¹ Njikuxika kumexo a Kalunga na Kilistu Yesu, uje a kathompela vaka muono na vakakuthsa, nomo muakeja na vumuene vuendi mu kuxuana: ² Ambulula lijui, livuahethele lumo nambe kuli nthimbu ya chili nambe kuyethiko. Payetha, handekela, mamuna, na lukakatela luoxe na kulongetha. ³ Omo nthimbu ikeja omo vantu kuva katolilila kukulongetha kua vuchili. Mukemuo vaka lilundikila valongithi vavengi vaka valongethe kutuala ngue kumxungu avo vavenya, omuo vaka kala na matui avo akujua vaka tolilila vije viva kalongetha. ⁴ Vaka tunditha mana avo kukutolilila via vuchili, na kuna kulenguilila mana avo kuvithimo. ⁵ Vunoni ove, kala namana achili mu viuma vioxe. Yanda muakama; panga vipanga via muka kuambulula mudthimbu uachili, puithamo mutamba ua vipanga viove. ⁶ Ngeci muange vana njikombelela laja. Na ntsimbu yange yatunda mumuono ua hano hanthi inahete. ⁷ Njinalu nthita ya cili, njinamanetha seteko yange, njinanyungu kuthselela kuange. ⁸ Chimpalala cha vuchili vana njitulikilacho, chije muene, nga njiuavuchili , akanjihana ha litangua lije, na keti kuli yange lika, vunoni kuli voxe vaje lalo vana leme kuija kuendi. ⁹ Panga coxe uije kuli yange vuathi vuathi. ¹⁰ Mukonda Ndamasi na njithi. Omuo na leme viuma via hano hanthi naiku Tesalonika. Kalesente nai ku Ngalata, na Tito nai ku Ndalamatia. Luka lika ali nange. Hitula Mako uije nendi mukonda ue kunjikuatetha muvipanga. Vunoni Tikiku njina mutumu ku Efeso. Kapote kaje konjathile ku Toloase kuli Kalupu, amba omo uija kuno, na mavulu, muakama vene mavulu aje a makuvu. ¹¹ Luka lika ali nange. Hitula Mako uije nendi kuno mukonda uekunjikuatha muvipanga. ¹² Vunoni Tikiku njina mutumu ku Efeso. ¹³ Kapote kaje konjithile ku Toloase kuli Kalupu, amba omo uija kuno, na mavulu, muakama vene mavulu aje a makuvu. ¹⁴ Alesanda uje muka kufula vunenengu napanga viuma via kuviha viavingi kuli ange. Muene aka muhana fueto yendi kutuala ngue kuvipanga viendi vianapanga. ¹⁵ Nove lalo unapande kulinyunga kuli ikeye, mukonda ikeye ua uithile muakama majui etu. ¹⁶ Hakuliamena kuange kua kulivanga, naumo uahi uemanene mumo nange. Vunoni voxe vanjiteuele. Vunoni keti vavatandele ngue mulonga. ¹⁷ Vunoni ,uene ua kele hamo nange nanjikuatha linga, muli yange, mudthimbu uachili upue ua mutuntu muku uambulula, na voxe vaka vifuti vaka uvue. Nange lalo vanji putuithile mukanua ka Ndumba. ¹⁸ Muene akanjohiela ku vipanga vioxe via via kuviha na kunjinyunga muvumuene vuendi vua muilu. Kuli ikeye kukale vumpau ku miaka na miaka kuyekuhua. Amen. ¹⁹ Hinduithi nduitheniho Pilisila, Akuila, na ku njivo ya Onesifolu. ²⁰ Elasitu ua thalele ku Kolintu, vunoni Tolofimu nja muthile ku Miletu te avavala. ²¹ Panga choxe uije kuno nthimbu chithika nolokanda cihete. Eumbulu na kuhinduitha, na Pundeni lalo, na Linu, na Kalandia, na vamunanana voxe. ²² Muene akale hamo na vithithimbe vieni. Kutetela kua muene kukale neni voxe.