¹ Kangelo ua njimuethele ndonga ya mema amuono, yakutoka ngue Kilistal. Avio via lixikuile vitundilila kumangu ya Kalunga ndi ya muna injui ² kumualanganja mukati ka vitapalo via mumbongi. Kunkala mutambela uandonga kuakele citi ca muono, uenine vuxuka muyati likumi na ivali, ayona yemine vuxuka vuayo ka nkala ngonde. Vimaho via citi vikevio via vukangule vua cifuti. ³ Kuje kuku kakala chithingo cimo. Mangu ya Kalunga nei ya muna injui vikakala mu mbongi, na vaka vipanga vieni va kamupangela. ⁴ Avo vakamona cihanga cendi, na lidthina liendi likakala ku maluholo avo. ⁵ Kuje kukukakala vuthziku na; Avo kuva kathetela na ceke ku kandielu nambe ceke calitangua mukonda muene Kalunga akaviadthimina hali vakevo. Avo vakaviala kumiaka na miaka. ⁶ Kangelu uahandekele nange nguendi, "Majui aa akeo akusungama avucili. Ou muene, ou Kalunga ua chithithimbi ca vapolofeto, uatumine kangelo kendi kukaleketha vaka kumupangela vije vikakalako muvuathivuathi." ⁷ "Taleni! Ange njija vuathivuathi! uavedthuka ou ononoka kumajui a vupolofeto vua mukanda ou." ⁸ Ange, Yoano, njiumo uje uovuile na kumona viuma evi. Mukemuo ange mukuviuvua na kuvimona, ange njauile na kulemetha kumikono yakangelu uje uanjimuethele viuma evi. ⁹ Endi uahandekele nange nguendi, "Keti ucilinge oco! Ange njimuka kupangela kuo nove, njimukuendje ueni mu vupolofeto, na vaje vononoka kumajui amukanda ou. Lemetheni Kalunga!" ¹⁰ Ngoco uahandekele nange nguendi, "Keci uxoke na cithivitho majui avupolofeto vua mu mukanda ou, omuo nthimbu ili muhiehi. ¹¹ Kuli muka vuhenge, mueceleni axenetheko kulinga via vuhenge. Kuli muka kulijualetha, mueceleni axenetheko kuli jualetha. kuli muka kusungama, mueceleni axenetheko kukusungama. Kuli muka kujela mueceleni axenetheko kujela." ¹² "Taleni! Ange njija vuathi vuathi. Nanthontho ili kuli yange, mukuliluitha kufueta ku umo ku umo mukutuala kuvipanga viendi. ¹³ Ange nji Alefa na Omega, cambangelo neci cakunciongo kutameka nakumanetha. ¹⁴ Vavedthuka vaje vakuxa vithala viavo vaje vakakala nampoko yakulia kumuti ua muono na kukovela mu mbongi kumualanganja mu vikolo. ¹⁵ Hanja hali tutali, vaka vulothi, vikuithi, vakakuthsiha, Vaka mahamba na uoxe uje uajongola kupanga via vixaki. ¹⁶ Ange Yesu njinatumu kangelo kange kupua mbangi kuli yeni muviuma evi muvimbunga. Yange nji mudthi na mbuto ya Ndaviti, ntangantanga ya kutangeka. ¹⁷ Keho Sipilitu na uje ambata vakahandeke nguavo, "Ija!" etheleli ou novu ahandeke nguendi, "Ija!" Ou uoxe ali nalihuila, mutheleni eje, na uoxe aa yongola, muetheleni atambule avuana mema amuono. ¹⁸ Ange njikela vumbangi nkala ou ovua majui avujpolofeto vua mukanda ou. Nga uoxe avandakanako Kalunga aka muvandakanenako tuyando oto tuvana thono mumukanda ou. ¹⁹ Nga uoxe akatepako kumajui avanathono mumukaznda ou ua vupolofeto Kalunga aka tundithako vimo viendi kuahi camuono mumbongi ya kujela vivana thono mumukanda ou. ²⁰ Oumo ali navumbangi kuviuma evi kuhandeka nguendi, "Yi! ange njinahete mualolo." Ame! Ija, Muene Yesu! ²¹ Ngodthi ya muene Yesu ikale na voxe. Ame.