1
Nu o muhuka o munene ue juva etenga rotjiveke, ngunda a kua zorere, Maria Magdalene ue ja ko mbongo, na vaza eue ara isapeua po mbongo.
2
Neje otja tupuka ne ja ku Simon Petrusa, no muhongeua ingui Jesu ngua suverere, na tja kuvo, Ovo va isamo Muhona mo mbongo, nu katuna ku tjiua kutja ve ke Mu rarisa pi.
3
Nu Petrusa no muhongeua ingo mukuao otji va pita na vei ko mbongo.
4
Novo va tupuka pamue, no muhongeua ingo mukuao a sepo Petrusa, n aka vaza rutenga ko mbongo.
5
Neje ue rikota na munu o zonguju azeri pehi, nunguari eje ka hitire moukoto.
6
Nu Simon Petrusa ueja kombunda je na hiti mo mbongo, na munu ozonguju pehi,
7
No tjikaiva tji tja mangerue motjiuru Tje atji heri pahi pua ozonguju, nunguari atja jangerua peke pona parue.
108
Kuzambo o muhongeua ingo mukuao, ingui ngua vaza po mbongo rutenga, otja hita, na munu, na itavere.
9
Orondu ovo tjandje ngamba kave ja tjiua omatjangua kutja, uaso ku penduka rukuao movakoke.
10 Kuzambo o vahongeua otji ve ri jarukira kuvo oveni
11
Nunguari Maria ua kuramene pendje po mbongo ama riri. Nu je ngunda ama riri otja natera mo mbongo.
12
Na munu ovaengeri vevari mba zarere ouvapa ava haama, ingo umue ko tjiuru, ingo mukuao kozombaze za imba pu pa rarisirue orutu rua Jesu.
13
Novo va tja ku je, Mukazendu, mo ririre tjike? Neje ua tja kuvo, Orondu ovo va tuara o Muhona uandje, nu hina ku tjiua ku v eke mu rarisa.
14
Nu tja za noku tja tja nai, ua tanauka, na munu Jesu aa kurama mbo, nunguari aha zemburuka kutja o Jesu.
15
Jesu Ua tja ku je, Mukazendu mo ririre tjike? Mo paha une? Eje tji ja tjangovasi Eje omuungure uotjikunino, ua tja ku Je, Mutengua, ove tji ue Mu isapo imba o Mu tuara kuarue, ndji raera ku u eke mu rarisa, na mi me ke Mu toora. gnv-meke mu jeta.
16
Jesu Ua tja ku je, Maria. Eje ue ritanaura na tja, Raboni, okutja, Muhonge.
17
Jesu Ua tja ku je, O tunu ku Ami, orondu Ami ngunda hija rondera ku Tate. Nunguari tuende kovangu vandje, nu ka the nai kuvo, Ami Me rondere ku Tate, nu Iho, na ku Mukuru Uandje, nu Mukuru uenu.
18
Maria Magdelena ueja na raere o vahongeua kutja eje ua munu Muhona, no kutja Eje Ua hungire ovina mbi ku je.
19
Nu mejuva otjingero mapeta, ejuva etenga rotjiveke, omivero tji via jezererue o vahongeua pu vari mena roku tira Ovajuuta, Jesu Otje ja Na kurama mokati kao, Na tja, Ohange ngai kare puena ene.
20
Nu tjaza noku tja nai, Otje ve urikira omake Ue no rupati Rue. No vahongeua otji va joroka, tji va muna Muhona.
21
Nu Jesu Otja tja nai kuvo rukuao, Ohange ngai kare puena ene. Otja Tate Tje Ndji hindire, Ami uina otji Me mu hindi.
22
Nu Eje tj za noku tja nai, Ua suvanena muvo, Na tja nai kuvo, Jakureje Ombepo Ondjapuke.
23
Imba avehe mbu mamu ve jesire omauvi uao, mave je jesirua, nu avehe mbu mamu tiza omauvi uao, mave je tizirua.
24
Nunguari Tomas, ngu isaneua Didimus, umue ua imba omurongo na vevari, kaari puena vo Jesu the ja.
25
Ovahongeua imba ovakuao otji vatja ku je, Tua munu Muhona. Nunguari eje ua tja kuvo, Andu tji mba munu mumake Ue ozondovi zo zomboha, ne hitisa ominue viandje mo zondovi zo zomboha, ne hitisa eke randje morupati Rue, hina ku itavera.
26
KOmunda uo majuva hambondatu o vahongeua Ve vari moukoto rukuao, nu Tomasa uari puena vo. Jesu Ua hita omivero avia jezerua, Na kurama pokati, Na tja, Ohange ngai kare puena ene.
27
Kuzambo Ua tja ku Tomasa, Eta omunue uoje imba, nu tara omake Uandje, eta eke roje imba nu hitisa ro morupati Ruandje; nunguari orire omuhaitavere, nu itavera.
28
Nu Tomasa ua zira, Muhona uandje nu Mukuru uandje.
29
Jesu Ua tja ku je, Tomasa, mokutja ove ue Ndjimu, ove ua itavere, Ovaningandu imba mbe itavera ave hija muna.
30
Nu tjiri Jesu ua tjitire ovihimise ovikuao ovingi pomurungu uo vahongeua Ve, mbi ha tjangerue membo ndi.
31
Nunguari imbi via tjangerua kutja mu itavere, kutja Jesu onguri Kriste, Omuna Ua Mukuru, nu kutja tji mua itavere mu kare nomuinjo mena Re.