¹ Kuniama yevi Yesu ua yavukile musinia lia chishali cha Ngalileya chikecho vene Tembeliasa. ² Keho chivunga cha kama chamu kavele muomu vamuene Chizhivukithi ua lingilekuli vakuaku vavala. ³ Keho Yesu ua kandukile kumukinia keho uatumamene hamo navandonge ndi; ⁴ Vuno chiuma cha vaYundeya liye vachitumbula Pasovala yakale ku hiehi, ⁵ Ngocho vene Yesu ua anduile mesho eni keho ua muene mbunga ya kamachikuija kuli ikeye keho ua handekele na Filipu nguendi tuka landa vimbolo kuiko linga ava voshe va lieo. ⁶ Keho ua handekele nguendi muka muloha muomu ikeye ivene ua zivukile chuma chali kalinga ⁷ Filipu ua mukuaniene ngueni vihita vivalivia zimbongo via Palata kavikupuamo mukulanda vimbolo linga voshe valie tumo. ⁸ Umo ua Vandonge vendi ikeye Anduleo; mukluntu ue ndi Simoni Petulu uamulekele nguendi; ⁹ Kuali kanike umo aliana vimbolo vitatu via sevanda na vinthi vivali mukemuo honi evi viku puamo vati kuli ava vavengi. ¹⁰ Yesu nguendi vatumameseni vantu vuno kuakele muila ua uingi ku muhela uye ngoco vamala voshe vatumamene kuvatanda vapuile ngue makulukanthi atanu. ¹¹ Ngocho vene Yesu ua tambuile zimbolo zize keho omo na pandula ua kuavathela vana tumamene; ngechize lalo vinthi yiye ngue mu va yonguele. ¹² Keho omo voshe ve kutile uava lekele vandonge vendi ngueni kungululeni viva lavala vi na thalaho linga kti ku nthimbale chimo ¹³ Ngocho vene vavi kunguile vashulisile vihele likumi navivali na vivalavala via nthaleleko kuvimbolo vije thitanu zia sevanda, viathalele kuli vaye valiko. ¹⁴ Ngocho omo vene vantu vamuene chitantekeyeso liye la lingile, va handekele nguove mua chili ou kaPolofeto uye mukua ku iza hamo hanthi. ¹⁵ Ngocho vene omo Yesu ua nthivukile ngue va yonguele kuiza na kumu kuata na nthile va mu puisile muene uavo ua yombolo kele luhia lao ku mu kinya kuahi kuliendi ¹⁶ Keho omo kua puile unguethi vavandonge vendi vashelele kulishali. ¹⁷ Keho vakovelele muvuato vayonguelieta ku thavuka musinia lia lishali ku kapenama, Keho haye tevathiki ku na nthivala laya n Yesu te kanda achize kuli vakevo. ¹⁸ Chisali cha hundukile na mankia muomu pthi yakama ya huhile. ¹⁹ Ngocho omo vendele vinema makumi avali navitanu ndi makumi atatu avinema vayavuile vuato vamuene Yesu ukuenda ha lishali uashuemene muhiehi na vuato; keho vahuile liova," ²⁰ Vunoni ikeye uavakele nguendi yange uno; keti mu vue liova." ²¹ Ngocho vene vatavele kumutambula muvuato; keho hayo vene vuato vua heteleko ku ntunda oko vene kuvayonguele kuya. ²² Tungumuka mbunga iyo yameme musinia lia lishali va muene ngue vuato vuavo vuahiko kuvanga vumo lika, Keho nguendi Yesu kakovelele muvuato mumona vandonge vendi va ilelika liavo. ²³ Vunoni mato eka atundile ku tembeliasa evite kuhiehi nou valile vimbolo omo muene ua pandile; ²⁴ Ngocho vene omo mbunga iye va muene ngeye Yesu uahiko kuye chipue vandonge vendi; vakevo vavenia va kovelele omu mato vezile kukapenama nashetela Yesu. ²⁵ Keho omo vamu uamene musinia lia lishali vahandekele nendi nguavo mulongishi una hetele kumo nthimbu ika ²⁶ Yesu uava kuaniene nguendi, chili,chili njikumileka nguange munjitonda keti muomu muamuene vinthivukisho vunoni muomu mualile kuvimbolo na kuikuta; ²⁷ Keti mu kapangele via kulia viye vie kuthsaha vunoni via ku lia viye viekukalalaa ku muomu koue uakukalelela, vikevio muna muntu akami hana; muomu tata ikeye kalunga na zhivukinthi chendi hali ikeye. ²⁸ Ngocho vene vahandekele nendi nguavo via kalunga. ²⁹ Yesu ua kuanieneko, uahandekele navo. nguendi echichipanga cha Kalunga muka muntselela uye ya tumu." ³⁰ Ngocho vene va handekele nendi chinthivukiso chika chakulinga vati? ³¹ Vashukulu valile mbolo ya mana kumushengei ngueva na changa nguove uavahele ku lia mbolo ya kutunda muilu. ³² Ngocho vene Yesu ua valekele nguendi, chili, chili njikumileka nguange Mosesa hamihele mbolo iyo ya kutunda muilu vunoni tata amihana mbolo iye ya vuchili ya kutunda muilu. ³³ Muomu mbolo ya Kalunga ikeyo itunda muilu keho ihama muomo kuliva kua mavu; ³⁴ Ngocho vene vakevo va handekele nendi nguavo muene katu hane mbolo oyo nthsimbu yoshei ³⁵ Yesu ua valekele nguendi yange mbolo ya