¹ Ngoco Avilahama ua kulupile muakama keho Yehova ua muvuavuethele Avilahama kuviuma vioshe. ² Avilahama ualekele ngamba yendi, oujee uakele mukuluntu ualimbo ou uakele kutalela vioshe viakele navio, "Hakalivoko kuinthi lia viuma viange ³ nakukukhaka yove ulithinge kuli Yehova, Kalunga uamuilu na Kalunga uahanthi, nguange kojukauana mukentu ua munange kuvana vava kentu vaka Kanana, Kuli yiya ukanjipangela limbo liange. ⁴ Keho uya kucifuti cange, nakuvoshoko vuange, naku kauana mukentu ua munange Isaka." ⁵ Ngamba uamukumbuluile, "Ngavati honi ouo mukentu kaketava kunjishuama? Kuatha njitumbule munove ualiala njimuhiluithe oko kuatunda? ⁶ Avilahamaua mulekele, "dthivuka nguove keti umuhiluitheko munange oko! ⁷ Kalunga tata muene ua muilu, ou uanjitabuile kunjivo yatata na kucifuti chavushoko vuange, nakunji thseleletha yange na chithingo chachili nakuhandeka, muvana vove navatekulu njikahana livu eli; Endi atuma tungelu tuendi kulutue luove, naku kauana mukentu ua munange oko. ⁸ Ambe mukentu kakayongola kukushuama, Keho ove unatunduko kuchithingo change. Yove lika nga utualako munange oko." ⁹ Keho ngamba uahakele livoko liendi kuinthi lia litafu lia Avilahama vakuku yendi. ¹⁰ Ngamba yendi uatambuile tumelu likumi uayako. Uatambuile vuana kuli muene uendi. Uakatukile na kuya kumuhela ua Alam Nahalayima, kuimbo lia kama lia Nahor. ¹¹ Ualingile tumelu vathsikame hanja lia lilmbo lia kama halithima lia mema. Viakele kutjinguedthi, nthimbu yove kuya vakentu vakatekule mema. ¹² Keho uahandekele, "Yehova, Kalunga tata, muene ua shukulu Avilahama, tava vanjivuahele lelo na kumuetha litavathano mukuthselela kuli muene uange Avilahama. ¹³ Tala, kuno ange njinemana kulithima lia mema na vana vavakentu nava vavamala vamu limbo lia kama venjna vakutekule mema. ¹⁴ Linga vipuemo ngue ngeci honjihandeka kumuna mukentu, Sukulu kamba yitavetha ntjua yove njinuitheko, na kukuanya nange, nua, na kukhana vingamelo viove mema lalo, linga akale yekeye umo unenika akale ua ngamba yove Isaka. Kuli evi njinadthivuka nguange unaleketha kulikuatathana na kuthselela kuli muene uange." ¹⁵ Viendthile kulutue kanda amane kuhandeka, Tala, Lembeka uatuhuka na ntjua yendxi ya kutekula mema hachithsili. Lembeka uamuthema Mbethele muna ualiala ua Milika, Mukentu ua Nahole, mukuenje ua Avilahama. ¹⁶ Muna mukentu ua kuvuaha muakama endi lalo kakele lumo na liala. Kadthivuka mumala. Uashelelele kulithima, kukatekula mema nakuhilukamo. ¹⁷ Keho ngamba uashatukile akamuuane nakuhandeka, "Shukulukambu njihaneko medma njinue muntjua yove." ¹⁸ Uahandekedle nguendi, nuangano muene uange, "vuathi vuathi uatulile ntjua yendi mumavoko endi, naku muhana anue. ¹⁹ Muamanene kumuhana anue, Uamulekele, "Njitekuila vingamelu viove lalo mema vinue, noho vmane kunua." ²⁰ Uahilukilemo lalo navintjua viendi via mavokovoko uashatukile uayile kulithima uatekuile mema, nakutekuila mema vingamelu vioshe. ²¹ Mumala uamutalele nakuholoka kulu nakutala ambe Yehova navuahetha ngila yendi ndi kuahi. ²² Hovia manene vingamelu kunua mema, liala