1
Kombunda jovina mbi Jesu ua konda omuronga ua Galilea, okutja, omuronga ua Tiberias,
2
Notjimbumba otjinene tjovandu tje Mu kongorerere, orondu ovo va muna ovihimise mbi ja tjiti movavere.
3
Nu Jesu Ua rondo kondundu n aka haama pehi puena ovahongeua Ve.
4
Nu Omarurumino, omukandi uOvajuuta uari popezu.
5
Nu Jesu tja jera omeho Ue, nu A munu otjimbumba otjinene tjija tjija ku Je, Eje Ua tja ku Filipus, Matu randa pi omboroto kutja imba verie?
6
Eje Ua tja nai okumurora, orondu ija tjiua hapo kutja Meje ku tjita vi.
7
Filipus ue Mu zira, Ozomboroto zovimariva omasere jevari kanaa I jenene kuvo, kutja auhe a toore okana okatiti uriri.
8
Andreas, umue uovahongeua Ve, omuangu ua Simon Petrus, ua tja nai ku Je,
9
Pena okazandona imba ku kena ozomboroto ndano zovigarasa, nomahundju jevari outiti, nunguari imbio ovikuae mouingi mbu tamba.
10
Nu Jesu Ua tja, Ve haamiseje pehi. Nu pari nehozu eningi pona mbo. Ovandu otji va haama pehi, mangara omajovi jetano kotjivarero.
11
Nu Jesu ua toora ozomboroto, nu tjaza nokutja okuhepa, Ueze hanene kovahongeua, novahongeua ku imba mba haamene pehi. Nu momuano otjingeuo inga omahundju, pokuvanga kuao.
12
Novo tji vaza nokukuta Eje Ua tja kovahongeua, Uongeje outekero mbua hupu, ape pandjara okana.
13
Novo opuve u uongera pamue nu ave urisa ovimbamba omurongo navivari noutekero uozomboroto ndano zovigarasa mbua hupa ku imba mba ria.
14
Kuzambo imba ovandu imbo tji va muna otjihimise itji Jesu tja ungura, vatja, Ingui tjiri Eje Omuprofete, ngu me ja mouje.
15
Nu Jesu tja tjiza kutja ovo vari poo ku Mu toora komasa, okumuungura ombara, Ua zapo rukuao nai kondundu peke.
16
Nongurova tji je ja, ovahongeua Ve va hita momuronga.
17
Novo va hitire mokaskepi, nave kondo omuronga ava hungama kOkapernaum. Kua zorerere hapo nu Jesu ngunda ae hi jeja kuvo.
18
Nomeja momuronga ja zunganene mena rotjivepo otjinamasa tji ja tji singi.
19
Novo tji vaza nokuhinga mangara va muna Jesu ama kaenda momuronga nu Ama riama posi joskaskepi, novo arire tji va tira tjinene.
20
Nunguari Eje Ua tja kuvo, Ouami, amu tira.
21
Novo ve Mu jakura mokaskepi, ama ve vanga. Nu tjimanga okaskepi ka kara kehi ku ja vei.
22
Nu mejuva ependukirua, ovandu imba mba kuramene hembandina tji va muna kutja kapari kaskepi karue okakuao pendje na inga ovahongeua va Jesu mu va rondere, nu tjiva muna kutja Jesu ka rondere mokaskepi puena ovahongeua ve, nokutja ovahongeua Ve va ire peke,
23
Nunguari ouskepi oukuao mbua zire kOtiberias, posi jopona imba pu va rira omboroto, Muhona tjaza nokujandja ondangi,
24
Novandu tjiva muna kutja Jesu kepo na imba ovahongeua Ve uina, ovo oveni va hita mouskepi na vei kOkapernaum, amave paha Jesu.
25
Novo tji ve Mu vaza hembandina jomuronga, va tja ku Je, Rabi, Ue ja rune nguno?
26
Jesu Ue ve zira Na tja kuvo, Tjiri, tjiri Me tja nai kuene, Kamuna ku Ndji pahera kutja mua muine ovihimise, nunguari oemna rokutja mua rire ozomboroto na mu kuta.
27
Amu ungurire ovikuria mbi mavi janda, nunguari imbi mbi mavi tuara komuinjo uaaruhe, imbi Omuna uOmundu mbi Me mu pe. Orondu Mukuru Ihe Ue Mu haka.
28
Novo otji va tja ku Je, Ngatu tjite vi kutja tu ungure oviungura via Mukuru?
29
Jesu Ua zira Na tja kuvo, Otjiungura tja Mukuru otjo tji, kutja mu itavere mu ingui ngua hinda.
30
Novo otji va tja ku Je, Nu Ove motu raisire otjisanekero tja tjike vari, kutja tu mune nu tu itavere Move? Mo ungura tjike?
31
Ootate va rire omana mokuti ongaango, otja tji pa tjangua, Eje U eve pere omboroto ndjaza mejuru okuria.
32
Jesu Ua tja kuvo, Tjiri, tjiri, Me tja nai kuene, Mose ke mu pere omboroto ndjo okuza Mejuru, nguari Tate Uandje mape ene omboroto ja katjiri okuza Mejuru.
33
Orondu omboroto ja Mukuru Eje ngui ngu mazu Mejuru na jandja omuinjo kouje.
34
Novo otji va tja nai ku Je, Tu pao omboroto indji aruhe.
35
Jesu Ua tja kuvo, Ouami omboroto jomuinjo. Auhe ngu me ja ku Ami kanaa tondjara, nauhe ngu ma itavere mu Ami, kanaa tonjota.
