¹ Nu ohunga no mauongero uo tjimariva tjoku vatera ovakambure, otja pu mba rakiza ozokereka za Galatia, ene uina otji mua soku tjita. ² Mejuva etenga ro tjiveke, auhe nga ri tuapere okana, oku puika otja imba pa nikora, kutja ape ha kara omatoneno uo vimariva tji mbe ja. ³ Nu ami tji mbe ja, avehe imba mbu mamu toorora no zombapira zenu, ami meje ku ve hinda no tjijandjeua tje nu ko Jerusalema. ⁴ Nu tji papu kutja ami uina mbi kaende pueena vo, mave kaenda pueena ami. ⁵ Nunguari me ja kuene tji mbazu noku pitira mo Makedonia, orondu mee ku pitire mo Makedonia. ⁶ Mapeja eje ku kara pueena ene, rumue e manene okupepera pueena ene, kutja rumue mu je ku ndji vatera mo ujenda uandje, akuhe ku mee ku jenda. ⁷ Orondu hina ku vanga oku mu muna nai ame kapita, nunguari me kambura kutja kutja meek u kara pueena ene omajuva, Muhona tja jandjere. ⁸ Nunguari me kara mo Ephesus nga mo pentecoste. ⁹ Orondu omujero omunene omunamasa ua patururirua ami, nangarire tji pena ovengi mba piruka. ¹⁰ Nunguari Timoteus tje ja, tjitee kutja a kare pueena ene no kuhina mburuma, orondu eje u ungurira Muhona tjimuna ami. ¹¹ Opu mu ha sere oku jandjera nangarire umue oku mu njengura, nunguari mu hindee ko murungu mo hange, kutja eje kuami; orondu ami mbe mu undja pueena o vakambure. ¹² Otja ko mukuetu Apolos, mba zerire tjinene kutja eje ku ene pueena o vakambure, nunguari ka pari mo mbango je kaparukaze kutja eje ku ene nai. Nunguari me ja tja munu o ruveze. ¹³ Jevajevee, zikamee mo ngamburiro, kuramee otja ovarumendu, karee no masa. ¹⁴ Ovina vienu avihe nga vi ungurirue mo rusuvero. ¹⁵ Nunguari me mu ningire vakuetu. Mamu tjiua ondjiuo ja Stefanas, kutja ojo otjihape otjitenga tja Akaja, nu ovo ve ritoorora oku ungurira ovakambure. ¹⁶ Tjiteje kutja mu riuise kehi ja imba mberi nao, nako mundu auhe ngu ungura noku kondja pueena ami. ¹⁷ Ami mba jorokisiua ijo meero ua Stefanas, na Fortunatus, na Akaikus; orondu ovo va vatera pu ja mua ri no uhepe. ¹⁸ Orondu ovo va peparisa ombepo jandje no jenu; opu mua soku zemburuka imba mbri nao. ¹⁹ Ozokereka za Asia ze mu minike. Akuila na Priskila ve mu minike tjinene mu Muhona, pueena okereka ndji ndjiri mo ndjiuo jao. ²⁰ Ovakambure avehe ve mu minike. Minikasaneje no ruhupito orujapuke. ²¹ Ombinika ja Paulus neke randje omuini. ²² Omundu auhe ngu ha suverere Muhona Jesu Kriste nga sengue. Muhona me ja. ²³ Otjari tja Muhona Jesu Kriste nga tji kare pueena ene. ²⁴ Orusuvero ruandje nga ru kare pueena ene amuhe mu Kriste Jesu.