¹ Nambano, vakuetu o vajapuke, muno rupa mo maisaneno uejuru. Ripureje na Jesu, o muapostolo, no mupristeri o munene uo mahongononeno jo ndjesiro jo mauvi. ² Uari o mutakame mu Mukuru ngue mu zika, otja Mose uina tja takamene mo ndjiuo ja Mukuru. ³ Mo kutja Jesu ua varerue o muna ndengu jo ujere ounene pu Mose, mo kutja ingui ngu tunga o ndjiuo uno ndengu oku kapita indji ondjiuo ini. ⁴ Orondu o ndjiuo aihe i tungua ijo mundu, nunguari ingui ngu tunga ovina avihe o Mukuru. ⁵ Orondu Mose uari o mutakame otjo mukarere mo ndjiuo ja Mukuru aihe, arire o hatoi jo vina mbija vije ku hungirua mo rujaveze. ⁶ Nu Kristu o mutakame otjo Muna nguno uvara mo ndjiuo ja Mukuru. Turi mo ndjiuo je, tji tua kakatere no uvande uetu, no maundjiro ngutu rihiva nao. ⁷ Nunguari otja o Mbepo Ndjapuke tji matja “Ndinondi tji mua zuu eraka re, ⁸ a mu kukutisa o mitima vienu, mo uhazuva, mo ire jo marorero mokuti o ngaango. ⁹ Jari indi o vakuru venu tjiva katukire no kundji rora, kombunda ja tjiva za no ku munu o viungura viandje ¹⁰ o mirongo vine vio zombura. Nunguari mba pindikiririre o ndekurona ndjo. E tja, 'Ovo aruhe ve pandjara mo mitima viao. Kave tjivirue o viungura via ndje'. ¹¹ Otja tjimba janene mo mazenge uandje, 'Kanaa ve hiti mo masuviro uandje.” ¹² Takamiseje vakuetu, kutja amu ha kara umue uenu nguno mutima omurunde o muhinangamburiro, o mutimko kure na Mukuru o munamuinjo. ¹³ Nunguari, zeuparisaneje aruhe, opuuo tjima ri isaneua "ndinondi", kutja ape ha kara umue mo kati kenu ngu ma kukutisiua ijo vineja vio uvi. ¹⁴ Orondu tua rira ova pamue na Kristu tjitua tiza no masa mo ngurameno jetu muje, mo mautiro nga ko maandero. ¹⁵ Ko mundu ua itji kuaza, “Ndino, tji mua zuu eraka re, a mu kukutisa o mitima vienu, otja mo uhazuva.” ¹⁶ O uani tjiva,ngua zuva Mukuru na piruka? Ka jari imba avehe mba pita ko Engipte pueena Mose?. ¹⁷ Nunguari ua pindikirire uani o zombura o mirongo vine? Ka jari imba mba katukire, imba o turova tuao tu tua uira mokuti o ngaango? ¹⁸ Okuani ka janene kutja ka vena ku hita mo masuviro ue, tje he ri ku imba mbe he mu zuvire? ¹⁹ Ma tu munu kutja kave pe urire o ku hita mo mo masuviro ue mena ro ku hina ngamburiro.