¹ Keho Yosefe ua uililile kumesho A Ishe, na ualilile hali vendi, na uamu thsembele. ² Yosefe ualekele vimbanda vendi vavuahethe ci vimbi cia ishe ngeci civihe. Keho vimbanda va vuahethele Isaleli. ³ Vatambuile makumi auana, amatangua, Akeo akele matangua aku puamo muku vuahetha. Va Ingito vamu lilile matangua makumi atanu ba avali. ⁴ Omo matangua akuli ahitile, Yosefe ua handekele na limbo lia Falao, nguendi, " ambe ngeci njina uana kavumbi kumesho eni, njina milombela muhandeka, ngueni, ⁵ Tata uanjilingile nji litinge, nguavo, Tala, ange mualolo nji thsa. Njishitikeni mucihilo cio nja hinda ange vavenia mucifuti cia Kanana. Okuye muka njishitika," Ngeci njecieleni njiye na njiye njika shitike Tata,na njika hiluka." ⁶ Falao uakumbuilile," Yauye uka shitike Isho, omo vene muaku thingi thile." ⁷ Yosefe uaile aka shitike Ishe, vaka kupanga kuli Falao voshe vaile nendi, vakuluntu valimbo liendi, na vakuluntu vazhi mbeleua zha Ingito. ⁸ Vantu voshe vamuimbo lia Yosefe na vamunaina, nava kua limbo lia Ishe. Vunoni vana vavo, vimpembe viavo, na vingombe viavo via thalele mucifuti cia Goseni. ⁹ Tulosa na vamala vakulonda tunkambe navo vaile nendi. Vantu vavengi vakele. ¹⁰ Hova kahetele halupale lua Atadi kusinya lie lia Jolondau, vashangumukile kulila viakthsa.Okue Yosefe uapangele muala ua ishe matangua atanu na avali. ¹¹ Movovuile vaka Kanana kulila halupale lua Atadi, va handekele.'' Oluo lulilitho oluo luava Ingito. " Vikevio vathanene muhela ua Mbeli-Misilayimu, kuvutunde tangua. ¹² Munendi ua pangelele Yakomba muye muveshikile. ¹³ Vana vendi vamu tualele ku Kanana na vaka mushitikile mucithilo mulia lia Makupela, muhehi na Mamule livu lia landele Ambilahama lia vihilo. Uali landele kuli Efloni, Muhete cihilo ciaku vutunde tangua vua Mamule. ¹⁴ Hova manene kushitika ishe, Yosefe ua hilukile ku Ingito, nendi, nava munaina, na voshe vamu shuamene muku kashitika Ishe. ¹⁵ Vamunaina ya Yosefe Hova mune nguavo Ishe nanthsi, vahandekele nguavo," Vati nga Yosefe nolo kanda ali navukalu netu na ayongole kutu hiluitha mukushula viye vua kuviha tuamupanga? " ¹⁶ Keho vathanene Yosefe hali yavo, naku handeka," Isho ua hanene mashiko kulutue athse, nguendi, ¹⁷ Lekeni Yosefe evi, Eciela kuvoshe viova lingile vamunanoko na kuviha koshe kova pangele kuli yove " Ngeci eciela vantu va Kalunga ua isho,'' Yosefe ua lilile mova handekele nendi. ¹⁸ Vamunaina vayile na vali pokuethele kuli yendi. Vahandekele," Tala, etu tuvantu vove" ¹⁹ Vunoni Yosefe uava kumbuilile, " Ngeci mukale naliova. Ange njili mumuhela ua kalunga? ²⁰ Ngeci mueni, mua yonguele kunji Lemeka, Vunoni Kalunga uavi muene via cili, Akovole miono yayingi, Ngeci muomu namono lelo. ²¹ Ngeci mukale na liova, Nage njika milela navana veni vavandende," Uva lembethekele mungila yakufua ngeci na uahandekele nangozhi kuvimbunge viavo. ²² Yosefaua tungile mu Ingito, nava vushoko vua Ishe, Uayoyele miakacihita na miaka likumi. ²³ Yosefa ua muene zhintekuilila zha Eflaimu. Uamuene luhua vana va Makile muna Manase uamumala, Hova vahalekele hama voko mumesho a Yosefa. ²⁴ Yosefa ua handekele kuli vamunaina, Ange mualolo njithsa; Vunoni Kalunga akenja kuli yeni na aka mituamenena muku tuhuka mucifuti cino nakuya kucifuti ciye cia thingile a hane Ambilahama, Kuli Isaka, na kuli Yakomba." ²⁵ Keho Yosefe ualingile muna Isaleli athinge cithingo. Endi ua handekele,'' Kalunga vuoli akenja kuli yeni. Hanthimbu yaco oyo eni muka vanga kutunditha vithsiha viange muno.'' ²⁶ Keho Yosefe uathsile, Miaka uo. Vau vuahethele muvila uendi naku uhaka mucikesa mu Ingito.