¹ Dthivuka nguove, kumatangua aku kotokela kukakala vinthimbu via vikalu. ² Omo vantu vakapua vaka kulilema avo vavena, vaka kulema vimbongo, vaka kulixangaletha, vaka kuli jundula vakevo vavenya,vaka kava kuxaula, vaka kujeneka kuononoka kuvithemi viavo, vaka kujeneka kuxangala, vaka kujeneka kujela, ³ vakapua vaka vukenya, vaka kujeneka kutetela vakuavo, vaka vukaleho vua makuli, kuve kulitakametha avo vavenya, vaka luodthi, vaka kudthinda viachili. ⁴ Vakapua vaka vungungu, vaka vuhuka, vaka kulihametha, vaka kulema muakama senga ya hano hanthi kutuvakana kulema Kalunga. ⁵ Vakakatela cifua ca kulemetha Kalunga, Vunoni vaviana ndthili yacho. Xondoloka ku vantu vachifua ngechije. ⁶ Omuo vamo vavo vantu vekuya nakukovela muvinjivo nakukuata vakentu vakuheva. Vakentu ava vana lemuua na vupi vuje vuvatuamena mukulinga chifua ca nkala maxungu. ⁷ Vakentu vaje vekulilongetha nthimbu yoxe, vunoni kuvatha kuheta ha mangana akuithiva vucili. ⁸ Ngue muje va Yane na Yambele mu vemanene mukuthsiha Mosesa, nga cije valongithi vamakuli vanemana mukuluitha vichili. Vakevo vantu vaje vana viha muvithinganyeka, vanahono kuthselela vanapu vaka makuli. ⁹ Vunoni vakevo kuvatha kuxuenethako kulutue.Omuo vuheve vuavo vuka xololoka kuli vantu voxe, ngue muavua xolokele vua vantu vaje. ¹⁰ Vunoni ngue yove, uakavele kulongetha kuange, kutuamenena kuange, chidthango cange, kutthselela kuange, kuyanda kuange kualaha, cilemo, kuthimpa, ¹¹ na mapaketho ange, na tuyando tuange, na vioxe vije via lingiuile kuli yange ku Antioka, ku Ikoniu naku Lisitala. Ange njathimpile mutuyando tuange tuoxe. Muvioxe evi, muene ua njohielele. ¹² Voxe vayongola kuyolela mukulemetha Kalunga vakamona mapaketho. ¹³ Vunoni vantu vaka vupi na vaka mathino vakatunda mukuviha vakaya mu kuvihilila, vaka kuitha kuitha vakuavo na kulikuitha avo vavenya. ¹⁴ Vuno,ni ove, Kalamo muviuma vije viua lilongethele na kuimana ngo mukuthselela. Unethziva kuli veya ua lilongethelevio. ¹⁵ Tunde kuvunike vuove unethziva vithona via kujela. Vije viatha kukuhana mana ku kuovoka kuamu kuthselela muli Kilistu Yesu. ¹⁶ Vithoneka vioxe via na huimine Kalunga na muku uendi. Vixilivila kulongetha, kuhandekela, kuxungametha, na kulongetha muvuxunga. ¹⁷ Linga muntu ua kalunga apue ua mutuntu, ua kuli vuahethela ku nkala vipanga viachili.