¹ Nunguari ete, otja o vaungure pamue na Je, matu rijarikana kuene kutja amu ha jakurire o tjari tja Mukuru o mungandjo. ² Orondu Eje ma tja, Mo ruveze ndua jenenisiua Ami mbe ku zuvira, nu mejuva ro ndjamo Ami mbe ku vatera.” Tareje, indui oruo o ruveze ndua jenenisiua. Tara indui oruo o ruveze ruo ndjamo. ³ Tjinga atu ha jandja ko o tjipo tjo mbutarisiro, nangarire mo tjina tjimue, kutja o tjiungura tjo ukarere atji ha varuo ndjo, ⁴ Nunguari mo tjna atjihe tu ritjiukisa otjo vakarere va Mukuru, mo muretima tjinene, mo zongondjero, mo mbameno mo mauzeu, ⁵ Mo mazeze, mo ndorongo, mo mahambaneno, moku kara katumba, moku rritjaera ko vikuria, ⁶ Mo ukohoke, mo ndjiviro, moku zara mihihamo o rure, mo unjanutima, mo Mbepo o Ndjapuke, mo rusuvero ndu he ri o ruo ku ripa, ⁷ Ouete ovakarere ve Membo ro uatjiri, mo masa ua Mukuru, na mo viruise vio usemba ko Kunene na ko kumoho, ⁸ Mo mdjozikiro na mo manjeguriro, moku hungirua navi na moku hungirua naua, otjo vapukise nunguari atu ri o vanauatjiri; ⁹ Otja o vahatjiukua, nunguari atu tjiukua, otja imba mbu mave koka, nunguari tara, tu nomunjo; otja mbu tu tonua, nu tara ka tu koka; ¹⁰ Otja o vanaruhoze, nunguari o vanandjoroka aruhe; otja o vasiona nunguari ama tu tumbisa o vengi; otja mbe hina tjina nunguari avena o vina avihe. ¹¹ Arikana Vakorinde, o tjinjo tjetu tja paturukira ene, no mitima vietu via paranga. ¹² Kamuna mbamisiro muete, nunguari mu nombamisiro mo zondero zenu o veni. ¹³ Nunguari ko tjisuta o tjingetjo, (me hungire otja ko vanatje), ene uina parangee. ¹⁴ Amu kutirua kumue mo uhatupamuekueena o vahakambure: orondu o usemba u na ehore ra tjike no uhasemba? Nu o ndjerera i na o ruuano rua tjike no ndorera? ¹⁵ Nu Kriste una o nduvaasaneno ua tjike na Belial? Poo o mukambure una o rupa rua tjike kueena o muhakambure? ¹⁶ Nu pen a o nduvasaneno ja tjike pokati ko ndemberi ja Mukuru no visenginina? Orondu o uene o ndemberi ja Mukuru o munamuinjo, otja Mukuru tja tjere, Ami Me tura muvo, nu E rianga muvo, nu Me rire Mukuru uao, nu ovo aver ire o vandu Vandje. ¹⁷ Opu mua soku pita mokati kao, nu amu ripuraura, Muhona ma tja nai, Amu tunu ko ko tjina o tjihakohoke nu Ami Me mu jakura. ¹⁸ Nu Ami me rire Tate ku ene, nu ene amu rire o vanatje Vandje o vazandu no vakazona, Muhona o Munamasaehe ongu ma tja nai.