¹ Nunguari, tjinga o makuizikiri uo ku hita mo masuviro ue, ngunda tjinga ja jandjerua oku kara po, ngatu kare no ndira, kutja ape ha kara umue uenu ngu ma ngara ua kaera jo. ² Orondu tjitua raerua ombuze ombua, otja tjizari. Nunguari o mazuvarisiro ngo ka e kotorere imba mbe hina va uana no ngamburiro na imba mba zuva. ³ Nunguari ete mbu tua itavera tu hita mo inga o masuviro, otja tja heja, “Otja tjimba jana mo mazenge uandje, kanaa ve hiti mo masuviro ua Ndje.” Natji peri nao, o viungura vie via manukira mo mautiro uo uje. ⁴ Eje tjinga pona pemue a hungirire o hunga nejuva o ritja hambombari, “Nu Mukuru ua suva mejuva o ritja hambombari mo viungura vie avihe.” ⁵ Nu rukuao mo ruteto otji ngero uatja, “Ka ve na ku hita mo masuviro uandje.” ⁶ Nunguari, ngunda pa seua kutja tjiva o ku hita mo masuviro ngo, na imba rutenga mba zuvarisirirue ombuze ombua kave hitire mena roku hina nduviro kuao. ⁷ Nu Mukuru ua zika ejuva rorive, e riisana “Ndino", tjinga a hungira mu David, kombunda mo matjangua nga etja: “Ndino tji mua zuu eraka re,a mu kukutisa o mitima vienu.” ⁸ Orondu nandaku Joshua ue vepa o suviro, Mukuru ka tja hungira o hunga nejuva ekuao. ⁹ Okutja ngunda pa seua o Sabbath jo masuviro nga tua petuarua o vandu va Mukuru. ¹⁰ Orondu ingui ngua hiti mo masuviro ua Mukuru,, eje ua suva mo viungura vie, tjimuna Mukuru tja tjita imbio vie. ¹¹ Nu opu tuaso ku hita mo masuviro ngo, kutja a peha kara umue ngu ma uire mo ngaro ndjo jo ku hina nduviro ndji va tjita. ¹² Orondu embo ra Mukuru rino muinjo nu rino masa, nu e tue oku kapita engaruvio arihe nda upikua kuvari, ri tuera nga koku hana o muinjo no mbepo, uo mauaneno uo matupa no mungo, nu ri jenena o ku nongonona o uripura no zondando zo mutima. ¹³ Ka pena tjina tji tja utua tji tja horekua ko mut na kamuaha ko meho ua ingui ngu tua so ku jandja o merizirira. ¹⁴ Nunguari mo kutja tuno o Mupristeri o Munene ngua kapita no majuru, Jesu o Muna ua Mukuru, ngatu tize no masa ko merijapuriro uetu. ¹⁵ Orondu ka tu na o mupristeri o munene ngu hato tondjenda no maungundi uetu. Nunguari, tuna umue mo vina vihe ngua rorerue otja ete pendje no kutja kaari no uvi. ¹⁶ Nga tu kaende no uvande ko tjitrone tjo tjari, kutja tu jakure o unjanutima notu vaze o tjari oku vatera mo ruveze ro hepero.