¹ Nu nambano otja tjinga a tuna o makuizikiro inga, vasuverua, opu tua soku rikoha oveni mo ndova aihe jo njama, no mbepo, ama tu jenenisa o ujapuke mo ndira ku Mukuru. ² Tu jakuree! Katuna mundu ngu tue mu zundira, katuna mundu ngu tua zundarisa, katu na mundu ngu tua tjitire ko o vineja. ³ Hina ku hungira imbi oku mu vera, ami tjinga mba hungirire rukuru kutja mu rim o miytima vietu, kutja tu koke pamue nu tu kare no muinjo pamue. ⁴ O mahungiriro uandje kuene je nao uvande tjinene, o merihiviro uandje o hunga na ene o manene. Ami mbe urisiua no mahuhuminino, nu mbi tananua ijo ndjoroka mo mauzeu uetu aehe. ⁵ Orondu ete tji tue ere mo Makedonia o njama jetu ka ina ou ja muna oku suva, nunguari tua kondjisiua mo minda avihe, atu na o virua pendje, nu oku tira kua rim o ukoto uetu. ⁶ Nunguari Ingui ngu huhumina o vehinandengu, ue tu huhumina no meero ua Titus. ⁷ Nu ka ririre o meero ue poruao, nunguari uina jari no mahuhuminino nga huhumininue nao muene, the tu tjivisa o ndero jenu o nene, o ruhoze ruenu, no njota xxxx jenu, mbia tjita kutja mbi joroke tjinene. ⁸ Orondu tji mbe mu pere o ruhoze no mbapira ndjina, hina ku rikenda ko no tjina tji, nangarire kutja mbe rikendere, orondu mba muna kutja o mbapira ndji je mu pere o ruhoze o karuveze o kasupi uriri. ⁹ Nambano mba joroka, ka kutja o mena rokutja mua kara no ruhoze, nunguari kutja o ruhoze rue mu tuara ko meriverero uo ndanaukiro. Orondu ene mua kara no ruhoze mo muano ua Mukuru, kutja ete atu he mu hihamisa ko nangarire mu tjimue. ¹⁰ Orondu o ruhoze mo muano ua Mukuru ru ungurira oku tuara ko meriverero uo ndanaukiro nge tuara ko ndjamo, nu aru ha jesa o mundu ae na o ruhoze; nunguari o ruhoze otja ko muano uo uje ru ungurira oku tuara ko ndiro. ¹¹ Orondu tareje otjina o tjingetjo, tji tje mu pa o ruhoze mo muano ua Mukuru, kutja tja eta vi o ipiuke, no meritjeverero, Ii, no mazenge, ii no ndira, ii, no ndero o namasa, ii, no njotaxxxx, ii, no mberero jo uhasemba. Mo vina avihe mue riraisa kutja o uene o vakohoke mo tjina tji. ¹² Okutja, nangarire tji mbe mu tjangera, hi tjangere motjimbe tja ingui ngua tjita navi, poo mena ra ingui ngua tjindua navi, nunguari oku raisa o ngendo jetu o hunga na ene po murungu ua Mukuru. ¹³ Nu opu tua zu oku huhuminiua mo mahuhuminino uenu, ii, nu tua karere no ndjoroka tjinene motjimbe tjo ndjoroka ja Titus, tjinga o mbepo je a ja peparisirue ijene amuhe. ¹⁴ Mokutja tje ri kutja mbe rihivirire ene ku je o hunga no tjina atjihe, hi tisirue ko honi. Nunguari otja tji tua hungirire ovina avihe ku ene mo uatjiri,mo muano o tjingeuo o merihiviro uetu ku Titus otji ja rira o uatjiri. ¹⁵ Nu o rusuvero rue ku ene rue kuru, tjima zemburuka o nduviro jenu amuhe, otja tjimue mu jakura no ndira no mazezerero. ¹⁶ Opu me zu oku joroka orondu me tjiua o utakame uenu mo vina avihe.