uatuhuile mununga yamulijulu uethekethele hakati kavimbongo, navi olu vivali na makayi na chitimo chakuheta likumi lia vimbongo ²³ nakumuihula, "Muneya nkuama ove? Njileke shukulukambu, koili njivo kuimbo lia yisho tuka ndandemo? ²⁴ Uamulekele nguendi, ''Ange muna Mbetele ua mukentu Mbetele muna Milika, ou uatheemena hali Nahole.'' ²⁵ Uamulekele lalo nguendi, ''Etu tuakuna via vingi vioshe vishoni na viakulia, nanjivo yove you kandanda.'' ²⁶ Keho liala uathsikamene na kulemetha Kalunga. ²⁷ Uahandekele, Uakushangala Yehova Kalunga ua shukulu Avilahama, Ou uajenekele kuethela liuvuathano kuthselela na kumuthselela kuhitila muli muene uange. Muli yangeko, Yehova na njituamena kuviukilila kunjivo ya vushoko vua muene uange.'' ²⁸ Keho muna mukentu uashatukile na kukaleka vaina nava vatunga muimbo uavalekele voshe. ²⁹ Keho Lembeka uakele na munaina lidthina liendi Lambone. Lambone uashatukile kuli liala ou uakele kungila ya kuya kulithima. ³⁰ Hamuene mununga ua mulijulu na munchele kulivoko lia mukuenje uendi, Hovuile majui amukuenje uendi Lembeka. ''Evi vikevioviahandekele kuli yange. ''Uayile kuli liala, na, Tala, Uemanene kuvi ngamelo halithima. ³¹ Keho Lambone uahandekele, "Yinja, ove akuvedthikitha Yehova. Vika unemanena hanja? Njavuahetha laja njivo, na muhela ua vingamelu." ³² Keho mumala uedthile muimbo na kutula vingamelu viendi. Vingamelu vavihanene muila na kuvilitha, na mema vamuhanene atane kumahindi navaje vendele navo. ³³ Vamuhanene viakulia alie, uahandekele nguendi, "Ange kunjilu noho njihandeke ovio vionja handekele," Ngoco Lambone uahandekele nguendi, "handeka." ³⁴ Uahandekele yange ngamba ya Avilahama. ³⁵ Yehova uavedthikitha muene uange muakama mukukala mukua kufuka. Vamuhana vinjui na vingombe, Palata na Olu, na vangamba vavamala nava vavakentu, Vingamelo na vindongi. ³⁶ Sala mukentu ua muene uange, Uathemene munendi ualiala te mukentu uendi na kulupa, nakuhana vije vioshe viakele navio kuli yikeye. ³⁷ Muene uange uanjilekele njilithinge, nakuhandeka, 'Keti ukauanene munange vakentu vamuno muKanana, Omo monjitunga limbo liange. ³⁸ Tenga uye kuvakatata, na kuvushoko vuange, na kukauana mukentu uamunange ualiala. ³⁹ Njina muleke muene uange, Ambe mukentu kakanjishuama.' ⁴⁰ Vunoni uanjilekele nguendi, Yehova ouo njekuendela, Atuma tungelo kuli yove na kuvuavuetha ngila yove, linga ukauane mukentu ua munange kuvushoko vuange na kulimo lia vakatata. ⁴¹ Vunoni ukovoka kutjithingo change ambe uya kuvushoko vuange ambe kova kakuhana yove. Keho ukovoka kchithingo change.' ⁴² Keho ngoco njinakuheta lelo halithima, na kuhandeka nguendi, 'O Yehova, Kalunga ua muene uange Avilahama, shukulu kambe ambe vuchili uatuamenena ngila yange kupuamo ⁴³ yange uno njinemana halithima lia mema linga muna mukentu ou enje akutekule mema, nauoshe muna mukentu ouo njakuleka, shukulukambu njihaneko mema munchuua njinue." ⁴⁴ Mukentu uye anjileka, "Nua, nakuhana vingamelo viove mema" linga akale mukentu uje, Yehova, Una muhangula muna muene uange ualiala.' ⁴⁵ Nambe kulutue monjinamamnekuhandeka