otjaa, oyat wrijin itbemjaa jalabotjet!. ¹² Oyem Zorobabel Salatiel waa, oyat Sacerdoteot jřiwairig, Josué Jehosadac waa, třm-u wrijin isholig-ot epin-ot-jet, jatjuiri jayerug Biři jajři Dios oyat Hageo yerug-otpři jaipin-ni Diosyerug, ooshrm Biři jajřiDios jatbrnobři Dios jatbrnobřg-lijan oyat epin-ot caomdi jaú-shrt Biři. ¹³ Oyem Hageo, Biřyat icú, jat-rnog moyerug epin-olat oyat jamog:¡am yajetda alíi ! Oola naa jamoyu Biři¡. ¹⁴ Ojera, Biřyat jajéuno-rglig ja-espiritu jajřiwairig naa Judá, Zorobabel Salatiel waa, oyat ja-espíritu naa Sacerdoteot jriwairig Josué Jehosadac waa, oyat ca-espiritu wrijin isholig-ot epin-ot, canog-jee oyat ebucabe-jee jaaot-teja Biři shotdawaot jři, jajři Dios, veinticiatro jatagbat jalúg-lig wryu seis jatoyu jrbřt, ¹⁵ Jacauyu wig Dario-at icuirig.