muono; ouua kuli ange, kakovu luhua njalai nou anji thielela kalikovua li huila miaka yoshe. ³⁶ Vunoni nja mi lekele ngue eni muna nji mono; vunoni no vuno kamuanji thselelei; ³⁷ Voshe viye via via ma njihana Tata vikesho kuliange, keho ou eza kuliange kanji mavuana; ³⁸ Muomu njatndile muilu kati mukalinga chiyo ngola change vunoni ngechi njika linga nji yongola cha nge vunoni cha uye uanjitumine; ³⁹ Keho ochi iyongola cha uye uami tumine chikelo echi ngachiye ku voshe viye via na njiha ua kanji ka thimbalesha na kamo kahi, vunoni njikachi hinduka kukutsha; kuhita ngua hiye lia kukotokela; ⁴⁰ Muomu chiyongola cha tata cikecho echi nguove uoshe amona muana keho amu thselela akakala na muono kauhua keho njamu hinduisa kukuntha kulitangua liye liaku kotokela." ⁴¹ Ngocho vene vaYundeya valiniengele omo ikeye muomu ua handekele nguendi yange mbolo iye yatunda muilu. ⁴² Keho va handekele kati ou Yesu muaua Yosefe ndi? netu tu thivuka ishe navana vuno vatihoni ahandeka nguendi njina tundu muilu? ⁴³ Yesu ua kuaniene ko uava lekele nguendi kati mulinienge hakati keni, ⁴⁴ Na umo uahi ahatha kuinja kuli ange kuvanga uye ua nji tumine amu koke keho njika mu hindula kukuthia kulitangua liye lia ku kotokela; ⁴⁵ Vachangele kuvaPolofeto nguavo Kalunga a ka va longethi voshe uoshe natolilila kuli tata, keho na lilongethia ezhe ku liange ⁴⁶ Kati ngue umo na mono Tata uahi kuvanga uye lika na tundu kuli Kalunga ikeye na mono Tata. ⁴⁷ Chili, chili, njikumileka nguange ou anji thselela ali namuono kaue ku hua. ⁴⁸ Yange mbolo ua muono; ⁴⁹ Vashukulu valile mbolo kunyunda keho va thsile. ⁵⁰ Eyi mbolo iye ikutunda muilu linga muntu a lie keho kathsa. ⁵¹ Yange mbolo ya muono ya kutunda muilu nga umo alia ku mbolo eyi aka yoya ku miaka yoshe kaye kuhua chilina mbolo inja kahana ikeye nthitu yange njikai hana mu yo yethi vakua mavu, ⁵² Ngocho vene va Yundeya valizhungizhi mpala hakati kavo nguavo vatihoni uno ahiaka kutu hana thitu yendi tulie?" ⁵³ Ngocho vene Yesu uava lekele nguendi chili,chili ni kumuleka nguange chakamuli nthitu ya muna muntu namukua maninga endi ngakamu kakala na muono muli eni; ⁵⁴ Ou alia nthitu yange keho a muana linga ange ali na muono ka uekuhua nange njikamuhindula kukutshia kuli tangua liye liaku kotokela. ⁵⁵ Ou a lia nthitu yange keho ikeye kulia chachili namaninga ange ake okunua chachili. ⁵⁶ Ou a lia nthitu yange keho anua maninga ange aka-ka-la muli ange nange muli ikeye ⁵⁷ Ngue Tata mukua muono ua njituma keho ange nji yoya omo Tata; ngue ye vene ou a nji lia ange akayoya omo yange luhua nji yoya. ⁵⁸ Eyi vene mbolo ya tundile muilu; kati ngue vakuku va lile, keho vanthileou a lia mbolo eyi aka yoya ku miaka yoshe. ⁵⁹ Vuima evi Yesu uavi handekele musikola omo ua longethele ku kapemama. ⁶⁰ Ngocho vene vandonge vendi vavenia, omo vavi vuile na kuhandeka nguavo lijui eli lia likalu iya honi a hasa kuli ivua? ⁶¹ Vunoni Yesu mukuthivuka ku mutima vendi ngue vandonge vendi valiniengele omo ndaka oyoua handekele navo, nguendi luma echi chimi thimbalestha ni? ⁶² Vati honi nga muka mona muana muntu alonda kuye kua kele laya. ⁶³ Chimbembesi chikecho chi yoyesa; nthitu kaisilivila na vimo viahi, mezi ange nji na handeka neni a keo chimbembesi na a keo muono. ⁶⁴ Vunoni ha kati keni kuli vamo kaveku muomu Yesu ua thivukile kutunda hakutameke veya vaye ka vathselele na uye aka muenda vungungu thselela. ⁶⁵ Keho ua handekele nguendi mukemuo vene njina mileka, nguange nau uahi a hasa kuiza kulia ange kuvanga Tata a mu hasesa. ⁶⁶ Muomu vene vandonge vendi vavengi va litepele ka vendele hamo nendi naua. ⁶⁷ Ngocho vene Yesu ua handekele na vaye likumi ua vavali nguendi neni naumu viatonda kutundu ndakondi? ⁶⁸ Simone Petulu ua mu kuanieneko nguendi Muene tu ya kuli iya luhua ove uli na lijui a muono ka uekuhua; ⁶⁹ Keho etutu na thselela nakuvazhivuka nguendi, ove uye mukua kuzela ua Kalunga. ⁷⁰ Yesu ua handekele nguendi kalinji nami hangula eni ku mina vavali ni? keho umo ueni ikeye ua satana. ⁷¹ Nahono endi ua handekele na Yundasa muna Simone Isakalioto, omo ikeye uaka omo vaje likumi na vavali omo aka muenda vungungu.