1
Kombunda jo vina mbi mba tara, nu tara, o mujero mbua jezuruka Kejuru. Nu eraka etenga ndi mba zuva rari tjimuna o hiva amai hungire kuena ami, ama ri tja, ''Ronda uje nguno, nu Meje ku ku raisira o vina mbi ma vije ku tjitua kombunda jo vina mbi.''
2
Nu mo hakahana ami mba kara mo Mbepo, Nu tara o tjihavero tjo uhona tja zikirue Mejuru, nu Umue ua haamene kombanda ja tjo.
3
Nu Ingui ngua haamene mbo ija munika tjimuna o maue o mahuze uo jaspera no carnariana. Nu pari ne vara ro uta uo mbura oku kondoroka o tjihavero tjo uhona. Evara routa uo mbura rari ra sana mo mbunikiro tjimuna eue ro emeralda.
4
Nu o tjihavero tjo uhona tja kovererue ijo vihavero vio uhona o mirongo vivari na vine, nu kombanda jo vihavero vio uhona mbi mba muna o vanene o mirongo vivari na vene ava haama, mba zarere o zombanda o zombapa, nu vari no vikrone vio ngoldo ko viuru viao.
5
Nu oku za mo tjihavero tjo uhona mua pitire o tutjeno no matutumino no maraka. Nu o marambe hambombari uo muriro ija je jaka po murungu uo tjihavero tjo uhona, omarambe ngeri inda o zombepo hambombari za Mukuru.
6
Nu po murungu uo tjihavero tjo uhona pari o muronga ue kende, mbua sanene keue e kenakene. Nu mokati ko tjihavero tjo uhona nomo ngondoroka jatjo, pari o vinamuinjo vine, mbie urire o meho kombunda nako murungu.
7
Nu o tjinamuinjo o tjitenga tjari tjimuna o ngejama, nu o tjinamuinjo o tjitjavari tjari tjimuna o ndana, nu o tjinamuinjo o tjitjatatu tjari no murungu uo mundu, nu o tjinamuinjo o tjitjaine tjari tjimuna o rukoze ndu maru tenge.
8
Nu atjihe tjo vinamuinjo mbi po une uavio tjari no vivava hamboumue oku tji kondoroka, nu mbie urire o meho moukoto no pendje. Nu o mutenja no utuku kavi kuramisa, okutja, “Mujapuke, mujapuke, mujapuke, Muhona Mukuru o munamasaehe, Ngua ri, Ngu ri, nu ngu meja.”
9
Nu o ruveze aruhe o vinamuinjo tji mavi jandja o ujere, no ndjozikiro, no ndangi ku Ingui ngua havera ko tjihavero tjo uhona, Ngu no muinjo aruhe nga ko ngaaruhe,
10
O vanene imba o mirongo vivari na vane ve uira po murungu ua Ingui ngua havera ko tjihavero tjo uhona nu ave rikotamene ku Ingui nguna o muinjo aruhe nga ko ngaaruhe.Nu ave umbu o vikrone viao po murungu uo tjihavero tjo uhona, ama ve tja,
11
Arikana Muhona, Ove ua puirua ijoku jakura o ujere, no ndjozikiro no masa, orondu Ove ua mema o vina avihe, nu mo mbango Joje ovio via utua navi kara ko.''