mumbunge yange, tala, Lembeka natuhuka nanchuua yendi hachithsili chendi akatekula mema kulithima. Keho njina mileke nguange, shukulukambu njihaneko njinue; ⁴⁶ vuathi-vuathi uatula nchuua yendi hachithsili chendi na kunjileka nguendi nua, njihana vingamelo viove mema lalo.' Keho njanuine, uahana vingamelu viange mema lalo. ⁴⁷ Keho njamuihuile nguange, 'Ove muneya? Keho nanjikumbulula nguendi, yange muna Mbetele, Nohole ualiala, Ouo uathemenene hali Milika. keho njinamuhaka Mununga mulijulu na munchele mulivoko liendi. ⁴⁸ Keho njina thsikama njishangale Kalunga tata, na kuthsiliela Kalunga tata, Kalunga ua muene uange Avilahama, Ou uanjituamenena ngila ya kushungama muku juana muna mukentu uamuna muene uange kuvushoko vuendi. ⁴⁹ Ngocho vene, Ambe muna livuahethela mukumuetha chithingo cha miaka yoshe na kuthselela kuli muene uange, njilekeni, njitenguluke kuchimoshue ndi kuchilio." ⁵⁰ Ngocho Lambone na Mbetele vakumbuluile nguavo, "Nguavo ovio viuma vinatundu kuli Kalunga; Kutu kukukmbulula muachili ndi muakuviha. ⁵¹ Tala, Lembeka ouo mutambule uye, halumo akakala mukentu ua muna muene uove ngue muana vihandeka Kalunga. ⁵² Nganba ya Avilahama muovuile majui oo, uathsikamena hanthi kumesho aKalunga. ⁵³ Ngamba uatambuile vilanda na vilanda navithala na kuvihana kuli Lembekka. Uahanene mvimo lalo kuli mukuluntu uendi ualiala na kuli vaina. ⁵⁴ Keho nendi na vakuavo vendele nendi valile na kunua. Vakele vene oho mathsiki, hova hindukile chimenemene, ua handekele, "Njitumeni njiye kuli muene uange." ⁵⁵ Vakuluntu vendi vavamala na vaina vahandekele, "Linga ouo munike ua mukentu akale netu kumatangua amandende, kumatangua likumi kutunda oho mba honi muya. ⁵⁶ Vunoni uahandekele kuli vakevo nguendi, "keti munjishuekele yange, kutameka hano Yehova njituamenena mungila yange njiye kuli muene uange. ⁵⁷ Vamuleka, "Tuthana muna mumbanda tumuihuleko nendi. ⁵⁸ Keho vamuthanene Lembekka na kumuihula, kuatha uje nouno mumala ndi? "Ua vakumbuluile nguendi, njiya." ⁵⁹ Kedho vatumine mukuenje uavo Lebekka, kumolika na vangamba va vakentu, mungila yavo na ngamba ya Avilahama navakuavo. ⁶⁰ Keho Lembekka vamu vuavuethele, vamuleka, "Mukuenje uetu ukakale yina ya makulukadthi na makulukadthi likumi, na vana vove na limo liove likashoke chikolo chove vaka kudthzinda. ⁶¹ Ngocho Lembekka uakatukile, nendi na vingamba viendi vavakentu valondele vingamelu, na kushuama uje liala. Ngamba ua tambuile Lembekka, na kuya mungila yendi. ⁶² Keho Isaka uatungive muNengeve, na kuhiluka ka Mbelahayi Loyi. ⁶³ Isaka uayile akendangane muliha chinguethi. Hahetukile uamuene, tala, vingamelo viovija! ⁶⁴ Lembekka uatalele, ngocho uamuene Isaka, uajombokele ha ngamelo. ⁶⁵ Uehuile ngamba, yiya uje liala endangana muliha atushesha? Ngamba uahandekele nguendi, Muene uange," Keho vatambuile ntanga yendi ualifuika endi vavenya. ⁶⁶ Ngamba uakele muene uendi vioshe viapangele. ⁶⁷ Keho Isaka uanehele mukentu uendi kuli vainana Sala munthingi ua kala mukentu uendi, ua muyonguele muakama. Keho Isaka vamudthembelekele hovathsile vaina.