¹ Ngotjovene muene wathivukile ngwehoni vafaliseu vanovhu ngatjiye yesu wakele nakupuimo kumbuitika vandongesi vavengi nakutuvakana joano. ² Nambe vavena yesu kanbwitikile, vunoni vandongesi vendi. ³ Uatundile kuyundeya, uaile lalo kungalileya. ⁴ Keho ua jonguele kuhita kusamalia. ⁵ Ngotjo wethile kusikalalikelio limbo lyakusamalia, muhiehi nakatjifuti kaje Jakomba uahanene kulimunendi Josefa. ⁶ Nandundu ja Jakomba jakele kuje. Ngotjo vene Jesu. Uahonene navungendhi; uatumamene kundundu. Ola yapwile yamutjitanu naimo. ⁷ Kuethile mukentu umo uakuSamalia mukutekula mema. jesu uahandekele nendi; ngwendi, njihaneko njinue. ⁸ Muomu vandongesi vendi vanaikuimbo vakalande viakulia. ⁹ Ngotjovene mukentu uje ua kusamalia uahandekelenendi. Nguendi.vati ove kaYundeya ulomba mema kuliange mukentu uakusamalia, momu vajundeya kavaliendelele navakasamalia. ¹⁰ Jesu uakwanyeneko nendi, ngwendi, ngaunathivuka vuana vuakalunga. noualinakuhandeka nove nguendi njihaneko njinue; ngauna mulombo ikeye akuhanemema amuono. ¹¹ Mukentu uandekele nendi nguendi, muene kauethi natjitenga tjakutekula natjo. Nalithima lia kulova, uka uana mema amuono kuiko. ¹² Ove una tuvakana shukulu jetu jaKombauje ua tuhanene lithima eli. Keho vavena uanuine mo navana vendoi, navingombe viendi. ¹³ Jesu uandekele nendi nguendi, oushe anua kumema aa-akovua lihuila lalo. ¹⁴ Vunoni oushe anua kumema aje andjikamuhana kakovu lihuila . Vunoni mema aje andjikamuhana , akapua mukati kendi ndundhi jamema akuvueloka kumuono kaue kuhua ua ja je. ¹⁵ Mukentu uahandekele nendi nguendi, muene ndjihane mema oo. Linga ketji bdjivue lihuila , nambe ketji ndjindje injeko kunontunda eji mukua kutekula mema. ¹⁶ Jesu ua mulekele nguendi, jakaje ukathane liala liove, keho muinje kumo. ¹⁷ Mukentu uahandekele nendi nguendi, kandjethi naliala, Jesu uahandekele nguendi, unahandeka vusunga, nguove koua kele naliala. ¹⁸ Moumu uahandekele navamala vatatu, noujuli nendi mualolo ketji liala liove, mukemuo unahandeka vutjili. ¹⁹ Mukentu uahandekele nendi nguendi, muene ndjinamono nguehoni jove uka polofeto. ²⁰ Vakuetu valemethele kundundu eji, keho eni ngueni ku Jelusalema lika kuli muhela kutunapande kulemethela. ²¹ Jesu ua handekele nendi, nguendi; mukentu ndji thelele wola yikuinja. ketij kundundu eji. nambe kujelusalema muka lembethela ishe. ²² Eni mulemetha vijekamuthivuka; etu tulemetha vije vituthivuka; muomu vuovoke vutunda kuva jundeja. ²³ Vunoni ola ikuinja, namualolo kuili. omova jevalemetha muvutjili valemethaishe . mu vu thithimbanamuvutjili ; muomuishe a yongola vakwa kumulemetha ngatjiyevene. ²⁴ Kalunga Ikeyespilitu ; Keho va jevamulemetha vamulethemuvuthithimba namusunga. ²⁵ Munkentu uandekelenendi, nguendi ndjinathi vukamesija akuinja. Ikejeu jeivaluka kilistu kehonga ikejenenja . Akatuthimbui laviumavioshe. ²⁶ Jesu uahandekele nendi Nguendi jange vene ndjihandeka nove. Ndji ikeje. ²⁷ Kehohaje vene vandongesivendi vethile keho vakomokele muomu uahandekelena namukentu vunoni naumouahi uahandekele nguendi