¹ Keho Yakomba uathanene vana vendi, na kuhandeka navo: "Likungululeni muvavoshe hamo, linga njimileke evi vika jomboloka kulutue. ² likungululeni muvavoshe na kutolilila, eni vana va Yakomba. Tolilileni kuli Isaleli, yishe yeni. ³ Luvene, mbeli yange, vukama vuange na vushangumikilo vua ndhili yange ua tuvakana muvukama na kutuvakana mu ndhili. ⁴ Muku tumika ngue mema akuendelela, kuuka tujvakana , muomu ualondele kumuhela ua isho. Keho ua unyatekele; ualolndele ha vukothedlo vuange. ⁵ Simione na Levi vantu na munaina. Vitua via luodthi vikevio miele yavo. ⁶ A muono uange, keti uije kumbunga yavo; keti ukovele kuvi nthango viavo, muomu mbunge yange yashula na kathingimiko kakama kavio. Muomu kuhanduka kuavo vathsihilamo vantu. Muomu lia kunyengua kuavo vapupile vihove. ⁷ Vukalu vuavo vavuthinge, mujomu vua shuamene--na vukalu vuavo, vua vihile muakama. Njika tepethala muli Yakomba na kuva shanduela mu Isaleli. ⁸ Yunda, vamunanoko vaka kushangala, livoko liove lika kala hanthingo ya vitodthi viove. Vana na isho vakatua vihanga viavo hanthi kumesho ove. ⁹ Yunda ikeye muna Ndumba. Munange, unai ku mbunda , uashelele hanthi, ua tumamene ngue Ndumba, ngue Ndumba ua luhavo. Yiya aketheka kumuhindula? ¹⁰ Mulamu kuukatundu kuli Yunda. Ndi nambe viuma via vaka kutumina hakati ka muhandi endi, noho Shilo neja. Keho vifuti vika muthingimika. ¹¹ Akutila cindongi cendi kuliha lia vinyu, na muna cindongi cendi kuviniu via kuhangula, na kushu vidthala viendi mu viniu, na vidthala viendi mu maninga avushuka vua viniu. ¹² Mesho endi akadthivala vui ngue viniu, na madtho endi akatoka ngue mahini. ¹³ Zembulone akakala kucikuma ca ngonga ya Kalunga. Akakala cavu ca mato akama, na vingamba viendi vaka vihametha noho ku Sindone. ¹⁴ Isakale cindongi ca ndthili. Nandanda hakati kalimba lia dthinjui. ¹⁵ Keho ikeye ua muene muhela ua cili ua kuhuimina na livu lia cili. Keho ua kulumanene cithsili mukuambata keho uakele ua vipanga. ¹⁶ Ndane akapangula vantu vendi ngue umo ua mushovo ua Isaleli. ¹⁷ Ndane akakala linoka kungila, linoka lia vushungunlie kushuma mahindi atukambe, Keho linga muka kulondaho akaue mukali. ¹⁸ Ange njitatelela kuovola kuove, Yehova. ¹⁹ Ngande vaka kulolnda vaka muluitha, vuno ikeye aka valuitha kumikono yavo. ²⁰ Via kulia via Asele vikakala via madthi, keho ikeye akahana via kutovala via vimiene. ²¹ Nafutali ikeye ntava ua kuvutula; aka kala na majui acili. ²² Yosefe ikeye muntango ua kuima, muntango ua kuima ua kukala muhiehi na lithima lia mema. Mintango yendi ya tandavalela helu lia civumbe. ²³ Vata kuatha vaka muluithe na kumupiluila na kumuyandetha. ²⁴ Vunoni vuta vuendi vuka kala na ndzili na mavoko endi akakala akudthangama muomu lia mavoko acili a Yakomba, muomu lidthina lia kanyungi, livue lia Isaleli. ²⁵ Kalu,nga ka Isho akakukuatha na Kalunga ua ndzili yoshe aka kuvedthikitha na vivedthikitho via kuinthi via kala ha lova na vivedthikitho via mavele na limo. ²⁶ Vivedthikisho via Isho via tuvakana vivedthikitho via mikinya ya laja ndi viyongola via tumikinya tua tundende tua laja. keho vakele kumutue ua Yosefe, nambe hakutumina vumuene kumutue ua muna muene uava muanaina. ²⁷ Mbenjamini ikeye kangunga ua njala. K,ucimenemene akalia na kutovala mbunda, naku cinguethi aka tepetha vije via kupupa." ²⁸ Eyi yikeyo mishovo likumi na ivali ya Isaleli. Evi vikevio ua handekele Ishe yavo kuli vakevo omuo mua vavuavuethele. Nkala umo uamu vedthikithile vivedthuko via kupuamo. ²⁹ Keho ua vathikile na kuhandeka navo, "Ange njiya kuvantu vange. Njishitikeni kumo nava shukulu yange mu mukiya ua livue lia kala muliha lia Efelone ka Hiteu, ³⁰ Mukinya ua livue lia kala muliha lia Makepela, ou uakala muhiehi na Mamele mucifuti ca Kanana, Liha lije Avilahama ualandele muhela uaku shitika kuli Efelone ka Hiteu. ³¹ Okuje vashitikile Avilahama na Sala mukentu uendi, kuje vashitikile Isaka na Lembeka mukentu uendi, na kuje nja shitikile Lea. ³² Liha na mukinya ua livue ovio muli vikevio vavilandele kuli vantu vaku Hete." ³³ Omo Yakomba uamanene aa mashiko kuvana vendi, uakovelethele mahindi endi hamuhela, ua huimine lua kumanethela, keho ua yile kuvantu vendi.