¹ Pizile paya pano Yesu wamazile ukuwasunda ayalondezi yakwe ikumi nayayili, wizile wafuma penepo ukuyasambiligza nukukosola kumisumba . ² Apano Yohani wizile wuvwa lino ali muminyololo ivyakuchita vyakwe Yesu, wizile watuma izwi nayalondezi yakwe ³ nukuti kuli woliwo, ''Amwemwe mweyano mumayiza , pamwi tulole muze?'' ⁴ Yesu wawaswike nukuti kuli woliwo,'' Yanji kamuwuzgini Yohani vino mukuvwa nukulola . ⁵ Yanthonkho yakulola , ayalemale yakupita, ayachizilisi yakupola , yakutwi yakuvwa nupya , ayafwe yakukatuswa ukuya nuwumi, izwi lyakwe leza likukosolwa kuyapina . ⁶ Uwalongo awino asisulwa na nene. ⁷ Lino ayanthu ya yaya kunzila yawo, Yesu watalike ukuvwanga kwiwumba vyakwe Yohani, Wayile mulu...... pakulola chani- itete likutenswa nimphepo? ⁸ Kweni wayile pakulola chani - umunthu azwazile amalaya iyipepuke ? Umolimo, yano yakazwala amalaya amapepuke yakayikala umung'anda yakwe Mwene. ⁹ Kweni mwayile pakulola chani--kasesema? ichumi, nkhukunena, swinya umukalamba ukuchila kasesema. ¹⁰ Wii ali wino chawalichilwe, 'Lolini, nkhutuma umutumwa wane pamanso yako, wino alipekanya inzila yako pano wemo utani.' ¹¹ nkhukunena ichumi, wonsi yano yapapwa mumwanachi pasi umukalamba ukuchila Yohani kawatizya. Kweni wino umunono mu wumwene wa kwiyulu ali mukalamba ukuchila vino ali. ¹² Ukufuma mumanda yakwe Yohani kawatizya mphaka nanomba, uwumwene wamwiyulu waya pa wulwi, nupya ayanthu yano yali ni chikanga yakawusenda pa maka. ¹³ Pakuti yakasesema wonsi ni sunde yasesemanga mphaka pali Yohani; ¹⁴ Ndi mungalonda ukuchizumilizya, a Eliya wino wali nu kwiza. ¹⁵ Wino ali na makutwi ukuti awuvwe, mulekini awuvwe. ¹⁶ Ningayikolanya na chani inkhulo yii? Yili ngati ayana yakwizya pa chisankhano, yana yakayikala nu kupundana pundana ¹⁷ nukuti, 'Twawalizizizye ichimphyoti, kweni mutachinyile. Twalizile, kweni mutalanjizizye uwila.' ¹⁸ Pakuti Yohani atizile pakulya nanthi pakung'wa, kweni yatili, 'ali nimipasi iyiyipe.' ¹⁹ Umwana wa munthu wizile pa kulya nu kung'wa nupya yatili, 'Lolini umulyoke nupya chakolwa, chiwuza wakwe yakasontchesya ya misonkho na yayembu!' Kweni amano yakulanjizya imilimo yakwe yawumolimo.'' ²⁰ Apano Yesu watalike ukuwanena ayamumisumba muno wawonvilemo intchito zgakwe, umulandu yatalafile . '' ²¹ umukosi kuli mwemwe, Chorazini! Umukosi kuli mwemwe, Betisayida! Nanthi umulimo wuno wawombelwanga mu Tyre namu Sidon wuno wawombilwe kuli mwemwe, nge yalafile insita yilya kwene muvizwalo vyawo ivya masaka na mwitoyi. ²² Kweni chiliyako ichisuma kuli Tyre na Sidon pa wanda wawulonzi ukulusya mwemwe. ²³ Mwe Ya Capernaum, mukwelenganya ukuti mungatumphulwa ukuya kupela ? Awe, muliswa pansi paka ku Hdes. Muno nanthi mu Sodom mwachitikwe umulimo uwusuma wuno wachitikwe kuli mwemwe, nge vwikala mphaka ilelo. ²⁴ Kweni nkhuti kuli mwemwe chitaliya ichitamye kunsi ya Sodom mumanda yawulonzi ukulsya mwemwe.'' ²⁵ Pansita yilya kwene Yesu watili , '' Nkhuwalumba sana mwemwe, Tata wakupela , Mwene wakupela na pansi , umulandu mwafisile ivinthu vino kuyamanano nayakuvwichisya , nga mwavivwanzile kuyana ayanono . ²⁶ Umolimo , Tata, muno chino chawasechelesizge mwemwe mukulola kwinu . ²⁷ Ivinthu vyonsi vipeliwe kuli nene ukufuma kuliTata; nga patali nawumwi wino wamanya umwana ukulusya Tata , nga pataya nawumwi wino wamanya Tata ukulusya Umwana nga nakuli wensi wino umwana walonda ukuti amumanye . ²⁸ Zanji kuli nene , mweyanthu mukuchula nukutwika ivinyome , nga ndiwapa ukupuza . ²⁹ Sendini katundu wane nga musambilile kuli nene , muno ne mutonthe umwenzo, nga mulizana ukupuza kwa myezyo yinu. ³⁰ Muno katundu wane sumutamye nga umupepuke.''