¹ Keho kunima yevi lijui lia Kalunga lie dhile kuli Avilahama chimona, nguendi, " Keti uvue, liova Avilahama, yange ntelo yove, na chilunguitho chove cha ku tuvakana vioshe muakama kama," ² Avilahama ua handekele nguendi A shukulu Kalunga, vika ukanjihana, mukonda ange konjethi namunike, nou akalinga njivo yange ikeye Eliezele uaku ndamasiku," ³ Avilahama nguendi" Tala kuli yange kuua njhanene mbuto, tala umo ua kuthema munjivo yange ikeye muene yange!" ⁴ Keho. Tala Lijuilia Kalunga leithile kuli yikeye ngualio, " Ou kakala muene uove ; Keho uje katuhuka muimo liove ove vavenya ukapua muene uove. ⁵ Keho ua mutuhuile hanja, keho uahandekele," Tala ngechi kuilu, na kutanda vintangantanga," Ambe uatha kuvitanda." Keho ua handekele nend," mukemo moyi kapua mbuto yove," ⁶ Ua tavele Kalunga," Keho vikevio ua mu tande lelevio gue via chili. ⁷ Keho ua handekele kuli yendi." Yange Kalunga, uje ua ku tundithile ku ule yava Kalandau, muku kukuhana chifuti echi muku chihinga. ⁸ Keho ua handekele, muene Kalunga, vati njika vithivuka nguange njika vihinga evi?" ⁹ Keho ua handekele nendi," Neheni njinoneneko munange ua miaka itatu, na mpembe ua luhavo ua miaka itatu, na nayindui na muna lipukuua." ¹⁰ Keho ikeye ua munonene vioshe evi. Keho ua vitetele ha vali, keho ua hakele tambela eyi ku tembele eyi; Keho tuthila kava tavuile. ¹¹ Keho tdhila vakulia mivila va jujumanene ha vivimbi, keho Avilama ua vashekeleko. ¹² Keho molia tokele litangua, Avilama ua yile mutulo tuakama ; Keho, Tala, vuangathithi vua mithithi ya kama vua mu uililile. ¹³ Keho Kalunga ua lekele Avilama, "thivuka, ngove vuchilichili ngechi mbuto yove ika kala kuli shuka ngue mbuto yove ika kala yakulishuka mu chifuti chakecho ketji chavo nakuva pangela; Keho vaku vakayandetha chihita na miaka yiuana ya miaka. ¹⁴ Ange njikahitha chifuti ocho ava kapangela, njika handeketha; Keho kulutue vaka tuhuka na vufuko vua vuingi. ¹⁵ Keho ove ukaya kuliva yisho mungila yachili, Keho vakakushitika muachili mukukulupa kove na miaka. ¹⁶ Keho kulimo lia muchiuana vakenjako lalo kuno; moumu vuvi vua vamaleu kanda vupuemo( te kanda vihetemo). ¹⁷ Molia tokele keho lyanyekamene hathi keho lya thivalele, Taleni, muithi ua tuhia tua vindeho tua kushuama ua hitile hitile hakati kavipuka. ¹⁸ Kuli tangua olio Jehova ua liuvathanene liuvuathano na Avilama nguendi, ku mbuto yove njina hana chifuti echi, kutunda kundonga ya Ingito na ku heta kundonga ije yakama, ndonga ya Fuhate. ¹⁹ Ka Keneu, na kakenezeu, na kandemoneu, ²⁰ Na Kaheteu, na Kapelizu, na Valefaime, ²¹ Na ka Amoleu, Na ka kananeu, na kangile Ngaseu, na ka Yambutheu.