1
Ombutiro jombuze oumbua ja Jesu Kristu, Omuna ua Mukuru;
2
Otja tji patjangua momuprofete Jesaja, Tara, me hindi omuhindua uandje komurungu uoje, ngu ma tunu ondjira joje komurungu uoje.
3
Eraka ra umue ngu ma ravaere mokuti ongaango tuneje ondjira ja Muhona, teremaniseje omirari vie.
4
Johanesa ue ere mokuti ongaango, ama zuvarisa ombatisimo jo meriverero nondanaukiro jomutima kondjesiro jomauvi.
5
Nu ovandu avehe vokuti kua Judea, na imba ova Jerusalem ve ja kuje. Nave papitisiua ije mondondu ja Jordan ama ve hongonona omauvi uao.
6
Nu Johanesa ua huikikire ombanda jomainja uozongamero, ne kuamo romukova motjikondambunda; nu ijari ozombahu novihira viokuti.
7
Nu eje ua zuvarisira, amatja, Pena umue omunamasa pu ami ngu meja kombunda jandje, ngumbi hina ku jenena nangarire ingui okurikota oku kutura ozondatua zo zongaku ze.
8
Ami mbe mu papitisa momeva: nu Eje meje ku mu papitisa nOmbepo Ondjapuke.
9
Nu pa kara nai momajuva ingo kutja Jesu uaza ko Nasareta tja Galilea, nu a ka papitisiua i Johanesa mo Jordan.
10
Nu tjimanga Jesu tja pita momeva, ua muna omajuru a ja paturuka, nu Ombepo a iri motjisano tjonguti ja raukira kombanda je.
11
Nu kuaza eraka kejuru ndatja, Oove Omuna uandje omusuverua, mu mbi joroka katjootjiri.
12
Nu tjimanga Ombepo je mu tuara mokuti ongaango.
13
Nu eje uakara ngo mokuti ongaango omajuva omirongo vine, a erorua i Saatana; nu uari muena ovipuka viokuti, nu ovaengeri ave ungurira je.
14
Nambano Johanesa tjaza noku tuua mondorongo, Jesu ueja ko Galilea ama hongo ombuze ombua jouhona ua Mukuru.
15
Amatja, Oruveze rua jenenisiua, nu ouhona ua Mukuru uri popezu: riverereje omauvi uenu kondanaukiro, nu kambureje mombuze ombua.
16
Nambano Eje ngunda ama kaenda posi jomuronga ua Galilea, Eje ua muna Simon, nomuangu ue Andrew ama ve umbu ozombate momuronga, ovo tjivari ovapate vomahundju.
17
Nu Jesu uatja kuvo, Indjeje, mundji kongorere nu Ami me mu ungura kutja murire ovapate vovandu.
18
Nu ovo tjimanga otjiva jesa ozombate zao nu ave mu kongorere.
19
Nu tja riama komurungu katiti okuzambo, ua muna James omuzandu ua Zebedias, na Johanesa omuangu ue, ovo uina averi moskepi ama ve tunu ozombate zao.
20
Nu Eje ue ve isana motjimanga, nu ovo ave jesa ihe jao Zebedias moskepi puena ovakutua, nu ave mukongorere.
21
Nu ovo vaja ko Kaperanauma, nu tjimanga imbo mesabata, a hiti mo sinangonge, nu a hongo.
22
Nu ovo va himisirue ijo kuhonga kue, orondu ije ve hongo otjo mundu aena ouvara, nu ka ahongo otjovatjange.
23
Nu muari nomurumendu mosinangonge jao nguari nombepo ohakohoke, nu eje ua aura,
24
Amatja, Hanika na ete, katuna tjina kuena ove Jesu ua Nasareta? Ove ueja okutu njona are? Me ku tjiua kutja oove une. Oove Omujajapuke ua Mukuru.
25
Nu Jesu ua kandaiza o ndemone, natja, ''Muina nu u pite muje!''
26
Nu indji Ombepo Ohakohoke tji jazu noku mu kunda pehi arire tjija piti muje no maravaerero omanene.
27
Nu avehe va himinue tjinene nu ave jaruka okupurasana kutja, ''Itji otjikuae? Omahongero inga omape eno ouvara! Orondu eje ma pangura ozombepo ozohakohoke nozo aze zuu kuje?''
28
Nu tjimanga ondangu Je ja handjauka pendje, mokuti akuhe ku kuri mongondoroka ja Galilea.
29
Nu tjiva za noku pita mosinangonge ovo vateremanena kondjiuo ja Simona na Andreas, puena Jakobusa na Johanesa.
30
Nunguari ina jo mukazendu ua Simona uari momara, a a haverua ijo tjindjumba, nu ovo tjimanga ave mu raere.
31
Nu Eje ueja, nu E mukambura keke, nu E mu sekamisa; nu otjindjumba tjimanga atji piti muje, nu eje a jaruka oku ve ungura.
32
Nu ongurova ejuva tjirazu noku hita, va jeta kuje avehe imba mbari nomitjise na imba huurirue ijo zondemone.
33
Otjihuro atjihe tja uongarerere pomuvero.
34
Nu eje ua verukisa ovengi mba verere omitjise pekepeke, nu a nakere pendje ozondemone, nu eje ka jandjererere ko ozondemone oku hungira orondu ozo ija ze mutjiua.
35
Nu Eje ua penduka rukuru, kunda a kua zorere , a piti nu ai koruveze nduku hari ovandu nu arire ka ka kumbira.
36
Nu Simona na imba mbari puena je ve mu paha.
37
Ovo tjive Mu vaza vatja nai kuje, ''ovandu avehe ma ve ku paha.''
38
Nu Eje uatja nai kuvo, ''Ngatu jende ko vihuro vio ngondoroka, kutja mbi ka zuvarise ingo uina. Orondu itji otji mbe era.''
39
Nu Eje ua rianga mu Ngarareja atjihe, ama zuvarisa mo zosinangonge zao nu ama nakere pendje ozondemone.
40
Nu pe ere ku Je omurumendu ngua verere omutjise orupere, ame rijarikana ku Je, a vete ozongoro mehi pomurungu Ue, ama tja, ''tjimo vanga mondji kohorora.''
41
Nu Jesu ua to tjari tjinene nae, nu a uonjonona okuuoko kue, emu tunu, nu atja, ''Ami me vanga, ove kohoka.''
42
Nu motjimanga omutjise orupere opu ua pitira muje nu eje a kohororua.
43
Nu Jesu ua hungira oukukutu kuenae nu tjimanga e muesa kutja a kaende;
44
Nu Eje ua tjere kuje, ''tjita kutja o haraere omundu otjina, nunguari tuende nu ukeri raise ko mupristeri, nu u kajandje otjijandjeua tji Mose tja pangurire, tji rire otjihongonone kuvo.''
45
45 Nunguari eje otja pita, nu a utu oku serekarera otjina tji tjinene, noku handjaura ombuze ndji nga kokure, pu pa tjita kutja Jesu aha uhara ama jenene oku hita motjihuro ama munika, nunguari a kare pendje mokuti ongaango. Nu kunda ovandu ovo ve ere kuje okuza komikuma avihe.