¹ Hakulupile Isaka na mesho endi akele ciuiui kumona kuahi, ua thanene Esau. munendi uamukuluntu na uamulekele." Munange. "Esau nguendi. ''Yange uno. ² Na Isaka nguendi'' tala kuno, ange ntjina kulupa. konjazhivukile litangua liange lia kuthsa. ³ keho ngeci tambula vikuata viove,mikili na navuta, na yauye mumuthenge na uka yombe mbunda yange . ⁴ Uaku njitelekele viakulia viaku tovala, viye vionja yongola , na uka vinehe kuli yange njakulie na njaku kuvuavuethe kulutue njithse." ⁵ Lembeka uovile muahandekele Isaka kuli munendi Esau. Esau ua yile mumuthenge akayombe tuthitu aka nehe. ⁶ Rebekah uahandekele namunendiJacomba nguendi," Tala, njinevu Isho ahandeka na Esau mukuluntu ouve. Nguendi, ⁷ Kanjineheleko mbelela yakathitu uamumuthenge na uaku njipangele vuakulia viaku tovala, njakuvilie na njaku kuvuavuethe kumesho a Kalanga kulutue njithse; ⁸ Keho ngoco munange thingimika lijui munji kuishika. ⁹ Yauye kulimba , na ukanehe vana vimpembe vavali vacili; na njaku pangele isho viakulia via kutovala, Omuye muavi yonguela. ¹⁰ Keho uaku vituale kuli isho, linga akalie , linga aku kuvuavuethe kulutue lia kuthsa kuendi ¹¹ Jakomba uahandekele kuli vayina, " Taleni, Esau mukuluntu uange muvila uendi ukalamufufu, nange kunja kele nama fufu. ¹² Halumo tata aka njikuata, na aka njimona muka vishaki. Njika linehela cithenge hali yange vavenia na ngeci kuvuavuetha.'' ¹³ Vayina vamulekele,''Munange, cithingo cinje kuli yange. thingimika lijui liange na yauye uka vinehe.'' ¹⁴ Jakomba uayile mukukaneha vina vimpembe na avi nehele vayina, na ua pangele viakulia viaku tovala. ¹⁵ Rebeka ua tambuile vizhala via Esau via cili, munendi uamukuluntu, evi viakele navio muimbo, na uavi zhalekele Jakomba, munendi uamunike. ¹⁶ Uamuzhalekele cikanda ciamuna mpembe mumavoko endi namunthingo. ¹⁷ Keho uahakele viakulia viakutovalana mboloto yapangele mumavoko amunendi Jakomba. ¹⁸ Jakomba uayile kuli ishe na uahandekele.'' Tata,'' ishe ngguendi.'' yange uno; yove yiya,munange ndi?'' ¹⁹ Jakomba uakumbuluile kuli Ishe; yange Esau munove uambeli. Njina panga muye munanji leka, Ngeci tumama na ulie mbunda yange yamumuthenge, Linga uaku njivuavuethe.'' ²⁰ Isaka uahandekele kuli munendi," vati una muuana vuathi kathitu, munange? " Uahandekele ''muomu Njambi Kalunga uove ikeye namuneha kuliyange. ²¹ '' Isaka uahandekele kuli Jakomba,'' Shuena muhehi kuliyange, njaku kukuate, munange, na njikutolilenguavo cili yove munange Esau ndi ngeci yove.'' ²² Jakomba Uayile kuli Ishe Isaka; na Isaka uamukuatele na uahandekele nguendi; Lijui lia Jakomba, vunoni mavoko a Esau. ²³ " Isaka uamuzhivukile, muomu mavoko endi akele namufufu, ngue mavoko amukuluntu uendi, Esau, keho Isaka uamu vuavuethele. ²⁴ Uuahandekele ,'' Ove yove cili munange Esau?'' endi uakumbuluile,'' Yange, ²⁵ '' Isaka uahandekele neha viakulia kuli yange. na njilie mbunda yove , linga njiku vuavuethe.'' Jakomba uanehele viakulia kuli yendi. Isaka ualile, na Jakomba uamu nehelele vinyu, na uavi nuine. ²⁶ Keho ishe Isaka uahandekele kuli yendi, ''Shuena hamuhehi na unji thsembe, munange, ²⁷ '' Jakomba uenzhile hamuhehi na