¹ Sara uo vokele miaka yakuheta ku 127. Oyo yakeyo miaka yo vokele Sarah. ² Sarah ua thsililile ku Kiriath Arba, mu Hebron, mu cifuti ca Kanana. Avilahama uakele mu vuthiua na ku lilila Sarah. ³ Kunahu Avilahama ua katukile nakutunda ku muthsi ua mukenu uendi, na kuhandeka na vana va Heth, Nguendi, ⁴ Ange nji ngenzhi ha kati keni. Shukulu kambu, nji kuatheniko vitengi na muhela ueni ua kutsinda, linga njika tsindeko mutsi uange," ⁵ Vana va Hete va kumbuilile Avilahama, nguavo, ⁶ Tolila kulietu, muene uange. Ove muna muene ua Kalunga ha kati ketu. Shitika muthsi uove muku hangula thimbumbo shitikemo muthsi uove." ⁷ Avilahama uaka tukile naku thsika ku vantu vaka cifuti, na vana va Hete. ⁸ Ua handekele navo nguendi," Nga munatava ngueni ange njika shitike muthsi uange, Kunahu munji tolile na kuka lambelela kuli Efelone muna Zoha, Omo liange. ⁹ Ka muihuleni anji landethe mbumbo yaku Machpelah, ciye cendi vavenai, yakala kusongo ya liha liendi. Mu ndando ya kusala anji landethelo kupua vinilo." ¹⁰ Kunahu Efelone ua tu mamene hano na vana va Hete, Efelone na Mushova uavo ua kumbuluile Avilahama mu kuvua ca vana va Hete. na voshe ovo venzhile ku cikolo ca mbongi yendi. na kuhandeka nguendi, ¹¹ " Kuahi, Muene uange, njivue, Njika hana liha, na mbumbo ovio vene. Njina ku hanevio kumesho avana va vantu vange. Njina kuhane vio uka thsinde mo muthsi uove ¹² Kunahu Avilahama ua thsikamene kumesho vaka cifuti. ¹³ Ua handekele na Efelone na kuvuitha ku vantu vaka cifuti, na kuhandeka nguendi," Vunoni nga muitavetha, Shukulukambu, njivueni, njika fueta kuliha. Tambuleni vimbongo viange,, linga njika shitike muthsi uange kuye." ¹⁴ Efelone ua kumbuluile Avilahama, nguendi, " ¹⁵ Shukulukambu, muene uange, njivue. Muhela ua undende uli namulio ua vimbongo vihiti viuana via Palata, vika ovio vili hakati kange nove? Thsinda muthsi uove, ¹⁶ " Avilahama ua tolilile kuli Efelene na Avilahama ua thsikamene kuli Efelone na kupua ca Palata ovio via handekele mu ku vuitha ca vana va Hete, vihita viuana viavimbongo via Palata, ku kundama ku vaka kulanda. ^{17 18} Kunahu lihia lia Efelone, olio liakele ku Muchpelah, Olio lia kundamene kuli Mamele, olio vene, liha mukemo na mbumbo vakele omo vene, naviti vioshe ya kele muliha novo va kele kuvi nginga, nava kevo vejile kucikolo ca mbongi yendi. ¹⁹ Kunima yevi Avilahama ua Shitikile mukentu uendi Sarah mu mbumbo yamu liha lia Machpelah, Olio lia kele ku Mamele, Olio vene, Efelone, mu cifuti ca Kanana. ²⁰ Kunahu liha na mbumbo via hitilile hali Avilahama kupua ngue muhela ua vihilo kutunda ku vana va Hete.