¹ Ovaprofete vo vizeze veeere ko vandu, no vahonge vo vizeze noho maveja kuene. Maveeta mo njondui o mahongero o mapukise, nu mave ripatana Muhona ngue ve randa. Nu marijetere omazundiro ua tjimanga kombanda jao. ² Ovengi mave kongorere o zondjira zao zo mbandjarero, nu mena rao o ndjira jo uatjiri mai je ku jambururua. ³ Mo tjimbe tjo minenetima viao maveje ku mu ungurisa oku ritumbisa no mambo uo vineja. O mbanguriro jao jari mo kuja okuza ko rukuru, no mbandjarero jao ka ji rarere. ⁴ Nderi Mukuru ka jesirire o vaengeri imba mba tjitire o uvi, nunguari e nakere mo tjovasengua ne ve tizire mo mapando uo ndorera ngatji ko mbanguriro, ⁵ nu noho tje ha jesiririre o uje ua rukuru, nunguari a jama Noah, o muzuvarise uo usemba, puna imbo hambombari, indi tja etere o mupupo mo uje kombanda uo varunde. ⁶ nu tja jarurire o vihuro via Sondoma na Gomora o kurira mutue nevi pangurire o ku njonua otjo tjisanekero tja tji ma tjije ku tjitua ko vehina-mukuru, ⁷ nunguari ua kutura o musemba Lot, ngua karere kehi jo ndero jo zonduma zo njama zo vandu vehina veta- ⁸ Orondu o murumendu ingo musemba nguja hupire mokati kao e jeuva ne juva, uari kehi jo mbamisiro mo usemba uo muinjo ue no ku muna no ku zuva o vitjitua viao o vivi. ⁹ nderi Muhona ua tjita ovina mbi, no kutja matjiua oku kutura o vandu o vasemba mo marorero, noku tiza imba o vahasemba kutja vee ku verua me juva ro mbanguriro,. ¹⁰ Nunguari tjinene itji ouatjiri ku imba mbe kaenda otja ko ngaro jo ndero jo zonduma zo njama nu mbe njengura o unane. Ozombande nu ve ritara kuvo o veni, ka ve teretera tjima ve hungire navi o hunga no maujere. ¹¹ Ovaengeri veno haveha onene no masa, nu kave jaeta ozondjambu zo mbanguriro ohunga navo ku Muhona. ¹² Nunguari ovandu mba veri otja o vipuka mbi hinazondunge, mbia kuaterua oku kamburua no njonua. Kave tjiua kutja ve jamburura ije. Mo manjoneno ma ve je njonua, ¹³ mave ku kara noku ihamisiua otjo tjisuta tjo ku zunda. Ve tjangovasi vino viua vio mutenja e hambaneno. Ovio ovivavize, no vanavipo. Ve tjaterua ijo meripukisiro uao o veni, ngunda ama ve ri o mikandi pueena ene. ¹⁴ Veno meho nge ura o ruvakiro; ka ve urisiua ijo ku tjita o uvi. Ve tjatisa no pukisira o minjo mbi ha suvire kozo ndjitozombi, no veno mitima mbia hongua o ukorokope. O vanatje mba sengua! ¹⁵ Va imbirahi o ndjira o semba nu va puka, ave kongorere o ndjira ja Balaam o muna ua Beor, ngua suverere o visuta vio uhasemba. ¹⁶ Nunguari jakura oku kandaizirua o urunde ue - o kasino o kauoro ama ke hungire neraka ro mundu ka tjaera o viuoze vio muprofete. ¹⁷ Ovandu mba o zondjombo nde hina meja o vikamba mbi hingua ijo vivepo vio masa. O ndorera jo masa o ndirise ja puikirua vo. ¹⁸ Ve hungira o mungandjo uo uhahu. Mozo ndero zo vina vio njama, no ku tjita kuta ve nanukire ve pukisa no ku nanena imba mbe vanga o ku pita mu imba mbe hupira mo ndjo. ¹⁹ Nu ve ve ovisa omakuizikiro oo ngutukiro, nunguari ovo oveni averi o vakarere vo mazundakero. Orondu omundu o mukarere ua itji atjihe tji tje mutaara. ²⁰ Orondu tjiva hezisirue ko mazondakero uo uje mena ro ndjiviro ja Muhona uetu o mujame Jesu Kristu nu rukuao va ovo va zengua muuo nu ave ve taara, o ngaro jao indji jo maandero jariro mbi oku kapita indjo ndenga. ²¹ Itja pe ngara kuuo andaku ka va tjivirue o ndjira jo usemba pendje no ku itjiua kuzambo ave tanaukire e etuako e japuke nda jandjerue kuvo. ²² O mahungiriro inga o uatjiri kuuo: "O mbua i jaruka ko vikungo via jo o ini, rukuao, nu rukuao “o mbinda ndja kohua i ka rangera mo runoko.