¹ Simon Petrusa, o mukarere nu o muapostele ua Jesu Kristu, ku imba mba jakura o ngamburiro tjingejo o huze otja ete tjitua jakura, ongamburiro mo usemba ua Mukuru uetu, no mujame uetu Jesu Kristu. ² O tjari no hange nga vi uiziue mo tjivarero mo ndjiviro ja Mukuru no Muhona uetu Jesu. ³ No masa ue uo Majuru, o vina avihe vio hupo no umukuru via piua ete no ndjiviro ja ingui ngue tu isanena ko ujere no mbuiro. ⁴ Mu itji eje uetupa o makuizikiro o manene no mahuze, kutja mu rire o vanarupa mo ngaro jo umukuru, tjinga a tua heza ko mazundakero nge rimo uje nge tjitua ijo zondero zo uvi. ⁵ Nu mena ra itji, tuakee mbango jenu aihe ko ku ueza ouua ko ngamburiro jenu, nu ko uua uezee ko ndjiviro, ⁶ nu ko ndjiviro uezee ko meritjaerero, ko meritjaerero uezee ko muretima, nu ko muretima uezee ko ngaro jo umukuru, ⁷ nu ko umukuru uezee ko rusuvero ro vakambure, nu ko rusuvero ro vakambure uezee ko rusuvero. ⁸ Ovina mbi tji viri muene navi hapa muene, ma vi tjiti kutja amu ha rire ozongandji poo oku ovehinavihepe mo ndjiviro jo Muhona uetu Jesu Kristu. ⁹ Orondu kaani ngu hina vina mbi kamuine kokure no mupotu, nu ua zemba kutja ua koherue mo mauvi nga kapita. ¹⁰ Nu vakuetu, unguree no masa kutja mu o maisaneno no matoororero uenu je zikame: orondu tjinga a mua tjiti o vina mbi, kanaa mu putara. ¹¹ Mo muano mbu ri nao o mahitiro ma je patururirua ene tjinene oku hita mo uhonapare uaaruhe ua Muhona no Mujame uetu Jesu Kristu. ¹² Nu aruhe me ritunine oku mu zemburukisa o vina imbi, nangarire kutja ma mu vi tjiua, nangarire o uene vazeu mo uatjiri mbu mu nao nai. ¹³ Me kambura kutja me peri naua kuami, opuuo ngunda ambi ri mo tenda ndji, oku mu kurakurisa no ku mu zemburukisa. ¹⁴ Mo kutja me tjiua kutja o ma haneno uo tenda jandje jeri popezu, mo kutja Muhona uetu Jesu Kristu ue ndji raisira itji. ¹⁵ Nu uina me kondjo tjinene kutja mbi mune kutja kombundo mairo uandje aruhe mu kare poo ku zemburuka o vina mbi. ¹⁶ Orondu tjinga atu ha kongorerere o vihambarere mbia ungurua no unongo uo vihatjiukua tjinga tua tjiukisa kuene o masa no meero ua Jesu Kristu, nunguari tuari ovatarere va mukuru uo kombanda. ¹⁷ Orondu eje ua jakura o ndjozikiro no ujere oku za ku Mukuru Tate indi eraka tji ra etua kuje oku za ko ujere uo kombandambanda, ama ri tja, “Ingui o Muna uandje omusuverua, ngu mbi joroka tjinene mu je.” ¹⁸ Ete uina tua zuva eraka ndi nda zire me juru tjinga a tua ri pueena je mo ndundu o ndjapuke. ¹⁹ Nu uina tu na embo eporofete nda zikama, ndi mu tjiti naua oku puratena otja ke rambe ndi mari kena mo ndorera nga ejuva tji ra tji nu o njosejomuhuka ai tji mo mitima vienu. ²⁰ Kombanda ja imbi avihe, muso ku kondonona na mutjiua kutja kapena otjiprofeto mo matjangua tji tje jere mo ma pangununino oo mundu o muni. ²¹ Mo kutja kapena o tjiprofeto tji tja jeterue ijo mbango jo mundu, nunguari o varumendu va hungira okuza ku Mukuru tji ngaa ve hingua i jo Mbepo o Ndjapuke.