¹ Tolilileni mualolo, eni vaka kufuka, lileni oku muli tetela mukonda tuyando tu keja kuli yeni. ² Vufuko vueni vuna volo, vizhala vieni vina liua vi lia tuntembulu. ³ Kavue ka vunchele na vimbongo vieni vina kuata nkalaue. Keho nkalaue yacho ikeyo lalo ikapua vukaleho kuli yeni. Vikalia nthitu yeni ngue tuhia. Muna li lundikila vufuko vueni ku matangua aku manethela. ⁴ Taleni, fueto ije yi mua hona kuhana vaje vaka kupanga muliha lieni vali na ku lilila kuli yeni. Kulila cha vaka ku kupanga china hete mumatui a Muene ua vimbunga. ⁵ Hanthi mua kele va ka kupanga via hanthi, mua yonguele kulia na kushuama ngeya senga ya hanthi eni vavenia. Keho hano honi muna hindala ngue vingombe vije viya muku ka vi thsiha. ⁶ Mua hitha naku nthsihia muntu mukua vucili. Ikeye ke ku mi viana. ⁷ Thimpeni, va mu nanana noho ha kuija cha Muene. Taleni, vati muka kulima ue ku tatelela kuima kua mbuto ya kuvuaha. Ya kutunda mulivhu, nendi ue kuthimpa noho mbuto ye ku uana mema aku livanga na mema aku kotokela. ⁸ Neni lalo thimpeni. Koletheni miono yeni mukonda kuija cha muene chili mu hiehi. ⁹ Keti mukale na vimpata, va mu nanana, kuli umo na mukuavo, linga keti vami hithe. Taleni muka kuhitha nemana ku chikolo. ¹⁰ Vakuetu tambuleni chimuetho, cha kuyanda na kuthimpa kua vapolofeto, vaje va handekele mu lizhina lia Muene. ¹¹ Taleni, tuva tambula va ka kuvezhika ava vana likolethela ko. Munovu mua kolele Yombi, keho muna zhivuka chikuma cha Muene, omu mua kala na ngozhi na chikeketima. ¹² Ngocho mu ku tuvakana viuma vioshe, vakuetu keti mu lithinge , na lilu, nambe na livu, nambe na chithingo cha-cho. Ngocho,"Kutava" cheni chikale "Eau vene" naku "Viana" cheni chikale "Ku viana vene", kuteua mu ka ua mu chihitho. ¹³ Hali umo a yanda mua kama ha kati keni ndi? Avundile. Hali umo ali muku jola-jola ndi? Embe muaso ua ku shangala. ¹⁴ Hakati keni hali umo ava vala ndi? A thane vakuluntu va tembele; va lombele nendi. Va mu kuita mazhi muku mu vua vuetha mu lizhina lia Muene. ¹⁵ Kulomba kua muka ku thselela chi ko hiela uje a vavala, keho Muene aka mu kanguitha. Nga umo na lingi via kuvihia, Njambi a ka muechela. ¹⁶ Ngocho vene litaveleni milonga yeni umo na mukuavo, linga mukanguke. Kulombela kua muka vuchili cha tha via vingi mukupanga. ¹⁷ Eliya ua kele muntu ua kufua yetu. Yikeye ua lombele mua kama nguendi nyonzhi keti yinoke, ngocho vene nyonzhi ku ya nokele hanthi miaka yitatu na vingonde vitanu na yimo. ¹⁸ Ngocho vene ua lombele lalo. Lilu lia nokethele mema, na livu lia tuhuithile vushuka. ¹⁹ Vakuetu, nga umo ha kati keni na shevuka ku vuchili, keho umo cho aka mu hiluitha. ²⁰ Ou a zhivuke nguendi ou a hiluitha muka kuviha kuku viha kuendi ako hiela muono ku kuthsa, aka fuika kuvihia kua kuingi.