¹ Kombunda jovina mbi Jesu Ue ri raisa rukuao ko vahongeua pomuronga ua Tiberias. Nu Ue ri raisa momuano mbui. ² Simon Petrusa, Tomasa ngu isaneua Didimus, Nathaniel ua Kana mo Galilea, novazandu va Zebedias, novakuao vevari vari pamue. ³ Nu Simon Petrusa ua tja nai kuvo, Me ka pata omahundju. Ovo va tja ku Je, Ete uina ma tui puena ove. Novo vaja nave ka hita mokaskepi tjimanga, no o utuku mbo kavena tji va pata. ⁴ Nunguari omuhuka tji ueja, Jesu Ua kuramene po mukuro, nunguari o vahongeua kave tjivirue kutja o Jesu. ⁵ Nu Jesu Otja tja kuvo, Vanatje kamuna otjiriua? Novo ve Mu zira, Kako. ⁶ Neje Ua tja kuvo, Umbeje ozombate komanene uoskepi nu mamu pata. Novo otji va umba, nave he peuru oku nana mena rouingi uo mahundju. ⁷ Nomuhongeua ngui Jesu ngua suverere otja tja ku Petrusa, O Muhona. Nambano Petrusa tja zuva kutja o Muhona, otje ri huikika ombanda je jokombanda, orondu uari muzu, na tukire momuronga. ⁸ Novahongeua imba ovakuao veja mokaskepi okatiti amave nana ozombate zo mahundju, orondu kavari kokure nehi, vari oukokure mangara uo viele omasere jetatu. ⁹ Novo tji vauta oku ja mehi, va muna omuriro uomakara mbo, no mahundju muuo, no mboroto. ¹⁰ Jesu Ua tja kuvo, Eteje omahundju tjiva ngu mua kambura nai. ¹¹ Nu Simon Petrusa uaja n aka nanena ozombate kehi nde urire omahundju omanene, esere no mirongo vitano na jetatu. Nu na tji jari omengi nai ozombate kaze taukire. ¹² Nu Jesu Ua tja kuvo, Indjeje mu rie. Nu kapena umue uo vahongeua ngua rorera oku Mu pura kutja, Oove une? orondu ijave tjiua kutja o Muhona. ¹³ Nu Jesu Otje ja, Na toora omboroto, nu E ve pe, no mahundju mo muano otjingeuo. ¹⁴ Nambano itji tjari otjikando otjitjatatu Jesu a Me ri raisa ko vahongeua, Eje tja za noku pendurua mo vakoke. ¹⁵ Novo tji vaza noku ria, Jesu Ua tja ku Simon Petrusa, Simon, muna ua Jona, ove ue Ndji suvera oku kapita imba? Eje ua tja ku je, Ii Muhona, Mo tjiua kutja mbe Ku suvera. Eje A tja nai ku je, Risa o zondjona Zandje. ¹⁶ Eje Ua tja nai ku je rukuao orutjavari, Simon muna ua Jona, ove ue Ndji suvera, Eje ua tja nai ku Je, Ii Muhona, Mo tjiua kutja mbe Ku suvera. Eje A tja nai ku je, Risa o zondu Zandje. ¹⁷ Eje Ua tja nai ku je, orutjatatu, Simon muna ua Jona, ove ue Ndji suvera? Neje ua tja ku je, Muhona Ove U tjiua ovina avihe, Ove Mo tjiua kutja mbe Ku suvera. Jesu A tja nai ku je, Risa o zondu Zandje. ¹⁸ Tjiri, tjiri, Me tja nai kove, Ngunda a u ri omutanda I jo rikhuikike omuini, noi ku mu vanga. Nunguari tji ue kuru mo uonjonona omauoko uoje, nu uarue e ku huikike, ne ku tuara ku u hina kuvanga. ¹⁹ Itji ua hungirire oku saneka ondiro ndji me je ku ta najo, oku jeta oujere ku Mukuru. Nu tja za noku hungira nai Ua tja nai ku Je, Ndji kongorera. ²⁰ Nu Petrusa ua tanaukire na munu o muhongeua ingui ngua suvererue i Jesu, ingui rukuao ngua rarere mo rukoro rue po tjiriro tjo mapeta, na tja, Muhona, Ouani ingui ngu me Ku horora? ²¹ Nu Petrusa the mu muna, ua tja nai ku Jesu, Muhona, o murumendu ngui eje ma tjiti vi? ²² Jesu Ua tja ku je, Tji Me zeri kutja a kare nga tji Me ja, ove u na tjike na itji? Ove Ndji kongorera. ²³ Nembo ndi otji ra handjauka movakambure, kutja omuhongeua ingo kena ku koka. Nu Jesu Ke mu here kutja, Kena ku koka, nunguari, Tji Me zeri kutja a kare nga tji Me ja, ove u na tjike na itji? ²⁴ Ingui eje omuhongeua ngu ma hatoire ovina mbi, nu ngua tjanga ovina mbi. Nu matu tjiua kutja omahongononeno ue ouatjiri. ²⁵ N pena ovina ovingi rukuao Jesu Mbia ungura, mbiri kutja tji via tjangua k tjimue tjimue, mo umune uandje naimbui ouje kau parangere pu pajenene, oku tjinda omambo nga so kutjangua