¹ Nunguari, mo kutja Kristu ua ihamisiua mo njama, ripanganeje no uripura o tjingeuo. Mo kutja kaani ngua ihamisiua mo njama ua pita ko uvi. ² Munao, omundu nguri nao, mo hupo jo njama je aihe, ka hupire mo zondero zo vandu, nunguari o hupira mo mbango ja Mukuru. ³ Orondu oruveze ndua kapita rua jenene kutja mu tjite o mbango jo viuana via mbangu, tjinga a tu hupu me hambaneno ro mara, mo zonduma, mo undoronge, mo mikandi, mo mandorongero, ku kara no mikandi mbihasere, no ku ungura o visenginina vio tuvakiro. ⁴ Ovo ve tjangovasi otjikumise tjimu ha hiti muna vo mo mihingo vie hambaneno nda kapita, nu ve hungira navi o hunga naene. ⁵ Nunguari ma veje ku jandja o urizirira ku ingui ngu ripo oku pangura o vanamuinjo no vakoke. ⁶ Mo tjimbe tja nai o Mbuze-ja-Mukuru ja zuvarisiririrue uina ko vakoke, kutja, nandi va pangurua otja o vandu mbe ri mo njama, nunguari ve kare no muinjo mo mbepo otja Mukuru. ⁷ O ndjandero jo vina avihe i ri popezu. Nunguari karee no ndunge o ndjere, nu kare no upore mo uripura uenu mena ro ngumbiro. ⁸ Nu kombanda jo vina vihe, kareje no rusuvero orukarere mokati kenu, orondu o rusuvero ru kutjira mauvi o mengi. ⁹ Kareje nongaro ombua ko vaenda, auhe ko mukuao, amu hina ku unauna. ¹⁰ Otja o mundu auhe uenu tja jakura o tjijandjeua, tji unguriseje o karerasana, otja o vaungure o vasemba vo tjari tja Mukuru mo zongaro zatjo pekepeke. ¹¹ Auhe tja hungire, nga rire no mambo ua Mukuru. Tji pena ngu ma ungura, nga rire mo masa nge jandjeua i Mukuru. Ungureje ovina mbi kutja mo vina avihe Mukuru a peue o ndjozikiro mu Jesu Kristu. ku Jesu Kristu nga rire o ujere no masa aruhe nga aruhe. Amen ¹² Vasuverua, amu toora otjo tjikumise o marorero uo muriro ngu ja jetua kombanda jenu, aajoo otjina o tjiheiue tja tji tua kuene. ¹³ Nunguari, nandi mu roro omaihamisiro ua Kristu, jorokeje, kutja uina mu kare no ndjoroka nu mu tjaterue o ujere ue tji ma u raisiua. ¹⁴ Tji ma mu tukanenua ena ra Kristu, mua serua o ndaja, mena ro kutja o Mbepo jo ujere ja Mukuru iri kombanda jenu. ¹⁵ Nunguari ape ningi umue uenu ngu ma ihamisiua otjo muzepe uo vandu, e runga, o murunde, poo o murihitise mo vina vio vandu. ¹⁶ Nunguari umue tji ma ihamisiua otjo Mukriste, a tohoni, nunguari nga hivirikire Mukuru mena ra itji. ¹⁷ Orondu o ruveze ruo mbanguriro oku uta mo ndjiuo ja Mukuru. Nu tji rua utu na ete, o ndjandero ja imba mbe hina nduviro ko Mbuze-ja-Mukuru ma i rire tjike? ¹⁸ Nu tjiperi opazeu ko musemba o ku jamua, ingui o murunde no munauvi mave rire ije? ¹⁹ Nu imba mbe ihamisiua mena ro mbango ja Mukuru nga ve jandje o minjo viao ko Muute o mutakame moku tjita naua.