¹ Vasuverua, indji nai o mbapira o i tjavari ndji mbe mu tjangera, nu mozo azee mbari muno mazemburukisiro oku zunga o zondunge zenu o zombaera ² kutja mu zemburuke o mambo nga hungirirue rukuru ijo vaprofete mbo vajapuke na indi e tuako ro Muhona no Mujame uetu nde ja no vaapostolo. ³ Tjiuee itji rutenga, kutja ovanjekerere ma veja mo majuva uo maandero. Ma veje ku njekerera na ve rianga otja ko zondero zao. ⁴ Nu ma vee kutja, "O makuizikiro uo meero ue je pi? Orondu nganda oo tate ava rara, o vina avihe vi kara otja indi tji viari, okuuta ko mbutiro jo mamemeno. ⁵ Va zembira uina kutja rukuru ne Membo ra Mukuru o majuru no uje ja memenue, oku za mo meja na mo meja, ⁶ nu ku kuri kutja o uje mo ruveze ndo ua jandekua, au pupua no meja. ⁷ Nu nembo otjingero o majuru nehi via puikirua o muriro, via tizirua e juva ro mbanguriro no manjoneno uo vando mbihina mukuru. ⁸ Nu itji atji heza o mamuino ueno, vasuverua, o kutja e juva rimue puna Muhona riri tjimuna o zombura ejovi, nu o zombura ejovi tjimuna e juva rimue. ⁹ Muhona kena ngono o hunga no makuizikiro ue, otja tjiva tjive vara oku uomba omuano mbu kuri. Nunguari, uno muretima kuene. Ka vanga kutja pekare kaani uenu ngu ma zundaka, nunguari kutja avehe ve je ko meriverero uo ndanaukiro. ¹⁰ Nunguari, e juva ra Muhona ma ri ja o tje runga: Omajuru ma je kapita aje zengi no mungunda o munene. O unepo uaro ma u je ku pia nga no muriro, nu ehi no vitjitua mbiri mu ro mavi je ku jarua po rutjandja. ¹¹ Mo kutja o vina mbi avihe mavi je ku jandekua mo muano mbui, mua soku kurira ovandu mberi vi?Mua su ku hupa o hupo ondjapuke no hupo ja Mukuru. ¹² Muso ku undja noku hakahanisa o meero ue juva ra Mukuru. Me juva ndo, o majuru ma je ku jandekua no muriro, nu o unepo mau jeku randatisiua no muriro omunene. ¹³ Nunguari otja ko makuizikiro ue ma tu undju o majuru o mape ne hi epe, ingui o usemba ku ma uje ku kara. ¹⁴ Nambano, vasuverua, tjinga ama mu undju o vina mbi, kondjee tjinene kutja mu vaseue noku hina tjipo no kuhina uvi ko murungo ue, mo hange. ¹⁵ Rukuao, vareje o muretima uo Muhona uetu otja o ndjamo, otja o musuverua o mukuetu Paulusa tje mu tjangera, otja ko unongo mbua jandjua ku je. ¹⁶ Paulusa u hungira ohunga no vina mbi mo zombapira ze azehe, mu muna o vina tjiva o vizeu oku pangununa. Ovandu mbe ha hongerue nu mbe zungana ve zunda ovina mbi, otja uina tji ve tjita o matjangua ingo makuao, ko mbandjarero jao o veni. ¹⁷ Nambano, vasuverua, mo kutja mu tjiua o vina mbi ko murungu uo ruveze, opu mua soku ritjevera kutja amuha pandjarisiua ijo ku popua no vineja ko vandu o vehinaveta nu amu pandjara o u takame uenu. ¹⁸ Nunguari kuree mo tjari na mo ndjiviro ja Muhona uetu no Mujame Jesu Kristu. O ujere nga rire ku je, apejevari mu nambano nga ke juva ro ngaaruhe. Amen!