¹ Vuno yetu vakua ngolo tua pande kuli zhika kutotoka vakaku jeneka nzhili kati ngue kulinga kuyongola chetu vavenia. ² Yetu voshe muntu ku muntu a yongola mukuavo na vilinga via chili via ku mukolesa navio. ³ Muomu na Kilistu lalo ka lingile chiyongola chendi vavenia. Vunoni ngue omo va chi thona, " tupayo tua vaje va ku payesele tua uililile hali ange." ⁴ Muomu vioshe viva thonene laja, vavi thonene ku tu longetha linga ku kakatela na kukulembetheka via kuthona linga tukale na ku tatelela. ⁵ Vuno Kalunga ua lukakatela na kulembetheka ami hake mukati keni mukale na mutima umo lika ngue hali Kilistu Yesu. ⁶ Linga na mutima umo na kanua kamo mu kushangala Kalunga, ikeye ishe ya Muene uetu Yesu Kilistu. ⁷ Ngocho vene li temuinine ni ha kati keni ngue omo Kilistu na mi tambuile vuino linga mumu shangale Kalunga. ⁸ Muomu nguange Kilistu vana mu puitha ngamba ua va kua kulovoka omo vuchili vua Kalunga, linga a kolese matavasano aje ava hele va kukuetu, ⁹ keho linga va kua vifuti va shangale Kalunga omo ngozhi yendi. Ngue omo vana thono nguavo, "Ngocho vene nji ka kuhindula hakati ka vakua vifuti na liji liove njika limbila muaso ua vishangala." ¹⁰ Keho lalo nguendi "vuikilileni eni vakua vifuti hamo na vantu vendi." ¹¹ Keho lalo eni voshe vakua vifuti "shangaleni Muene na vantu voshe vamu shangale." ¹² Keho lalo Isaya na handeka nguendi, "Kuka kala chikota cha Njese, keho ou aka fuka na kusuana vakua vifuti vaka tatelela." ¹³ Vuno Kalunga ua ku tatelela ami shulithe na ku vuikilila kuoshe na ngozhi yoshe muku thselela linga mu shumpuoke na ku tatelela mungolo ya Spilitu ua ku jela. ¹⁴ Vamunanana, yange vavenia nja thselela omo yeni. Nguange yeni vavenia mua shula na ngozhi mua shula na mana oshe. Muhatha lalo kuli mamuna umo na mukuavo. ¹⁵ Vunoni chipue ngechije, nji mi thonekela na kuhiana kuthimpa muku mi shulitha lalo omo kavumbi kaje ka na nji hele Kalunga. ¹⁶ Ngechije nji pue ngamba ya Kilistu Yesu kuli va kua vifuti mu kupanga, na vimpande via chili via Kalunga linga nkombelo ya vakua vifuti itantulukeni muomu va ileletha na Spilitu ua kujela. ¹⁷ Ngocho vene njili na kulipamba change muli Kilistu Yesu ku viuma via kundama kuli Kalunga. ¹⁸ Muomu kanji ku kaluka kuhandeka vimo kuvanga evi via pangele Kilistu hali ange, na liji na chilinga mu kuononuesa vakua vifuti. ¹⁹ Na ngolo ya kuzhivuka na vikomouesona ngolo ya Spilitu ua kujela. Ngechije kutunda ku Yelusalema, kushelela nja hele na ku Ililiku nji na ambulula vioshe via thimpande via chili via Kilistu. ²⁰ Chili vene njethekele kuambulula thimpande via chili ngechije keti kuje ku vana tumbula Kilistu aya linga keti nji tunge ha luvula lua mbala. ²¹ Vuno ngue omo vachi thona nguavo, "Vaje kovevuile luthsimo luendi vakevo vaka mu mona, keho vaje kovevuile va kevua." ²² Ngocho vene va nji tanguile thi nthimbu muku jeneka kuija kuli eni. ²³ Vunoni mualolo ka njethi nechi chi nji tumbika lalo ku vifuti vino keho miaka eyi ya yingi nja kala muku sunguiya kuija oko. ²⁴ Ngocho hoshe hanji ila ku Spania, muomu njili na ku tatela ku mimona ku vungenzhi ovu munji kuathe omo ha katete nji ka vuikilila hamo muku kala neni. ²⁵ Vunoni mualolo ngue nji chi kuya ku Yelusalema mu ku kuatha vantu va Kalunga va kujela. ²⁶ Muomu vakua Masendonia nava kua Akaya va chi yonguele kuhana vuana ku vihutu va kala ha kati kava kua kujela ku Yelusalema. ²⁷ Chili va chi yongola vene vana pu vakua makongo vavo. Muomu nga vakua vifuti, vatambula viuma viavo via Spilitu chava pande kuva kuavo, lalo na viuma via muvila. ²⁸ Ngocho vene omo nji ka chi manesa echi no mo njina kundika vushuka ovu keho nja ku hita ku eni mukuya ku Spania. ²⁹ Keho nja zhivukile ngechije omo njija kuli eni njija na kushula cha vivethikiso cha Kilistu. ³⁰ Vuno vakuetu njimi lambelela hali Muene uetu Yesu Kilistu na ha chiyongola cha Spilitu ua kujela, ngechije mu likolethe mumo nange mu malombelo eni kuli vaje omo yange. ³¹ Linga nji kovoke kuli vaje vakua mashiko vali ku Yundeya na vilinga viange linga vavi tumbule vakua kujela vaku Yelusalema. ³² Ngechije nji keja kuli eni naku jola-jola ku chiyongola cha Kalunga linga nji huime hamo neni. ³³ Mualolo Kalunga mukua ngozhi a kale neni voshe. Amen.