¹ Keho Isaka ua thanene Jakomba. na kumuvethikitha, na kumushika, na muleka nguendi, keci ukambate mukentu ku vana va kentu vaku Kanana. ² Katuka, kaye ku Pandane-Alame, ku njivo ya mbuetele mukuluntu ua vanoko. ³ Kalunga ua kama akuvuavuethe, naku kuhana mbuto yacili mukuthema kuove naku kuilanetha, linga u kale mbunga ya miyati. ⁴ Nakukuhana civethikitho ca Avilahama, kuli yove, naku mbuto yove hamo nove; Linga ukahiane cifuti caku lishuka yove lamo nove. Cakuhana Njambi kuli Avilahama. ⁵ Keho Isaka ua tumine Yakomba, Yakombaua yile ku Pandane-Alame, ku Lambane, kuli Lambane, muna mbetuele mukuenje ua Lembeka. Vayina ya Yakomba na Esau. ⁶ Vuno Esau ua muene ngeci Isake ua vethikilthile Yakomba naku mutuma ku Pandane-Aleme,kumabata mukentu ua kuje keho mua muvethikithile ua muishikile nguendi, keti ukambate mukentu ua Kuvana vakentu va Kanana. ⁷ Esau nendi ua muene nguendi Yakomba uathingimikile yishe na vaina,keho ua yile ku Paddan Aram. ⁸ Esau ua muene m ukentu ua Canaan kapangele vyacili kuli ishe Isaka. ⁹ Keho ua yile Ismael, na kutambula, kuvuethelela kuvakentu vaje, Vakele navo, Mahalate muna Ismaele muna Avilahama, Mukuenje ua Nevalote; muka kala mukentu uendi. ¹⁰ Keho Yakomba ua tundile mbeleseva ua yile ku Halale. Keho ua hetele kumuhela umo, ¹¹ Keho ua tetelele kuje mathiki oshe, keho litangua lia kile laja keho ua tambuile limo livue aku mutambela uje, Keho uashalavalele oko vene naku ndanda tulo ¹² Ua lotele keho taleni thindelo viakutumbika hathi, na kumantjongo avio ahetele muilu; keho, Taleni, tungelu va Kalunga va londa naku shuluka hali vikevio. ¹³ Keho taleni Yehova uemanene helu liavo, na kuhandeka yange Yehova Ndjambi ya isho Avilahama, na Njambi ya Isaka; Cifuti houa ndanda , kuli yove njikatjihana nakumbuto yove. ¹⁴ Nambuto yove ikapua ngue mbundu ya kulivu, keho uka lioluela kuvutokelo, naku vutunde tangua, na ku noite, na kusulu; Keho muli yove na mumbuto yove vavushoko vove voshe va hathi vakavethika. ¹⁵ Keho, ange njili vene,keho njika kuhaka yove nkala koshe ukaya. ¹⁶ Yakomba uahindukile mutolo, keho ua handekele, vucili Kalunga ali kumuneha uno, nange konja vithinganiekele. ¹⁷ Ua kele naliova ua handekele nguendi,'' vati ua kumouetha muhela ou, keti ueka kuvanga mpano njivo ya Kalunga. Eci cikolo ca muilu.'' ¹⁸ Keho Yakomba ua katukile cimene-mene ua uhakele kuilu mukutenga muthakatelo na kumbalumuina ho mathihelu liavo. ¹⁹ Ua thanene lithina lia cifuti oco Mbetele, keho lithina lia limbo liakama lia kele Luze ²⁰ Keho Yakomba ua lithingile cithingo, ua handekele, ''Nga Kalunga a ka kalanange nakunjinyunga mungila eyi inji enda, na kunji hana mboloto ya kulia, na vithala via kuthala. ²¹ Keho njikahilika vuino kunjivo ya Tata, keho Yehova akakala Kalunga kange. ²² Keho eli livue linji nahaka aha linapu lia kushueketha. Kuli vyoshe viua njihana, Cili-Cili njika kuhana cimokuli kumi.''