uthitelavika . Nambe vikauhandekanendi ²⁸ Ngotjo munkentu uje uathile ndju ua je ndi uaile kuimbo ualekele vantu nguendi. ²⁹ injenimua kumone . muntuna njambuluila viuma vioshe vinjalingile uakilistundi. ³⁰ Vatundilekuimbo .vethilekuliikeje. ³¹ Omuo vene vandongesi vamukandelele nguavo muiongisi lieni. ³² Vunoniuavalekelenguendi ndjilina viakuliavikevio kamuthivukajeni. ³³ Ngotjovandongesi valihandekethele nguavo muntu umonamu nehelavia kuliandi ³⁴ jesu uavalekele nguendi kulinga tjithango tjauje uandjitumine nakumanethavipangeviendi vikeviovene viakulia viange. ³⁵ Ketji muekuhandeka ngueni kuna supu thingonde thiuana. thimbu jakuohiela inja. Taleni njimileka nguange. anduleni mesho eni taleni njimileka nguange. anduleni mesho eni talenikumahia. muana fuila kuhela. ³⁶ Uje ahela atambula fueto keho ongulula uimbato kumuono kauekuhua uagage linga mukakukuna namukakuhela vagolela hamolika. ³⁷ Muomu mukemo muasunga lijui ije mukakukuna ueka namukaku hela ueka. ³⁸ Njami tumine eni nakuhela mbuto imuajeneka kulima veka vanapangako keho eni munakovela kuvipanga viavo. ³⁹ Keho vakua Samalia vavengi vahembo olio va muthelelele muomu lijui lia mukentu uje. Liathimbuile nguendi na njambuluila viuma vioshe vinja pangele. ⁴⁰ Ngotjo vakaSamalia vethile kuli ikeje, vamukandelelele atji vantame navo, keho ua vandamene kuje matangua avali. ⁴¹ Keho vavengi veka vathelelele muomu lijui liendi vavena. ⁴² Keho valekele uje mukentu, nguavo mualolo tunathelela. Ketji muomu vihandeka viove, moumu tunovuko etu vavena. Keho tuna thivuka muvutjili ngetjije ou ikeje mouvole ua vakuamavu. ⁴³ Keho muahitile matangua avali ua tundile kuje uaile Kungalileja. ⁴⁴ Moumu Jesu vavena uathimbuile nguendi, kapolofeto kethi nakathingimiko kutjifuti njendi. ⁴⁵ Ngotjo muethile kuNgalileja, vakaNgalileja vamutambuile, moumu vamuene vioshe via lingile kuJelusalema kutji uano tjije. Moumu navakevo kovanaile ketjiuano. ⁴⁶ Ngotjo vene uethile lalo kukana Ngalileja luje kuahimpuile mema kupua viniu. Keho kukaPenama kuakele kaPitau umo ua muene, namunendi ua vavalele. ⁴⁷ Omo ikeje ou vuile nguehoni Jesu natundu kuJundeja nenja kuNgalileja. Uaile kuli ikeje, ua mukandelele kushelela nakukanguitha munendi, moumu uajonguele kutha vene. ⁴⁸ Ngotjo vene Jesu uamulekele nguendi, eni ngakamua muene vitantekejeso navikomo uetho kamuethelela nahamo hahi. ⁴⁹ Kapitau ua muene ua mulekele nguendi, muene tujathimbu munange kanda athe. ⁵⁰ Jesu ua mulekele nguendi, jakaje monove nakanguka. Muntu uje uethelelele lijui lije lia mulekele Jesu, Keho ua ile. ⁵¹ Keho movakele na kushelela, vantu vendi vali uanene nendi, nguavo munove nakanguka. ⁵² Ngotjo ua vehuile olamuka uashangumukile kukanguka. Ngotjo vamulekele nguavo ithau kuola jamutjitanu nathivali mathikathika amutundile. ⁵³ Ngotjo ishe uathivukile nguehoni japuile ola ije vene Jesu uamulekele nguendi munove nakanguka. Keho ikeje uathelelele navoshe vakandjivo jendi. ⁵⁴ Etjitjitantekejeso tjamutjivali Jesu ualingile muje muatundile kuJundeja nakuinja kuNgalileja.