¹ Nga honi Kalunga na mi hindula yeni muomu na Kilisitu, ntheteleni viuma via muilu, muje Muana tuma Kilisitu kuli voko lia lihio lia Kalunga. ² Thinganye keni via kutia me na ku vuima via muilu, kechi vuima viakutiamena hathi. ³ Muomu eni muatzile miono yemina inavanda na Kilisitu muli Kalunga. ⁴ Omu mua kajomboloka Kilisitu, ouo ikeye muono ueni amba honi eni lalo mukajomboloka nendi muvumpahu. MUKUTEMUINA KUAVA MO VATHZANKULU OMUOMUA KAJOMBOLOKA KILISITU OUA OUPUA MUONOUETU NENI HONI UKATOMBOLAKA MUVUMPAHU VIENDI ⁵ Keho vihakeni kukutsa mashungu aje a hathi- vukuizhi mazhilo viyongola viaku vihi, na chipululu chekecho kampenya. ⁶ Kuvuima ovio kukekuo kuje vunyengue vua Kalunga vukaja hali vanavalithino. KUTANDA KU MO KUVUMDOVIO KUKEKUO KUKEJA VUNYENGUE VUA KALUNGA. ⁷ Muviuma ovio mukemuo lalo mumuendela yeni omuo mumuakele muvi kevio. ⁸ Vunoni honi mualolo munapande kumsia kuti viuma vioshe via vunyengue, vukalu,natolo,kutanganetha, na majui a nauama akutunua tueshi. ⁹ Kechi mulikuithe kuithe umo namukuavo kutunda ha muecelelela vuntu vua laja na vipanga viavuo, ¹⁰ Eni na muna thala vuntu vuavuha vuye vu mihimpuitha mukale vakamana mukutuala ku chifua cha uja uachitangele. ¹¹ Evi vikevio honi okuo uahiko kange lengu na kayunda, mukakulovoka na chilima, vika vifuti vakasekela. vindungo muna kachithemua ; vunohoni Kilistu ikeye vioshe na muvioshe. ¹² Ngocho honi ngue vamo vanahangula Kalunga, kujela na kuyongola, kaleni na vimbunga via nkeke, ngozi, kulikehetha, kuli konkomeka na kujajalela. ¹³ Liyandela umona mukuavo, keho hecheleni na vakueni, nga umo alinyengula kuli mukuavo ha, muechele mungila ijevene yo michelele yeni muene. ¹⁴ Helu lia viuma vioshe evi kuliyongo. chikecho lizhitiko lia kuzhingana ¹⁵ Eceleni chivovo ca Kilisitu citumine mu vimbunge vieni. Muchivovo olo mukemuo muva mithanene mumuvila umo lika na kukandelela. ¹⁶ Echeleni lijui lia Kilisitu lilane muli yeni li longetheni na kulitua menena umo namu kuavo na mangana oshe, kuimbo visamo na miaso na miaso ya mu Spilitu muku shangala Kalunga muvi mbunge vieni. ¹⁷ Keho uoshe vimu kupanga mulijui nambe muvilinga, pangeleni viote mulizhina lia Yesu muene. Haneni kushangala kuli ixe Kalunga kuhilila muli ikeye. ¹⁸ Eni vakenyu omo honi kuvamala veni ngue kupuitha mumo viene muli muene. ¹⁹ Vamala yongoleni vakentu veni keti muxaxa na kuva pangetha. ²⁰ Vanike thingimikeni vakuluntu voshe, omuo ovio muene via muvuahela. ²¹ VaTata, keci muxangu mune vanaveni linga vakevo eci vaka hone kuthingimika. ²² Vindungo thingimikeni vumiene viene mukutua kuvantu muviuma vioshe, koci kupanga na mesho muvipanga, ngue vivuahe kuvantu vunohoni na mbunga ya vucili. Uvuileni muene liova. ²³ Nkala vumupanga pangeni viakutunda kumbunge ngue kuli muene keci ngue na via kuvantu. ²⁴ Eni munezhiva ngueni muka tambula fueto ya kutunda kuli muene ya kuhinga ikeye Kilisitu muene ouo mupangela. ²⁵ Muomu uoshe umo kalinga viaku vuha akatambula mulonga uje ua kukujeneka kuvuaha viye via pamgele, kukukana kahangula.