¹ Nthimbu ino Salai, mukentu uaAvilama, kathemene munike nendi, vuno honi ua kele na ndungo yendi uamu kentu, muka Ingito, uali zhina Hangale, ² Ngocho vene Salai ua handekele na Avilama," Tala, Kalunga Tata uanji vianetha kuthema vanike. Ya uka kothe na ndungo yange. Kuatha vikale nguavo njika uanena ko vanike kuli ikeye." Avilama ua tolilile lijui lia Salai. ³ Evi viakele hanthsimbu yije Avilama uayoyele miaka likumi muchifuti chije cha Kanana mualingile Salai, mukentuua Avilama, ahane Hangale, ndungo yendi uaku Ingito, kuli mumala uendi a kale mukentu uendi. ⁴ Keho uayile kuli Hangale, mukemo muemitile. Muamuene nguavo nemita, uatalele yinakulu na kashahuntu mumesho endi.. ⁵ Keho Salai ua handekele na Avilama, "Evi vitanga viaka haliange mukonda liove. Nja hanene ndungo yange ua mukentu ulihambe nendi, vunoni muamuene nguavo nemita, konja kele lalo na nachimo chahi mumesho endi. Yehova a hithe hakati kange nove." ⁶ Vunohoni Avilama ua handekele kuli Salai, "Tala kuno, ouo ndungo yove ua mukentu kanda mu kutumina kuove ali, panga nendi munamono munafuila vuino." Keho Salai ua mu yandethele chili, kamane ua teueleko kuli yendi. ⁷ Kangelo ka Yehova ua mu uanene ku muta ua mema mumuthenge, muta uje uakala kungila yakuya ku Sulu. ⁸ Ua handekele, "Hangale, ndungo ya Salai, kuiko utundilila na kuiko kuya?" Keho ua handekele nguendi, "Nji teua shokuanana Salai." ⁹ Kangelo ua handekele nendi nguendi, "Hiluka kuli vakuku yove, yakononoke ku kushika kuendi." ¹⁰ Keho kangelo ka Yehova ua mulekele nguendi, "Nji kavuedhelela muyati uove, linga vaka kale nguavo vavengi navua kutanda." ¹¹ Kangelo ua Yehova lalo ua mulekele nguendi, "Livandeke, unemita ove keho u kakala na munike ua mumala uka muluka, uka muthana lidhina liendi Ishmael, mukonda Yehova novu kulinienga kuove. ¹² A ka kala chindongi uamu muthenge ua vantu. A ka kala ua kuononoka ku nkala muntu, na nkala muntu a ka kononoka kuliendi, endi lalo a ka liyoyela kulitha na vamunaina." ¹³ Keho ua hanene lidhina elikuli yehova uje ua handekele nendi, "Yove Kalunga uje uka Nji mono," ngue mua handekele, "Chili vene Nji tualaho kumona ndi, nambe kunima yendi muana njimono?" ¹⁴ Ngocho vene valukile lidhina olio Mbelelahai-loi; tala, vili hakati ka Kandese na Mbelende. ¹⁵ Hangale ua themene ua mumala, na Avilama ua lukile munendi ua mumala, uje uamuhanene Hangale, Ishmael. ¹⁶ Avilama ua kele na miaka makumi atanu na atatu na miaka yitanu na umo mua hanene Hangale Ishmael kuli Avilama.