¹ Makura jesusa, ghuye ghana yura mpepo mupongoki, ghakavyuka kutundilira kumukuro wa jorodani ntani mpepo ghayi mupititiri yimutware mumburundu, ² omo ghaka mu shetekire shitodi ghure wamayuva dimurongo nee.Ghuye kundereko ovi gha kalire mumayuva gho,ntani kughuhura waruvede runya ghuye kwayuvire ndjara. ³ Shitodi gha ghamba kwendi ''Nange ashi ove mona karunga,Pangera liwe lino lishitunuke mboroto''. ⁴ Jesusa ghamulimburura ,''Kwavitjanga,''muntu kapi gha parukanga mboroto pantjayo. ⁵ Makura shitodi gha pititiri Jesusa kuwiru nakukamunegheda maghuntungi gha udjuni naghuntje paruvede ndoro. ⁶ Shitodi gha ghamba kwendi,''Ame kunitapa kukoye ghunankondo naghuntje ghuno namaghuyerere ghawo,mbyovi ashi vavimpa po kare, mo ngoli shi ame kuvura kuvi papo kwa kehe ghuno nashana. ⁷ Makura ngoli, nange ghukakunyongamena nakuntongamena,kuvi kara po vyoye.'' ⁸ Ngoli Jesusa ghamulimburura mukughamba kwendi ''kwavitjanga, ''Ngaghutongamena Hompa Karunga ghoye, nakumukarera pantjendi. ⁹ Makura shitodi gha pititiri Jesusa ghamutware ku Jerusalema nakukamu yimika kundaka-ndaka yalitungo lyantembeli, nakughamba kwendi,''''Nange shi ove mona Karunga, kuvukumine naghumoye pa livu kutunda kuno. ¹⁰ Vyavyo kwavitjanga, 'Ghuye ngaka tapa mpangera kuva Engeli vendi kuhamena ove, mukukukunga; ¹¹ ntani ngava kushimbira mumaghoko ghavo mpo ashi ngaghupire kupundura mpadi yoye mu liwe.'' ¹² Mukumu limburura,Jesusa gha ghamba,''kwavitanta, 'Nakupaka shi Hompa Karunga ghoye mulisheteko.'' ¹³ Opo gha manine shitodi kushetayika Jesusa, ghakayenda nakumushuva tanko dogoro ruvede rwakukwama ko. ¹⁴ Makura Jesusa gha vyuka ku galireya munkondo da mpepo, ntani mbudi kuhamena kwendi kwakuhaninine mwayendo kukundurukida ruha shirongo nashintje. ¹⁵ Makura ghatameke kushonga mu sinagoge davo ntani ntani navantje kwamutangaghukire. ¹⁶ Ghaya mu Nazareti,omo ghakulira, ntani, mooomu tupu yakalire mpo yendi, gha ngene musinagoge muliyuva lya sabata makura ghashapuka gha varure kudameka. ¹⁷ mbapira shindumuko yamuporofete Isaya ghava yimu tambeke.Ghashindumuna mbapira shindumuno nakuwana opo va tjanga, ¹⁸ ''Mpepo ya Hompa papwande yina kara, morwa mbyovi ashi ghuye gha ngwaveka muku yivita mbudi yayiwa kuva hepwe, ghuye kwantuma mukuyatwenya limanguruko kunkwatinalimahuro vatwiku, muku mangurura vanya vana karo mulihepeko, ¹⁹ muku twenya mwaka waghuwa waHompa.'' ²⁰ Makura ghapeteke mbapirashindumuko, ghayivyutako kumukareli, makura ghashungiri, Mantjo naghantje ghakaliro mu sinagoge a gha mu nwike. ²¹ Ghatameke kuvaghambita,''Namuntji litjangwa lino kuna tikilirimo ghanwe kuna kuviyuva.'' ²² kehe ghuno munya gha ghamba vya viwa kuhamena kwendi ntani vavo kwa tetukire kunkango dinya daghufenkenda datundiro mukanwa kendi, makura ghavapura, ''Kapishi ndje mona Josefa ghuno ndi?'' ²³ Ava tantere, ''Ghushili ngamughamba kukwavo, 