¹ Nambano o hunga no tjiungura tjo ukarere tjo vajapuke, kapena hepero jo kutja mbi mu tjangere. ² Orondu me tjiua o ndero jenu onene ndji mbe rihiva na jo ko Makedonia, kutja o Akaija otjo tja rongera rukuru o uvari, nu o zeal jenu ja njinganjingisa o vengi. ³ Nu mba hinda o vakuetu kutja o merihiviro uetu o hunga na ene aje ha rire o mungandjo mo tjina tji, kutja otja tji mba tjere ene mua rongera. ⁴ Me tja nai kutja tjaa imba o va Makedonia ngaa ve ja pueena ami nu ave mu vaza amu hije rituna. Ete (atu hina ku heja ene) otji matu zepaisiua o honi mena ro merihiviro uetu. ⁵ Otji mba va za ape no hepero oku zemburukisa o vakuetu kutja ve tenge po oku ja kuene nu mu tune o tjijandjeua tjenu, otja tji pa zikamisirue kutja otjo tja tunua hapo, otjo tjijandjeua tjoku sera o ndaja, tji tji heri otjo ku jandjeua mo ninikizire. ⁶ Nunguari me hee itji, Ingui ngu ma kunu mo ukopo, ma kondo mo ukopo, nu ingui ngu ma kunu o vingi ma kondo o vingi. ⁷ Auhe nga jandje otja imba pa tie mo mutima ue; arire mo ngore poo moku ninikiziua, orondu Mukuru ua suvera o mujandje ngu jandja nenjando. ⁸ Nu Mukur ua jenena oku tjita kutja o tjari atjihe tji takavarere tjinene kuene, kutja mo vina avihe mu kare no majeneneno uo ku rikarera, mu jenene oku ungura o tjiungura o tjiua atjihe; ⁹ Otja tji pa tjangua, Eje ua handjaura, ua jandja ko vasiona, o usemba ue o ukarerere aruhe nga aruhe. ¹⁰ Nambano ingui ngu jandja o ndui ko mukune, no mboroto ko murie, nga ueze nu nga ningiparise o ndui jenu, nu nga ueze o vihape vio usemba uenu, ¹¹ E mu tumbarise mo vina avihe nga tji via takavara, tji tji tu tjita kutja tu jandje o ndangi ku Mukuru. ¹² 15 Orondu o tjiungura tjo ukarere tji katjo ku setika o mauhepe uo vakambure uriri, nunguari uina otjo ku ueza mo vandu o vengi o majandjero uo ndangi ku Mukuru, ¹³ Motjimbe tjo uhatoi uo tjiungura tji, ovo amave hivirike Mukuru mena ro meriuisiro uenu ko Mbuze o Mbua ja Kriste, no ujandje uo ruuano kuvo na ku avehe; ¹⁴ Na mo ngumbiro jao ndji ve kumbira ene, ve hihamenua ijene, tjinga ava zuva o mapupiro uo tjari tja Mukuru kombanda jenu. ¹⁵ Okuhepa ku Mukuru ko tjijandjeua Tje tjo tjari tji tja kapita o mahungiriro.