¹ Siete jatog-ye jrbrt Veintiuno jatolou, ayugli jayerug Biři jayugli Hageo lap-uye naa jaipin-ni Diosyerug, jamog: ² Mauyat jajriwairig-jet Judá, Zorobabel Salatiel waa, oyatpři sacerdoteot jřiwairig-jet Josué Jahosadac waa, oyat ca-espiritu isholig-ot epin-ot, camog, ³ ¿Břr ishisholig yatee jalujuli naa moo brn jalujuli jaijuyu? ¿Břje yamat jaluglig dumat? ¿Břinitecatep jayaluglig yabig-uu?. ⁴ ¡Dumat, mamauwairi-rg, Zorobabel! !ojera jamo Biři¡ oyat mamauwairi-rg, sacerdoteot jriwairig Josué Jehosadac waa; oyat yayauwairi-rg, wrijin epin-ot niti jaa irig-ot ¡ Oyera jamo Biři, oyat iyaubep! ¡alig-jeeya yajet! oyera jamo Biři shotdawaot jřiwairig. ⁵ Oola naa iashimín-rgli yajet yayrgbatdi Egipto-at, oyat a-Espíritu yajetda jali. ¡ yaupři-om!. ⁶ Biři shotdawaot jřiwairig jamog naa: ¡ Jashipomyawi wryu am jujujet jashiyaipai Wryu-ot oyat niti, rt shuwai oyat niti ijřu!. ⁷ Jashiyaipaiya moyan tojani, oyat moyan tojani jatshi-řyugya caebushag-ot ijeinog-ot amát, oyat amát jajuishitun-rgya naa moo jaijuyujet, jamog Biři shotdawaot jřiwairig. ⁸ ¡Palatá oyat oro apinit! Ojera jamo Biři shotdawaot jřiwairig. ⁹ ¡Jajaijuyu naa moo jashinojeiyigya jajuprt-ta jajuiwrpřnshrt, jamog Biři shotdawaot jřiwairig, oyat jashibřg-ya mobig-ři-riyu omnam! Ojera jamo Biři shotdawaot jřiwairig. ¹⁰ Veinticuatro wryulou nueve jatogy jrbřt, jacauye wig Darío, jayerug Biři jaminyug Hageo jaa naa jaipin Diosyerug, jamog: ¹¹ Biři shotdawaot jřiwairig jamog naa: catyau-řm sacerdote-ot jaa naa ebujuiwryu oyat yaumog: ¹² Itrm bonat jařnog jatáa id-diřbrcat Biřyat cayui-ot nomat oyat cayui-olat jajú-rg mowog, jet-iishim-řg o briríg mowogjalig-u, ¿Oote jashiri-řrm bibina-řglig bií Dio-at? Sacerdoteolat cajerug-wáurg oyat camog :"ři". ¹³ Oyem Hageo mog: Jalig-u iep jawau-rřm iíprnjin oyat jawau-rřm dumari-iríg, ¿ojera cashiriya jam-u? Sacerdoteolat cayerugwauřgli oyat camogli: Rř, cashiepyajam-u. ¹⁴ Oshrmdi Hageowat cayerugwauřg oyat jamog: "ojera jali naa moyan oyat při epin-ot aubatta"!Ojera jamo Biři, oyat ojerawi wrijin itmín-rgrn¡ calabotjet: Olat wrijin iípinbrg-an iep. ¹⁵ Ooshrm dumat, yabigyaushag yayiteat naa břnjín jaa naa it-ryubrg dumat naa wryutee jajuprtta. jajuprt-u jajóu-ot caoyřglig cajaá jaotteja Biři. ¹⁶ ¿Brjéri irí brn? obat yamát jalugbatdi jajuishuteglig veinte itóonogjet jayateé mobep mojrmcacabot, diezcatog liwí; oyat yamát jalugbatdi bujú vinojet jat-ógjee cincuenta itóonogjet, veinte jatogliwi. ¹⁷ Am yajíi-ashrm-rli oyat wrijin iyabep yalabotjet, oje yaligshicom yaú´shanprt alica, ojera jamo Biři. ¹⁸ Yabigyaushg dumat naa wryutee yajuprt-ta, obatwrju veinticuatro aligbat nueve jrbřt, obat wrju jatmin-rgbat jaot Biři jatmin-rgli. !yabigyaushag¡. ¹⁹ ¿ jajuligla mojrmcabig mowogcawaulipřntee?¡Mři-ot ijimdiprn, přn higo, pulotcámbiglig-ot, oyat pun olivo cashanjumín!. ¡ooshrm dumatwi naa wryutee Amat caiashibendicia-rgya!. ²⁰ Oyemdi jayerug-yu Biři jacauye Hageowat veinticuatro catalouli jrbřt oyat jamog: ²¹ Mauyat Judá jríwairicat, Zorobabel, oyat maumog: Am cajři-ashiyái-rgya wryuot oyat niti. ²² ¡Ooshrm Am cat-ashibé-rgya cawairiyú nat ebucuyut oyat jashibé-rgya cawairiyú nat icuyut moyan-otye! Am cat-ashibé-rgya carro-ot oyat při ibog-ot caballo-otjaá itrm-nogjet catumat nat capetwat. ²³ Oolou wryu, oola naa otjamog Biři shotdawaot jřiwairig, Am ooloula mashió mam, Zorobalbel, salatiel wáa, oje ibebr-rmni-an, ojera jamó Biři. ¡Am mashiri-řgya oje itřm dapuini sello pin-ni, ooshrmda maa-ogli! ¡Oola naa jayerug Biři shotdawaot jřiwairig!.