¹ Insita yimwi Yesu winjile umuchalo chakwe tiligu apa wanda wa mulungu. Alondezi yakwe yali ninzala ayatalika apakupungunyula imphumba nukutalika apakulya. ² Kweni lino Afalisi yalola vikwene, yavwanzile kuli Yesu, '' Walola vino ayalondezi yako yakuwomba vino vitakuzumilizwa apa mulungu.'' ³ Kweni Yesu wawaswike ati, ''Wuzge mutawazga vino Davide wawonvile pano wali ninzala, ponga na yanthu yano wali nawo? ⁴ Winjile umung'anda yakwe Leza nukulya ichakulya apa manso yakwe, chino chitali ichakuzumilizwa kuli weliwe apakulya nakupya chitali ichakuzumulizwa kuli woliwo yano wali nawo, kweni ichakuzumilizwa kuli yasimapepo wonga sile . ⁵ Wuzge mutawazga umwisunde lino likuti apa mulungu ya simapepo yononyile apamulungu kweni yatali numulandu? ⁶ Kweni nkhuwanena kuno wenga sile umukalamba ukulusyaitempheli alipano. ⁷ Nanthi mwali mumanyile chino chikusula , 'nemo nali nkulonda uluse nsikulonda ivyakuyipa , ' kwene mutavwanzile nachimwi ichakususya yano yatali numulandu. ⁸ Pakuti umwana uwa munthu awino imfumu iya pa mulungu '' ⁹ Alino Yesu wizile afuma palya nukuya mung'anda yamapepo. ¹⁰ Kulyakwene , kwali umunthu wumwi wino wali umulemale ikasa . Afalisisayi yamukolowozizge Yesu ayati, '' Wuzge isunde apakupozga apa Mulungu?'' amuno yalondanga yamuzane numulandukuno uwaluyembu. ¹¹ Yesu watili kuli woliwo , '' Umunthuchi wino anagayapo muli mwemwe, wino nanthi ali nimbelele yonga sile , apano nanthi imbelele yaponela umuwina apa mulungau , wino atanga ayinjile mwenemo nukuyifumya ? ¹² Apano chingaya wuli , ukulusya umunyhu ni mbelele ! Alino isunde apakuwomba ichisuma apa mulungu.'' ¹³ Apano Yesu watile ukumunthu , ''wololosya ikasa lyako.'' Wololosizge ikasa, apanolizile lyawelela umumalo mwakwe , nukuyana muno lyayelile ikasa lyuze. ¹⁴ Apano afalisi yafumile apanzi nukupangana iviyipe kuli weliwe. Yene yalondanga muno yangamukomela . ¹⁵ Kwene Yesu wizile wamanya , wafumile penepo apamasyo palyakwene. Iwuvi lya yanthu lyamukonsile , apano wizile wayapozya ayanthu wonsi . ¹⁶ Wizile ayasundayizga kuno yatawumbula ukuwanthu yawuze, ¹⁷ apano vikwanilisye , vino vyavwanzilwe muli Yesaya kasesema , wino wavwanzile ati , ¹⁸ ''' Lolini, umuwonvi wane wino namusola uwakukundwa, muliweliwe umunzo wane wukusechela . Indayika umupasi wane paliweliwe, apano aliza avwange ichisinkha uku yanthu aya mitundu . ¹⁹ Ataliza alwisye pamwi nukupunda umwakukwezga ; swinya nanthi wenga wino liza awuvwe amazwi yakwe umumisewu. ²⁰ Swinya ataliza akonyole nitete ilisyetame; atalazimya ichikonko cha chunsi, nkukwanilisya pano wayika ichisinkha inkolelo nukuchinvya, ²¹ nga namwizina lyakwe ayamitundu yaliya nulusuwilo.'' ²² Apano umunthu wumwi inthonkho na chinthavwanga , wino wali numupasi uwuyipe yizile nawe kuli Yesu . Apano Yesu wamupozizge , apano watalike ukuvwanga napakulola . ²³ Iwumba lya yanthu lyazungwike , '' kuno umunthu wikwene atangaye umwana wakwe Davide?'' ²⁵ Kwene Ayafalisaye pakuvwa ichizungusyo chikwene chi ayavwanga yati, '' Atakufumya imipasi iyipe foo kwene a Belezabule , mwene uwamipasi imiyipe. ²⁴ ''Kwene Yesu wamanyile amelenganyo yawo avwanga kuliwoliwo, '' umwene wonsi wuno wusiponga alikuti wulekine , nu muzi wonsi pamwi ing'anda yino yilekine yitalimilila. ²⁶ Ndi satana akamuzinga satana muze, akuli kuti yasi ponga. Apano uwumwene wakwe ungimilila? ²⁷ Ndi nkuzinga imipansi imiyipe namaka yakwe Belezabule, nga pano ayananinu nawo yakuyizinga wuzye ukupitila muli weni? apamfundo yikweneyi alikuti yalaya apinguzi yakwe mwemwe. ²⁸ Ndi nkuzinga imipansi iyiyipe