¹ Tjiri ka kokuua kutja mbi rihive. Nambano me ja ko zombunikisiro no mavandururiro ua Muhona. ² Me tjiua o murumendu umue mu Kriste, ngua hakanenenue kejuru o ritjatatu o zombura o murongo na ine nda kapita, kutja itji tjari mo rutu ruo njama poo jari pendje no rutu ruo njama hina ku tjiua, Mukuru ma tjiua. ³ Nu me tjiua o mundu ngu ri nao, kutja jari mo rutu poo jeri pendje no rutu hina ku tjiua, Mukuru ma tjiua. ⁴ Kutja ua hakanenenue ko Paratisa, nu aka zuva o mambo nge ha jenenene oku hungirua, o mundu nge ha jandjerua oku hungira. ⁵ Ami me rihivi motjimbe tja ingui ngu ri nai, nunguari hina ku rihivira mu ami omuini, pendje na mo maungundipare uandje. ⁶ Orondu nangarire tji me zeri oku rihiva, tjandje hina ku rira ejova, tjinga me hungire o uatjiri, nunguari mbi ritjaera, kutja ape ha kara o mundu ngu me ndji tongamisa oku kapita pu mbi ri poo ngu ma zuu otjina atjihe o hunga na ami. ⁷ Nunguari kutja e he ritongamisire kombanda mena ro mavandururiro o mengi nga, mba peua o kuija mo njama, o muhindua ua Saatana, kutja e ndji ture no zongomi, nu ami ehe ritongamisa. ⁸ Ami mba kumbire ku Muhona potutatu, kutja tji zeko ku ami. ⁹ Nu Eje ua tja nai ku ami, O tjari tjandje tja jenena ku ove: orondu o masa Uandje je pua tjinene mo ungundi. Opu me zu oku rihiva nenjando mo ungundi uandje, kutja o masa ua Kriste je kare kombanda jandje. ¹⁰ Opu mbi za oku kara no ndjoroka mo mangundiparero, mo zondjambu, mo mauhepe, mo zombamisiro, mo mauzeu motjimbe tja Kriste; orondu tji mba ngundipara imbo opu mbi ri o munamasa. ¹¹ Ami mba jovara mo merihiviro. Mue ndji undurire ko. Orondu ouene mbu mua soku ndji vara otja o musemba; orondu hina mu tji mbiri kombunda jo vaapostele o vanenenene, nangarire tji mbi ri o tjina uriri. ¹² Tjiri imbi o visanekero vio muapostele via ungurirua mokati kenu no muretima auhe, mo visanekero, no vihimise no vitjitua vio masa. ¹³ Orondu o mu tjike mu mua ri kehi jo zokereka inda o zonguao azehe, pendje nokutja ami o muini hina pu mbemu tuakere o uzeu? Ndji jesireje ondjo indji. ¹⁴ Tareje, ami mbe rirongerere oku ja kuene o rutjatatu. Nu ami hina ku je ku mu tuako o uzeu, ami tjinga a mbi hina ku paha o vina vienu nunguari ame paha ene. Orondu o vanatje ka ve sere oku puikira o vakuate o vihuze, nunguari o vakuate o mba soku puikira o vanatje o vihuze. ¹⁵ Ami me jandja o muinjo uandje nu e jandjerua o minjo vienu nenjando, nangarire kutja ami tji memu suvere oku jenda ko murungu, ami me suverua oku jaruka kehi. ¹⁶ Nu ngape kare nao, hina mbe mu tjindisire o uzeu; nunguari otja o nongo mbe mu patere no vineja. ¹⁷ Tjii mu imba avehe mbu mba hindire ku ene mbi na umue mu mbe mu jekere o vina vienu no vineja? ¹⁸ Mbe rijarikanene ku Titus nu e hindi o mukuetu pueena je. Titus una the mu punda? Ete kaa tu kaenda mo mbepo otjingejo are? Ete ka atu jata mo zondambo otjingezo are? ¹⁹ Me jarukire, Mamu tanguaasi matu ri hungirire oku rijeura ku ene are? Matu hungire po murungu ua Mukuru mu Kriste, nunguari tu ungura o vina avihe oku mutunga vasuverua. ²⁰ Orondu mbi na o mburuma jokutja, tjaa tji mbeja ngee mu vaza amu he ri otja tji mba soku mu vaza, poo na ene uina amu ndji vaza otja pu mu ha sere; kutja rumue ngaa pe kara o mananasaneno, no masasa, no makondjisasaneno, no makumininasaneno uo mo vineja, no tujambo, no uripura o uritongamise, no mahandu; ²¹ Kutja tjaa tji mbeja rukuao, Mukuru uandje e ndji susuparise pueena ene; nu mbi je ku ririra imba mba katuka hapo, nu mbe he riverere ko ndanaukiro ko mauhakohoke, no tuvakiro, no zonduma zo njama ndu va kara poku tjita.