36
Nunguari Ami mba tja nai kuene, Kutja ne mue Ndji muna nu ka mu itaverere ko.
37
Avehe Tate mba andja mave ja ku Ami, nu ingui ngue ja ku Ami, hinee mu imbirahi ko.
38
Orondu Ami Hi herukire okuza Kejuru oku tjita ombango jandje, nunguari ombango ja ingui ngue Ndji hinda.
39
Nu indji ojo ombango ja ingui Ihe ngue Ndji hinda, kutja imbi avihe mbie Ndjipa E ha pandjarisa ko tjimue, nunguari Mbi tji pendure mejuva romaandero.
40
Nu indji ojo ombango ja ingui ngue Ndji hinda, kutja auhe ngua munu Omuna na itavere mu Je, tjaa a kare nomuinjo uaaruhe. Nu Ami Me mu pendura mejuva romaandero.
41
Novajuuta otji ve mu unaunina, orondu Ua tja, Ouami omboroto ndja heruka okuza Kejuru.
42
Novo va tja, Ingui ka Jesu, omuna ua Josef, uooihe na ina mbu tui are? Nambano Ingui onguae tji ma tja, Ami Mba heruka okuza Kejuru.
43
Jesu otja zira Na tja kuvo, Amu unauna mokati kenu oveni.
44
Kapena mundu ngu ja ku Ami, andu ingui Ihe ngue Ndji hinda Tje mu nanene ku Je. Nu Me mu pendura mejuva romaandero.
45
Pa tjangua movaprofete, Navehe mave hongua i Mukuru. Omundu auhe ngua zuu na hongua i ingui Ihe, otji me je ku Ami.
46
Kakutja pena omundu umue ngua muine ingui Ihe, pendje na ingui oua Mukuru, Eje Ua muna ingui Ihe.
47
Tjiri, tjiri, Me tja nai kuene, Ingui ngu ma itavere mu Ami, unomuinjo uaaruhe.
48
Ouami omboroto jomuinjo.
49
Ooiho va rire omana mokuti ongaango, nu va koka.
50
Indji ojo omboroto ndja heruka okuza Kejuru, omundu ndji ma jenene okuria ko na ha koka.
51
Ouami Omboroto Onamuinjo ndja heruka okuza Kejuru. Auhe ngu mari komboroto ndji ma kara nomuinjo ngaaruhe. Nu tjiri omboroto ndji Me jandja onjama Jandje.
52
Novajuuta va patasanene mokati kavo oveni nave tja, Omurumendu ingui Me tu pe vi onjama Je okuria?
53
Jesu Ua tja nai kuvo, Tjiri, tjiri Me tja nai kuene, Andu tji mua ri onjama jomuna uomundu, na munu ombindu Je kamuna muinjo muene.
54
Auhe ngua ri onjama jandje na nu ombindu Jandje, u nomuinjo uaaruhe, nu Me mu pendura mejuva romaandero.
55
Orondu onjama Jandje ovikuria katjiri, nmbindu Jandje omanuua katjiri.
56
Ingui ngua ri onjama Jandje na nu ombindu Jandje, ma kara mu Ami, nu Ami E kara mu je.
57
Notja ingui Ihe Omunanuinjo tje Ndji hinda, nu tji Mbi hupa mu ingui Ihe, ingui ngu ma ri Ami ma kara nomuinjo mu Ami uina.
58
Indji ojo omboroto ndja heruka okuza Kejuru, ka iri otja ooiho tji va ria omana nu va koka. Ingui ngu ma ri omboroto ndji ma hupu ngaaruhe.
59
Ovina imbi Eje Ue vi hungirire mosinagoge, otja tji ja hongo kOkapernaum.
60
Novengi vo vahongeua Ve tji va zuva, va tja, Inga omambo omazeu, ouani ngu me je zuu.
61
Nunguari Jesu Ua tjivirue mu Je omuini kutja ovahongeua Ve va unaunina itji, nu Eje otja tja kuvo, Mamu pindikisiua i itji?
62
Nu mape kara vi tji mua munu Omuna uOmundu Ama rondo ingui kari hapo?
63
Ombepo o ndji jandja omuinjo, onjama ka ina tji i kotora nangarire. Omambo ngu Me hungire kuene ombepo nomuinjo.
64
Nunguari pena vemue muene mbe ha itavere. Orondu Jesu Ua tjivirue okuza kombutiro imba mbe ha itaverere kutja oovene, nokutja ingui ngu me ke Mu horora ouani.
65
Nu Eje Ua tja, Ami opumba tjera nai kuene, kutja kapena mundu ngu me ja ku Ami, andu tji pa jandjeua ku je i Tate.Tate, ingui Ihe
66
Okuza moruveze induo ovengi vovahongeua Ve va jaruka ombunda, nave ha uhuara amave kaenda puena Je.
67
Nu Jesu otja tja nai ku imba omurongo navevari, Ene uina mamu zeri okujenda?
68
Simon Petrusa otje Mu zira, Muhona, ete matu i kuani? Ove u nomambo uomuinjo uaaruhe.
69
Nu ete tu itavera nu tu tjiua katjootjiri kutja Oove Kriste, Omuna ua Mukuru Omunamuinjo.
70
Jesu Ue ve zira, Hi mu toororere omurongo navevari are, nu umue uenu omunauvi?
71
I ja hungire komunda ua Judas Iskariot omuna ua Simon, orondu eje onguari popezu nokumuhorora, aeri umue ua imba omurongo navevari.
(Okuza imba nga….