¹ Kundeula ndaka keti vavengi mukale valongithi, vamunaina vange vava mala, muomu muna thivuka ngechiye vaka tu pangula muakama. ² Muomu etu voshe tue ku punduka muvingila via vingi . Umo nga a punduka na liji, yakeye liala ua ku puitha mo vioshe, atha kuniunga uendi vavenia. ³ Ngocho nga tuhaka vitoma mu tunua tua tukambe linga va tu shuame , tu tumina naua mivila yavo yoshe. ⁴ Taleni, mato naua, nambe akeo akama-kama ngechiye, keho aya na mpunthi ya kama, va a thengetha na chikathi cha chindende-ndende kuoshe kua na yongola vavenia. ⁵ Mungila eyi , ndaka yikeyo kachilio ka kandende-ndende, keho yili pamba na vuima via kama. Taleni muthenge ua kama-kama u uema na ka tuhia ka kandende-ndende. ⁶ Ndanga nayo ina pu tuhia , chifuti cha vuhenge ha kati ka vilio vietu, muyi na pu ndaka ,yivihisa muvila uoshe , yishuameka ndeho ya muono , liakelio vavenia, lia shuamene ku ngehena. ⁷ Muomu mishovo yoshe ya tuthitu, na tuthila ,na vimbumbulu ,vioshe nava va mumema a Kalunga veku va longetha vantu. ⁸ Vunoni ndaka muntu naumo uahi atha kuyilongetha. Liakelio mulonga ku tava kulongetha.Lina shulu na vushungu vuneha kutsha. ⁹ Liakelio tushangala nalio Kalunga Tata, litue ku kunkula nalio vantu, va pangele Kalunga mu chifua chendi. ¹⁰ Mukanua kamo lika mu tu ka vishangala naku kunkula, vamunana, viuma evi keti vikale ngocho. ¹¹ Mulisima limo mu tuhule mema aku shasha na a akutovala ndi? ¹² Mukuyu , vamunanana, kutava kuima vifuko? Nambe chiti cha vinui, mu hako, ua mukuyu ndi? Nambe mema a mongua a tuhule mema aku tovala. ¹³ Iya muka mangana na muka mana ha kati keni? Amuetha mu ku likehetha naku lithingimika mu ku konkama. ¹⁴ Mukemo nga muli na lifuua lia kushasha na ku lihangula muvimbunge vieni, keti mulihake kuvukama na kuhandeka vishaki ku vuchili. ¹⁵ A a keti managana a ku tunda kuilu. Tenga a hanthi a mashungu a vandemone. ¹⁶ Muomu aha hali lifuua na kulihangula , hakeho hali muyoyo na vipanga vioshe via ku vihia, ¹⁷ Mukemo mangana atunda muilu hakulivanga achili, keho chivovo-kuyongola , athiua kulomba , ashula na nkeke , na vushuka vua chili , na vimpata viahi , na vufue vuahiho. ¹⁸ Ngocho vushuka vua chili vavu muena kuvantu vaka chivovo vaje valinga chivovo.