'Ndokotoro, kuverure naghumoye. Ovyo twayuva waruwana muCapernaum, ruwana nka vyakukufana mulivhu lyanaumoye''' ²⁴ ngoli ava tantere, ''kudereko muporofete vatambura muvharwera yanaghumwendi. ²⁵ Ngoli mughushili nakumutantera ashi vafita Vya vayingi mu Israel mushirugho sha Elijah, opo liwiru ali ghalire mumwaka ntatu na makwedi hamboghumwe ntani rukukuktu kwakalire mushirongo. ²⁶ Ngoli Elijah kapi vamutumine nampili kwaghumwe ndjeghu, ngoli kwa Zarephath tupu mu Sidon, kumufita Vya akatungiro munya. ²⁷ Vavirema vayingi vakalire mu Israel muruvede rwa Elisha muPorofete, ngoli naghumweshi ndjeghu vaverulire kughupako Naaman wa muSiria.'' ²⁸ Vantu navantje muSinagoge kwavayudire namukumo opo vayuvire nkango odo. ²⁹ Ava shapuka, vamutininike atundemo mudoropa, nakumutjidira kundundu oko vadikilire doropa yavo, mpo vamutjidire mo mumudoropa. ³⁰ Ngoli ghuye apiti pakatji kavo akayenda kulivega lyapeke. ³¹ Makura mpo ayendire ku Capernaum, mudoropa ya muGalilee, na kukavaronga muliyuva lya Sabata. ³² Marongo ghendi ghavatetukitire, morwa shi kaghambanga naghunankondo. ³³ Shirogho ntjosho muSinagoge mwakalire murume ghumwe ogho akaliro na mpepo dadidona, makura ayiyiri naliywi lyakudameka, ³⁴ Ah! Vainke ovyo tuvhura kuruwana nove, Jesus wa muNazareti? Ghunaya ghuya tudjonaure ndi? Ame nayiva ashi are ve-Wakupongoka wa Karunga!'' ³⁵ Jesus ayishwenene mpepo yayidona, nakughamba, ''Washa ghamba! Tundamo mumwendi!'' Mpepo yayidona opo yamudandilire murume ghunya mukatjika kavo, mpo ya tundiremo, ntani kapi ya muhepikire nka mukehe runo ruha. ³⁶ Vantu navantje vya vatetukitire, ava kutantere tantereko. Ava ghamba ''Nkango munke dino? Ghuye kupangera mpepo dadidona na naghunankondo makura dado kutundamo.'' ³⁷ Makura mbudi yakughamena kukwendi ayi kughanene muruha mukunda naghuntje. ³⁸ Makura Jesus mpo atundiremo muSinagoge na kukangena mundjugho ya Simoni. Vangumweyi va Simoni kwavelire lishakima, makura ava mutantere Jesus ava verure. ³⁹ Ghuye ayayimana pepi navo nakuli tjidamo lishakima, makura alitundumo. Mpopo tupu ashapuka kumwe nakuvashamberera. ⁴⁰ Opo lyakatokire liyuva, vantu ayayita kwa Jesus kehe ghuno aveliro kughuvera wakukushuva-shuva. Ava kambeke maghoko kumwe nakuvaverura. ⁴¹ Mpepo dadidona datundiremo mwava vavayingi, kumwe nakuyiyira ashi, ''Ove mona Karunga!'' Jesus adishwenene mpepo dadidona mukudidira kudipulitira dighamba, mukondashi dayivire ashi ghuye Kristus. ⁴² Opo shatikire shirugho shakupwiyumuka, mpo ayendi mu livega shipore-pore. Mbunga ya vantu kwamushanine makura avaya kulivega oku akalire. Vashetikilireko mukumurenka ashi ndi kapishi ayende ghure navo. ⁴³ Ngoli aghamba kukwavo,'' Nakona kuyuvita mbudi yaruhafo ya Untungi waKarunga nakudoropa dimwe, mukondashi oyino ndjo konda vantumina pano.'' ⁴⁴ Makura atwikiri kuyuvita muSinagoge muruha naruntje rwa Judea.