¹ Vashukulu, haneni kuvindungo vije via vucili nevi voa kupuithehamo, tua thivuka laloo nguavo muakala na vashukulu muilu. ² Shenetheniko mukuthila kulya namu kulomba kaleni muna janguluka muku shangala. ³ Lombeleni kumo vietu, linga kalunga atu shokuelele chicolocha methi, muka handeka lihungu lia kilisitu. muomu lievi, vana njikuta. ⁴ Lamba linga njivi tokethe, omo njiyongola kuhandeka. ⁵ Enda muvu mpau omo uya kuli ovo vali hanja, na nkuli ya ntshimbu. ⁶ Vihandeka vieni vikale na nkenda nthimbu yoshe lingeni vavi hake na mukele linga uthivuke nguavo vai ukumbulula chikumbulula cha nkala. ⁷ Ngue kuviuma vije vina kundama, tikitu ava lingitha muvathivuke kuli ieni yakeye mukuluntu uange ua cithango, ngamba ua luthilielo, na vandungo vakuetu muli muene. ⁸ Njina mutumu kuli iove omu lievi linga uaku thivuke vitanga vietu. kuvili viuma vimo na vilanetha via laja viava ngelengu kumo na vilangununa vimo via laja viava ngelengu evi vina handeka ngechi njamu tuma kuli iove omu lievi kuatha athivuke vitanga viove na kukoletha vimbunge vieni. ⁹ Njina mutumu kumo na onesimu, ou luthilielo na muna nja iovongola, ou vakala muli ove vakavi thivukitha kuli ieni viuma vioshe vihiti kuno ¹⁰ Alistaliku muka kamenga mukuetu njimi meneka kumo na Mako, mpanji la Mbana mbasa ( kuli ou muana mashiko; amba eja kuli ove, mutambuleni). ¹¹ Na Yesu iva thanene Yustu evi lika likalia vio via mukanda vakevo viaka panga vakuetu vamu vumuene vua Kalunga, vana kala vaka kunjithembeleka kuli yange. ¹² Epafalase nami hanako vihindu. umo ueni na ndungo ya Yesu Kilisitu. Ntsimbu yoshe uekuku luila mumalombelo. linga uimane ua kushulula nakumithseleletha muvi thango via Kalunga. ¹³ Ange njivikalela vukaleho ue kupanga muakama omo liove kuli ovo vali lao ndosiya navaje vali mu hika polise. ¹⁴ Luka chimbanda yitua yongola na ndemese vana mi hinduithaho. ¹⁵ Hunduitheniho vamuhaina yetu mu Laondisia, na Nimifase, na ngeleka yili muli ikeye. ¹⁶ Omo mukonda ou vau tandele hakati ketu, ukayitandele mungeleka ya Undisia hakuyi tandela lalo mukanolo na kumona nguavo mukonda una tundu mu Undisia. ¹⁷ Handeke kuli Alekipuse'' tala muvipanga una tambula kuli Muene, nguavo Uvipuithemo. ¹⁸ Kukunditha eci chili muma voko ange Paul vulukeni Malienge ange nkenda ya kalunga kakale neni