na maka aya mupasi wakwe Leza, akuli kuti uwumwene wakwe Leza wiza apali mwmemwe. ²⁹ Wuzye aweni wino anginjila umung'anda iya muntu uwamaka nukwiya ivinthu vyakwe pano atani amunyepe umwenecho wang'anda wino ali namaka? Apano ayiye ivinthu vino vili umung'anda yakwe. ³⁰ Umunthu wensi wino asiponga na nene akulwishanya na nene, na wensi wino asiponga na nene awino akavulunganya. ³¹ Ali chino nkhuwanena ukuti, uluyembu lonsi ninthuko antu yalelelwa kweni wino angatuka umupansi kusi ukwelelwa foo. ³² Wensi wino angavwanga amazwi ayipe ukumwana wa munthu, aliza ayelelwe. Kweni wensi wino angavwanga uwuyi kuli mupasi uwutiswe, atalelelwa foo, nukutalika mukwene umunsinukufika ninkholelo. ³³ Mpange umuti uwusuma nivikomwa vyakwe ivisuma, ntazi ndimukupanga umuti uwuyipe nivikomwa vyakwe iviyipe, amuno umuti wonsi wukamanyikwa nivikomwa vyakwe. ³⁴ Mwe luko nzoka, mwe yayipe mungamanya wuliwuli pakuvwanga ivisuma? muno vino vizuzile umumwenzo umulomo wukavwanga. ³⁵ Umunthu umusuma ukufuma mu wusuma uwa vinthu ivya mumwenzo avino akavwanga vino ivisuma, swinye uwuyipe uwa munthu ukufuma ukufuma ukuviyipe ivya mumwenzo avino akavwanga vino iviyipe. ³⁶ Achino nkuwanena inkati uwanda wakupingula antu yalavwanga amazwi wonsi yano yawikazizye nukuntawavwanga. ³⁷ Ulapingula ukuyana namazwi yako wonsi ukuti we musuma nsita zimwi usundwe. ³⁸ Amanyi ya musunde na falisayi ayamwasuka Yesu ayati, ''Kasambilizya, tukulonda ukuti utulanjizye ichilolesyo chimwi ukufuma kuli wewe.'' ³⁹ Yesu wayaswikwe woliwo ati, ''Mwe nkulo injipe swinya mwe yazelele ichani chino mukulonda ichilolesyo chimwi. Nachimwi ichilolesyo chino chimapelwa kweni ichilolesyo chakwe Yona kasesema. ⁴⁰ Ngati vino Yona wikazile amanda aya musanya na manda yatatu aya wusiku umundilwa iya nswi inkhalamba avino chilaya nu mwana wa munthu alikala amanda yatatu aya musanya na manda yatatu aya usiku umwivu umukasi umunsi ya pansi. ⁴¹ Anthu aya ku Ninevi alimilila apa wanda wakupingulwa ponga na yanthu aya nkulile yikweneyi yalasundwa, Apakuti yalafile apa kukosola kwakwe yona, lolini umukalamba ukulusya Yona ali pakwenepa. ⁴² Imfumu iyachanachi ukufuma kasika yilaloleka apa ku pingulwaponga na yanthu aya nkulile yikweneyi nukuyasusya. Imfumu iyachanachi yafumile umumbali zyonsi inzyansi nukuvwichisya ivya mano vyakwe Solomoni, achino lolechisyini wumwi umukalamba ukulusya Solomoni ali pa kwene. ⁴³ Pano umupansi uwuyipe wafuma mwenemo umumuntu, wapisile umumasyo yano yuma nukulondola amasyo ayakupuza, wutayazanyile. ⁴⁴ Apano wavwanzile, 'nimawelela ukung'anda yane kuno nafumile. Lyo wawelela, wazanyile ing'anda iyipyele nkani nukuyika vyonsi umumasyo ningoningo ⁴⁵ Apano wapisile nukuyasenda ayawuze ayasano na yayili imipansi iyiyipe ukulusya weliwe, apano yizile yonsi nukuzayikala mulyakwene. Apano imiyele ya muntu wilya yali iyiyipe kulusya apantandiko. Avino chilaya ichilichimwi ni nkulile yikweneyi.'' ⁴⁶ Lino Yesu achili akuvwanga ukwi wuvi , apano, nyina na yatatalezi yakwe yimilile apanzi, yalondanga kuno yavwange na weliwe. ⁴⁷ Apano umuntu wavwanzile kuli weliwe, ''Kuno tuvwe, mayo wako na ya tataleza yako yimilile apanzi, yakulonda kuno yangavwanga na wewe.'' ⁴⁸ Kweni Yesu waswike ati kuli wino wamunenyile, 'Mayo wane aweni na ya tatalezi yane ayaweni?'' ⁴⁹ Apano ansonta ikasa lyakwe kuyalondezi yakwe nukuvwanga, '''Lolini kuno , yakwene ayana amayo na ya tatalezi yakweneya; ⁵⁰ Pakuti wensi kwenewino akuwomba muno tata wane uwakwiyulu akulondela, umuntu wiyokwene ali tatalezi na nkazi nakupya ali mayo wane''