uamu thembele, na uahumbile mphuzhi yavi thala viendi na uamu vuavuethele nguendi, '' Tala, mpuzhi yavithala viamunange ngue mpuzhi yamuliha lia vuavuetha Kalunga. ²⁸ Kalunga kange aku haneko lime lia muilu, nalivu lia cili,nmabuto yavingi na vinyu. ²⁹ Vantu vaka kupangela na vifuti vika kuthsikamena, uka kala muene uava munanoko, nava munanoko vaka kuthsikamena, uoshe aka kuthinga vaka muthinga; vaye voshe vaka kuvuavuetha vaka vavuavuetha.'' ³⁰ Oho vene hamanethele Isaka ku vuavuetha Jakomba, Jakomba uatundile naliova kumesho a Ishe Isaka, Esau mukuluntu endi uezhile kutunda mukuyomba tuthitu. ³¹ Nendi ua telekele viaku tovala na uavinehelele kuli ishe, uahandekele kuli ishe, Tata,hinduka naulie mbunda yamunove yamumuthenge, Keho linga unji vuavuethe.'' ³² Isaka ishe uahandekele kuli yendi, '' Yove yiya? uakumbuluile, " Yange munove, uambeli, Esau.'' ³³ Isaka ua lupukile mbunge muakama na uahandekele, yiya uye naka yombele kathitu na namu neha? Ange njinali kulutue uinje,na nina muvuavueha laya mukemo, endi vaka muvuavuetha.'' ³⁴ Mouvuile Esau majui a ishe, ua lilile muakama na uahandekele kuli Ishe.'' Nange njivuavuethe Tata,'' ³⁵ Isaka uahandekele,'' mukuenje uove haneja hano nanikuithakuitha na natambula kuvuavuetha kuove.'' ³⁶ Esau uahandekele,'' nkuma lizhina liendi ngeci ikeye Jakomba? nanji zhangamena luvali. Natambula vukuluntu vuange,na, Tala, ngeci natambula civuavuetho ciange,'' Keho uahandekele,'' koua thileko civuavuetho ciange. ³⁷ Isaka uakumbuluile na uahandekele kuli Esau, '' Tala njina muhaka akale mune uove, na vamunaina vaka kala vingamba viendi, na njina muhane mbuto yayingi navinyu,Vika luhua vikuavo njina pangela. Munange?'' ³⁸ Esau uahandekele kuli Ishe,'' koua thileko civezhikitho ciange nambe cimo, Tata? njivuavuethe nange, nambe yange, Tata,'' Esau ualilile nalijui liakama. ³⁹ Ishe Isaka uakumbuilile naku handeka kuli yendi. ''Tala, muhela uou kakala uka kala hale navufuko ua hanthi, hale nalime lia muilu. ⁴⁰ Kulikunga liove ukovokela, na uka pangela mukuenje uove. Ambe una tokola, uka vutuka ku njoko yendi muthingo yove.'' ⁴¹ Esau uazhindile Jakomba muomu lia civuavuetho ciamu hanene Ishe. Esau uahandekele nambunge yendi,'' matangua a akuthsa tata a anahete; keho kunima njika thsiha mukuenje uange Jakomba.'' ⁴² Majui a Esau munendi uamukuluntu ovuikile kuli Rebakah. Keho uatuminine na kukathana Jakomba munendi uamunike na kuhandeka kuli yendi, '' Tala, mukuluntu uove Esau youa lilembezheka endi vavenia muku yongola kuku thsiha. ⁴³ Keho ngeci, munange, njithingimike na ushatukile kuli labani, mukuluntu uange, ku halani. ⁴⁴ Kakale nendi kanthimbu kakandende, noho vukalu vuamunanoko vuna tepuluka, ⁴⁵ Noho vukalu vuamunanoko vuna kutundu, na Evale vioshe vioua mupanga. Keho njaku kutumina vaka kuhiluithe. Vika njimi zhimbalethela ngocho muvavali litangua limo? ⁴⁶ Rebekah uahandekelekuli Isaka,'' Ange njina hono nakuyoya muomu lia vana vavakentu va Hete; Ambe Jakomba atambulaho umo hakati kavana va Hete akale mukentu uendi, Ngeci muava vakentu, vamo vavana vakentu vamu cifuti, vungulu muka vukakala mukuyoya kuange?''